ارجو المساعدة لانى محتار فى شراء اكسنت 2008

**ahmed_anas** · 30-05-2008 12:23 AM

اود رايكم بكل صراحة فى الاكسنت 2008 وبالنسبة لقطع غيارها ومدى استحمالها
وذلك اذا سمحتوا
وبكل حياد

اخوكم فى اللة احمد العابد

**SEATLOVER** · 30-05-2008 12:34 AM

اهلاً بيك يا استاذ احمد
حضرتك تقصد النيو اكسنت طبعاً
العربية دى ممتازة و من افضل انتاجات هيونداى من حيث الاداء وقوة الاحتمال
ودة بشهادة معظم مٌلاكها ,قطع غيارها مرتفعة و لكن جودتها عالية و بالتالى عمرها الافتراضى اكبر

وممكن تقرا الموضوع دة هايفيدك جداً
تقييم شامل للنيو اكسنت

لكن لو حضرتك مش مستعجل فى الشراء ممكن تصبر شوية لان الايام دى فى
لا هيونداى بعد اليوم ..............(قد تكون فترة محدودة)
والذى قد يكون احد سلبيات العربية فى الوقت الراهن

**ahmed_anas** · 30-05-2008 02:18 AM

متشكرين جدا لحضرتك
ياترى هل يتوفر فتحة usb فى الكاسيت الهونداى الاصلى
وماهو احسن مركز صيانة مابعد البيع فى الاسكندرية
وماهو افضل مكان فى الاسكندرية لشرائها وعمل خصم مناسب عليها حيث اننى علمت انها تباع ب 79000 وليس 80000

**ahmed_anas** · 30-05-2008 02:19 AM

حضرتك بتقول ان استنى شوية لان ؟.....
لانى مش فاهم بالصراحة
هى فيها مشكلة

**ahmed_anas** · 30-05-2008 02:27 AM

بسم الله الرحمن الرحيم
انا اتضامن بكل قلبى مع لاهونداى بعد اليوم بسبب المدعو غبور ومع انى كنت على وشك شراء الاكسنت ولكن لأسف انا بعد ما قريت فانا شايف ان ابسط حاجة اننا نقاطع هذا الرجل وهذة البضاعة وللعلم انا كنت مع احد الخبراء فى مجال السيارات اليوم وقال لى ان شركة غبور فى النازل وان سمعتها بقت مش كويسة جدا كمان ان منصور فى الوقت الحالى مكتسح بشكل كبير بالسيارة افيو الكورى الجديد وايضا بخدمة ما بعد البيع والصيانة لدرجة انة قال ان الناس انا معرفش ساكتين لية على غبور ولازم يقفوا وقفة ضد هذا الرجل الذى عمل ثروات من سيارات قيمتها الحقيقة اقل بكتير جدا مما تباع بة فى مصر والدليل على ذلك ان النيو اكسنت الخليجى ب 24000 الف ريال وبها كماليات اعلى من الى نازلة مصر وان غبور
يكفى انة يسخر بعملائة ويقدم لهم خدمات سيئة وايضا سيارات اقل بكتير فى الاوبشن عن برة

انا فعلا افكر جديا انى اتوجة الى افيو ويحيى منصور الراجل المحترم الذى يحترم عملائة
والكل بالصراحة بيشكر فية بجد كما ان الافيو سعرها سيزيد وكما علمت ب 3000 ج بعد اشهر قليلة

**magdy_momo** · 29-08-2008 04:56 PM

النيو اكسنت جميلة كنت مأجر واحده و روحت اصيف بيها في راس البر يومين

الموتور ال 1600 جميل بس الصوت عالي شويه بعد 4 rpm احنا كنا سته في العربيه 3 انفار ادام و 3 ورا العربيه واسعه و كويسه اخدتها من الاسماعيليه الي دمياط في ساعه و ربع كنت ماشي علي 160 و لا الهوا العربيه فل و كنت مشغل التكييف علي الدرجة 3 بس المشكله مفهاش عداد حراره (حاجة غريبه اوي)
و كمان مش حلوه في التخميس

اه نسيت اقولك انا كنت حاطط فيها بنزين 80 ايجار بقي

و خد راي باقي الاعضاء برده

و نسيت برده الباور بتاعها حلو و في الملفات جميله و ناعمه

انا معنديش واحده و لا حاجه بس بقولك علي اللي انا حسيته من العربيه