غير لمبه stop بنفسك ( مدعوما بالفيديو)

**Amr2004IBM** · 02-02-2012 01:32 AM

من خلال قراءتى لموضوع صديقنا العزيز بيشو فى كيفيه تنظيف لمبه stop جاتنى فكره انى اشرح كيفيه تغير لمبه stop وباقى لمبات السياره بالفيديو لتشجيع الصقور على عمل تلك الاشياء بسهوله ودون خوف ( ولا الحوجه للصنيعيه المهملين) ومساله الفك وتركيب مش اختراع و انا مؤمن بمبداء ان الصنايعى عمره ما هيبقى احن منك على حاجتك ( عربيتك) فطلما الحاجه نقدر نعملها ومش محتاجه خبره نتجراء ونعملها وصدقونى هتلاقو متعه فى كده وهتحسو بسعاده بعد نجاح التجربه
وبعدين طلاما كده كده هتروح للصنايعى جرب وغاط علشان تلقط الصنعى عملها ازاى وبكده مره فى مره هتتعلم
انا بفضل لله عملت فيديوهان واحد قدرت احمله على اليوتيوب وده بتاع لمبه الاستوب والثانى جارى تحميله وهو اقوى وهيعجبكو اكتر ان شاء الله بس هياخد وقت لان النت عندى بطيء جدا وهعمله ان شاء الله فى موضوع لوحده بعنوان تغير لمبات الفوانيس الخلفيه
وان شاء الله لو الموضيع دى لاقت استحسنكو هكمل وعمل باقى لمبات السياره وربنا يعنى على النت الى عندى
وارجوكم تعزرونى بعدم دقه التصوير لاننى كنت بصور بيد واشتغل بيد وحاولت اطلع الفيديو واضح قدر الامكان
ارجو ان تعوم الفائده ونسالكم الدعاء
وانا تحت امركم فى اى استفسار
[youtube]http://www.youtube.com/watch?v=kb6VJaF-QLs&feature=mfu_in_order&list=UL[/youtube]

**Dr'AhmZZong** · 02-02-2012 02:00 AM

جزاء الله خير على الافادة الجميلة ديه يا عَمرو بيه ..

**Youssef.Awad** · 02-02-2012 02:24 AM

مشكور وعقبال باقى تقارير تغيير اللمبات الامامية والخلفية والفوجات

**SonaSteel** · 02-02-2012 04:24 AM

تسلم ياعمر علي التقرير الجميل
وفعلا محتاجين فيديو لتغيير باقي اللمبات لو تقدر :))
اهو ماشاء الله بقينا نفك ونغير ..... :))

**Ahmed.TV** · 02-02-2012 05:53 PM

تسلم يا عمور على مجهودك وافكارك الجميل وافكار الاعضاء
واحييك على اشاراتك فى بداية الموضوع ان صاحب الفكرة كان بيشوى .. وده بيدل على روح التواصل الفكرى بين اللاعضاء والتقدير بينهم .. وبصراحة انت عضو محترم جدا يا عمرو بجد .. الواحد بيتشرف بوجودك معانا

كان فى دماغى فيديو كنت عايز اعمله .. بس لو تقدر انت يبقا اعمله عشان تكمل المسلسل ده للاخر
وهو ازاى نفك لمبة الصالون ونغير اللمبة اللى فيها الى لمبة ابيض نيون

اما بخصوص الرفع على اليوتيوب .. سهل جدا .. تعملوا اشتراك فيه .. وحتلاقوا كلمة تحميل ملف .. وحيرفع الملف وتاخد لينكه وخلاص

ولما نقعد مع بعض واى حد عنده فيديوهات يقولى واعطيله اليوزر نيم والباص ورض بتاع الاشتراك اللى انا عامله عشان يكون فيه كل فيديوهاتنا واكنه قناة لينا

ايه رايكم

تحياتى ليك يا عمور بجد .. والصوت ولا اسامة منير .. الله عليك .. وجزاك الله خيرا على المجهود

**Amr2004IBM** · 02-02-2012 11:47 PM

الف شكر على الردود الجميله من احبائى الصقور وخاصتا المجامله الرقيقه من دينامو الموقع احمد مصطفى
واحب اقول انى بحاول ان اعمل حاجه حلوه زي احبائى الصقور واقدم معلومه مفيد
وده فيديو تانى لتغير لمبات الفانوس الخلفى وان شاء الله هعمل باقى اللمبات بناءا على طلب الاخوه الاعزاء ( الفوانيس الاماميه - الفوجات - لمبه الصالون- لمبه الاشارات الجانبيه)
بس ارجو ان تصبرو على شويا لان الاب لود بيخد وقت منى كتير

[youtube]http://www.youtube.com/watch?v=9o124Ng62to[/youtube]