حلقت دقني عند حلاق ... والوساوس

**ahmadmidop** · 02-02-2012 04:05 AM

حلقت دقني عند حلاق مرة وطبعا لاني موسوس جداااا ... بدأت اقلق وخاايف لقدر الله اكون اتعديت ولا حاجة ... هوا طبعا حط موس جديد بورقته قدامي وحط الماكنه كلها في زي حاجة بتعقم بس بردو بعد لما خلص انا اتعورت وعملي بالشابة ..... من ساعت ما خرجت من عندو وانا هتجنن والشيطان مش سايبني في حالي

لو انا عاوز اتأكد لقدر الله من عدم الاصابة بحاجة وحشة هل عمل تحليل دم عادي كافي ولا في تحليل معين ياريت الافادة

**Dr.lancer** · 02-02-2012 02:50 PM

أولا أحب أطمنك أن بإذن الله مافيش حاجة. ثانيا لو خايف إعمل بعد شوية HBsAg, HCV, HIV

**ahmadmidop** · 02-02-2012 02:58 PM

اولا الف شكر يادكتور ... يعني التحاليل دي غير تحليل دم عادي ... وهل ليهم اسم مع بعض ولا ايه ... الموضوع ده بقالو 20 يوم مثلا

**Dr.lancer** · 02-02-2012 03:02 PM

هما عينة دم عادية و دول 3 تحاليل للالتهاب الكبدى b , c و الأخير للايدز

**ahmadmidop** · 02-02-2012 03:04 PM

طب معلش استفسار اخير بيحتاجو صيام ولا حاجة ولو حضرتك عندك فكرة عن التكلفة

**Dr.lancer** · 02-02-2012 03:12 PM

لا يحتاجوا صيام وبالنسبة للأسعار ممكن تكلم المعمل الأول و تستفسر عن سعرهم. أظن hiv هو اللى غالى شوية.
كلم ألفا لاب أو المختبر دول أكتر معامل بأثق فى نتايجهم حاليا عن تجربة.

**aboomar22** · 03-02-2012 11:19 PM

زى ماتفضل د شريف وقال لحضر تك احب بس اضيف الاسعار واظن من الافضل عمل التحاليل بعد شهرين من التعرض للاصابة لاقدر الله وهى الفترة اللازمة لظهور الاجسام المضادة وعموما تحليل hcv igg ب80 جنيه وhbs ab ب50 جنيه وhiv 1@2 ب130 جنيه ودى متوسط الاسعار فى المعامل الكبيرة مع انى اظن ان ان شاء الله سليمة طالما ان الموس كان جديد

**mostafa53** · 05-02-2012 10:54 AM

إضافة لكلام الدكتور شريف أحب أنبه باقى الأعضاء إلى إن الوقاية خير من العلاج يعنى لو رحت للحلاق أرفض إنه يستعمل أمواس فى الحلاقة واطلب الحلاقة بالماكينة بس أو فيه ناس موسوسة قوى بتشترى أدوات حلاقة خاصة بيها وتروح بيها كل مرة للحلاق يستعملها ليهم مخصوص