قسطره قلب

**abokoko** · 16-01-2012 03:39 PM

قريبي من حوالى 10 اشهر - اجرى عملية قسطره استكشافيه للقلب ومعها تم تركيب عدد 2 دعامة عادية + 1 دعامة دوائيه

الان ( وفى اقل من عام )

اجرى عمليه قسطره قلب استكشافيه -- للمره الثانيه --
ومعها
ركب دعامة دوائيه
+
توسيع للدعامة المركبه من قبل ( دعامة عاديه )

هل ده عيب دعامة ؟
او عيب طبيب ؟
او كلاهما ؟
او لا يوجد عيب ؟؟؟

**abokoko** · 17-01-2012 03:05 PM

النهارده اليوم ال3 وهو لسه فى المستشفى
الدكتور بيقول انها كانت بداية جلطة واتلحقت
وبيقول ان رسم ضربات القلب بيبين عدم انتظامها علشان كده لسه فى العناية ومش هيطلعه النهارده والله اعلم امتى هيطلعه
-- الحاله العامه له كويسه --
الدكتور بيقول علشان عدم الانتظام فى ضربات القلب اعطى له ادويه وحقنه لزيادة السيوله
ده امس بعد العمليه

انا بتسال هل كان او مازال فى حاجه غلط ؟؟؟؟

**MEKAWY2000** · 28-01-2012 11:09 PM

الله امشفى مرضانا ومرضى المسلمين

**abokoko** · 29-01-2012 09:16 PM

السؤال الاساسي

توسعة صمام بعد 9 اشهر من تركيبه شيئ عادى ولا مريب ؟؟؟؟؟
بمعنى هل ده ممكن يكون عيب تركيب صمام ؟؟؟؟
هل ده عيب نوعية الصمام ؟؟؟؟
و لا ده عادى وممكن يحصل ؟؟

**osamaos20022** · 31-01-2012 10:17 PM

العيب مش عيب طبييب
الدعامه المعدن معروف انها بتتسد بعد 6 شهور
وده مش شئ نادر
ولذا يلزم تعاطي البلافكس لمده سنه
وبرده ممكن تتسد
الدعامه الدؤائيه افضل في او سنه وبعد كده يتساوي الاتنين

**dr.hazem** · 01-02-2012 12:32 AM

هو ممفيش عيب ولا حاجه لكن انت مره قلت دعامه ومره قلت صمام
فياترى هيا دعامه ولا صمام؟

عموما عدم انتظام الضربات قد يكون بقاله فتره وقد يكون ناتج عن آخر قصور حصل
وفي جميع الاحوال مش غلطة حد
هوا قدره كده
شفاه الله وعافاه

بس عايز اعرف
هو من بعد القسطرة الاولانيه ياترى مغيرش عادات اكله ومعيشته؟؟؟
هل حلل دهون في الدم ولا لأ؟؟
هل عنده سكر او ضغط؟؟ ومتظبطين ولا لأ؟؟

تحياتي

**shaddadfalcon1** · 01-02-2012 08:53 AM

واحد صاحبي (25 سنه) كان ركب صمام برده بس كان كل شهر او كل اسبوع تقريبا بيعمل تحليل مش فاكر اسمه نسبة سيولة الدم تقريبا وعلي اساس النتيجه بياخد دواء معين عشان يظبط سيولة الدم ودلوقتي مش بياخدها والحمد لله ماشي تمام ربنا يديله الصحه

جايز قريبك لم ينتظم في الدواء وده ادي الي بوادر تجلط علي الدعامه

**Dr.lancer** · 02-02-2012 03:00 PM

مشكلة الدعامات خصوصا العادية أنها ممكن تتسد بعد فترة خصوصا لو المريض مش ملتزم بأدوية السيولة و متابعة الكوليستيرول فى جسمه. و كلام الزميل صحيح أن الدعامة الدوائية بعد سنة بتتساوى مع العادية لأن الطبقة اللى عليها (اللى بتمنع التجلط عليها) بتذوب مع الوقت. الحمد لله أنه عمل العملية التانية لتوسيعها. المهم دلوقتى أنه يمشى كتير و يتابع الضغط و الكوليستيرول كويس. و الله الشافى.

**abokoko** · 02-02-2012 03:29 PM

المشاركة الأصلية كتبت بواسطة د-شريف

مشكلة الدعامات خصوصا العادية أنها ممكن تتسد بعد فترة خصوصا لو المريض مش ملتزم بأدوية السيولة و متابعة الكوليستيرول فى جسمه. و كلام الزميل صحيح أن الدعامة الدوائية بعد سنة بتتساوى مع العادية لأن الطبقة اللى عليها (اللى بتمنع التجلط عليها) بتذوب مع الوقت. الحمد لله أنه عمل العملية التانية لتوسيعها. المهم دلوقتى أنه يمشى كتير و يتابع الضغط و الكوليستيرول كويس. و الله الشافى.

-- انه يمشي كتير --
هل المشاية الكهرباء تنفع ولا ممكن تكون مضره ؟؟