مزيكا

**مازن الطويل** · 30-05-2008 09:02 AM

انا عربيتي عاملة دلوقتي 15 الف كيلو وبتعمل مزيكا عند الفرامل نفسي اعرف لية تيل الفرامل تاكل بدري كدة_علي فكرة هيا مبدأتش تعمل كدة غير بعد 13 الف عايز اعرف نظام تغييروة في التوكيل ازاي وبكام؟ علشان انا اصلان هروح اغير زيت في التوكيل قريب؟؟؟؟ شكرا

**nobody** · 30-05-2008 02:44 PM

على فكرة انا عامل 11 الف و العربية بدات الفرامل تصفر بصيت على التيل اتاكل تلتينه على العموم التيل في التوكيل ب 385 جنيه معروفا ان اللانسر بتستهلك تيل كتير

**مازن الطويل** · 30-05-2008 04:37 PM

شكرا ياباشا علي الافاده بس هوا التيل اللي هيتغير للاربع فرد ولا الاتنين اللي ورا بس

**Moh.Fahmy** · 30-05-2008 04:43 PM

سعادة الباشا موضوع التيل ده معتمد علي الاستعمال فواضح ان حضرتك بتبقي رجليك دايما علي الفرامل او بتجري في اماكن ما ينفعش فيها الجري عشان كده بتدوس علي الفرامل بقسوة شوية مما يؤدي الي تآكل التيل
انا عربيتي عاملة 22000 و الحمد لله ما غيرتش التيل حتي الان و برضه ما ننساش ان العربية الاتوماتيك بتاكل تيل اسرع من المانيوال بكتير

محمد فهمي

**mido777** · 30-05-2008 05:37 PM

ممكن يكون لسه مش عايز يتغير دلوقتى
والصفاره دية ممكن تكون نتيجة وجود تراب على التيل حاول تنظفه كويس فى محطة البنزين وانت بتغسلها
او هات اسبراى تنظيف التيل ب 20 جنيه وجرب قبل ما تغيره

**مازن الطويل** · 31-05-2008 12:02 AM

شكرا ياجماعه علي الرد _فعلان انا عربيتي اتوماتك وانا بركن في جراج تحت البرج اللي ساكن فية وانا نازل للجراج بحط رجلي علي الفرامل علي طول واسيب حبةحبة في ناس قالولي ان ده بيخلي التيل يتاكل بسرعه-وده بيحصل تقريبا يوميا-فانا كدة كدة هغيرة لان صوته مدايقني بس هوا كدة غالي

**nobody** · 31-05-2008 10:56 AM

ممكن تجيب تيل كوري ب60 جنيه بيقولوا كويس

**Ramy.Gamal** · 31-05-2008 06:33 PM

اوعى تسترخص فى التيل هاتوا من التوكيل لانك مش هتلاقى الاصلى برة وكمان لو جبت اللى مش اصلى هيبوظ الطنابيرو كمان مش هيقعد سليم كتير . وانت عارف اهم حاجة تجييب فيها الاصلى التيل والاطارات

**Moh.Fahmy** · 31-05-2008 06:55 PM

المشاركة الأصلية كتبت بواسطة ramylancer

اوعى تسترخص فى التيل هاتوا من التوكيل لانك مش هتلاقى الاصلى برة وكمان لو جبت اللى مش اصلى هيبوظ الطنابيرو كمان مش هيقعد سليم كتير . وانت عارف اهم حاجة تجييب فيها الاصلى التيل والاطارات

+10000000000

محمد فهمي

**مازن الطويل** · 31-05-2008 07:57 PM

شكرا يا شباب انا هغيروة في التوكيل ومش هسترخص_ بس اية رأيكوا في التوكييل اللي في شارع عبد الخالق ثروت جنب السفارة السويسرية

الموضوع: مزيكا

LinkBack

أدوات الموضوع

عرض

-

-

-

-

-

المواضيع المتشابهه

سلسلة ( فيرنا مزيكا وصوت رائع ) اسعار فريش بالصور

فيرنا مزيكا وصوت رائع بالصور ( الجزء 2 ) شرح الوان

فيرنا مزيكا وصوت رائع بالصور والفيديو ( الجزء رقم 1 )

بسمع مزيكا حسب الله لو ركبت ناس ورا؟؟؟؟؟؟؟؟

مرايا بلوتوث + باركينج سينسور +كاميرا+ توصيلات مزيكا +سماعات

الكلمات الدلالية لهذا الموضوع

المفضلات

المفضلات

ضوابط المشاركة