يا جماعة فى حد مستخبى فى الشنطة؟

**basom** · 22-05-2008 03:21 AM

امبارح حصل موضوع غريب كنت ماشى بالعربية و سمعت اصوات تخبيط فى الشنطة كأن حد مستخبى فى الشنطة و عايز يخرج و قفت و فتحت الشنطة ملقيتش حاجة سايبة قفلت و مشيت مع كل وقفة و انا طالع يحصل نفس الاصوات هاتجننننننن افيدونى

:embarrassed2:

**loai-omar** · 22-05-2008 06:24 PM

ممكن تكون النمره مش مربوطه او بتتهز... اقف و خبط على كل جزء في الشنطه لحد ماتسمع الصوت ايلي بتسمعه

او بأه شنطة عربيتك مسكونه :)

**bee** · 22-05-2008 06:28 PM

باشا بص

شوية احتمالات

- شيل الازازة الي بتخبط رايحه جايه "لو فيه ازاة في الشنطة" او اي حاجه بتجري بمعنى بتتحرك
- احتمال النمرة كويس بردو اتاكد منه
- الاهم من ده كله تكون متأكد ان الصوت من الشنطة
لو كده ومفيش اي احتمال من دول
اقلب السماعات لتحت وشغل قرآن :)

**SEATLOVER** · 22-05-2008 06:34 PM

حاول تحدد مكان الصوت يمين ولا شمال ..وشوف المساعد اللى فى الناحية دى و تأكد منة

**wsamir** · 22-05-2008 06:43 PM

انا مرة حصلت معايا حسيت ان فى تخبيط فى الشنطة و اكتشفت ان كوتشة الشكمان اتقطعت و الشكمان كان بيخبط فى اخر العربية من تحت
راجع عليه يمكن يكون السبب

**م. تيمور** · 22-05-2008 07:06 PM

يمكن تكون الطفايه او العدة فيها اجزاء سايبه .. والاحسن لو حد ركب معاك ورا ومشيت شويه يمكن قربه من الشنطه يحدد فين المشكله
قلنا لما تعرف السبب :)

**kingnoro** · 22-05-2008 09:07 PM

انا حصلت معايا قبل كدة و بعد مدورت مدة و جدت السبب هو العمودين اللي بعرض الشنطة

بس انا معرفش موجودة في موديل عربيتك فية الحكاية دة و لا لا

**sab3aawy** · 22-05-2008 09:20 PM

فكرتنى بشلبى سيلوفان لما كان بيقول "صب فى الطنشة" فى فيلم شركة المرعبين المحدودة (لو ما كونتش شفت الفيلم فقهول لك ان "مارد وشوشنى" سأل شلبى سيلوفان نفس السؤال اللى انت عايز تسألهولى وهو"ما معنى صب فى الطنشة ، فشلبى سيلوفان جاوبه وقال له : يعنى بص فى الشنطة)

شلبى هو الكبير ومارد وشوشنى هو الصغير

بس الوضع هناك كان مقلوب تماما لأنهم كانوا عفاريت عايشين فى مدينة كلها عفاريت والشنطة كان فيها بنى ادمة صغيرة كلهم مرعوبين منها

الطفلة الأمورة دى هى اللى كانت مربية الرعب للمدينة كلها

عموما انصحك تبص على الشكمان والاستبن وتنك البنزين

**Dr.SherifMansy** · 23-05-2008 01:01 AM

انأكد زى ما الأخوة قالوا ان كل حاجة مربوطة فى مكانها صح (الأستبن ، العدة ، المثلث ، شنطة الإسعافات ...الخ) و ماتنساش حاجة مهمة و هى اللوح الخشب اللى مغطى الأستبن ممكن يكون مش بايت فى مكانه كويس و مع المطبات يبقى زى الطبلة

لو كل ده تمام راجع الشكمان و المساعدين
و حلوة فكرة القرآن بس مش محتاج تقلب السماعات لأن الصوت كده كده واصل و بيرن جوه الشنطة
و مدد ....

الموضوع: يا جماعة فى حد مستخبى فى الشنطة؟

LinkBack

أدوات الموضوع

عرض

يا جماعة فى حد مستخبى فى الشنطة؟ - انشر الموضوع فى :

-

-

-

-

المواضيع المتشابهه

فرش الشنطة

مية جوة الشنطة

خدوا بالكم من سقف الشنطة يا جماعة ..

الشنطة والمثلث هايفتشوا عليهم امتي يا جماعة

تفتكر لسه مستخبى لينا ايه تانى بعد موضوع البنزين

الكلمات الدلالية لهذا الموضوع

المفضلات

المفضلات

ضوابط المشاركة