الموضوع: فلتر مياه محترم

يا جماعة احسن حاجة لفلترة و تنقية المياه هي وحدات R.O اللي بتعتمد علي الضغط الاسموزي بالتناضح العكسي و مزودة بوحدة مينبرين و لازم المينبرين ده بكل اسف يكون امريكي لانهم هم اصل هذا الاختراع و انا عندي الفلتر ده من اول ما نزل من خمس سنين و الحمد لله زي الفل نسب الاملاح داخل اجسام العيلة اتظبطت كتير و علي الجهاز ده بيشيل الاملاح و البكتريا و المعادن الزائدة من المياه و يمنحك النسبة المسموح بها عالميا يعني مثلا نسبة الاملاح المسموح بيهل عالميا هي 5 :55 PPM هو بينتج مياه الاملاح فيها لا تتعدي 25 PPM بكل اسف الميه من الحنفية نسبة الاملاح فيها لا تقل عن 230ppm و ايضا المياه المعبأة في زجاجات و نطلق عليها نحن عن طريق الخطأ ميه معدنية و هي مية ابار طبيعية و فيها نسب الاملاح في اجودها و هي نستلة لا تقل عن 180 ppm فالافضل لحتنا هي وحدات RO و لله الحمد عندي الجهاز 8 مراحل و يعمل بمنتهي الكفاءة لان اهم حاجة المينبرين يكون امريكي الصنع و ايضا الموتور لان هذه المكونات النهاردة الصين بتعيد تدويرها و اعادة تصنيعها من اول و جديد -الجهاز الامريكي السبع مراحا سعره لا يقل عن 1750 جنيه و اعتقد احنا مش حنستخسر في صحتنا مبلغ زي ده طالما بيدي نتايج مذهلة و طالما الواحد يطمئن علي اسرته و الامر لله من قبل و من بعد احنا بس بناخد بالاسباب

طيب ياجماعة أنا قريت الموضوع كلة ومش عارف نكلم انهي شركة واية الافضل دلوقتي ياريت نحط أسامي شركات محددة عشان نستفيد خصوصا سوق الفلاتر دا للاسف النصب فيه كبير وانا جبت واحد قبل كدا ب400 جنية واترمي لاني حسيت انه ملوش لازمة وانا عايز حاجة فعلا تحميني من نسبة الاملاح والكلور.