فلتر مياه محترم

**egyptiandiver** · 23-02-2012 11:48 PM

يا ريت تبصو على الموضوع ده يا جماعة http://www.nilemotors.net/Nile/273718-a.html

**Amr_MO** · 24-02-2012 09:44 AM

انا عندي فلتر تانك تلات مراحل ومش بشتكي منه في حاجة من يوم ما اشتريته
بس مؤخرا المية بدأ يبقى فيها طعم غريب زي المية البايتة كدة لما تكون مركونة بقالها فترة في الشمس او مرمية في العربية حاجة زي كدة بس بعدها بفترة الدنيا اتعدلت تاني ولوحدها ومش عارف ازاي
يمكن لما فتحت الحنفية وخليت المية تجري في الفتر حوالي 15 لتر مية بعد كدة الموضوع اتعدل
بس شغال كويس، مرة بفتح حنفية المطبخ العادية لاقيتها نازلة لونها أبيض ومليانه كلور فحولت الحنفية للفلتر علشان اشوف هيعمل فيه وفعلا الفتر نزلي مية صافية ونقية تماما ومفهاش اي لون وبالنسبة للشمعة الأولى فعلا بعد فترة تبدأ لونها يتحول للأصفر الفاتح بعد كدة أصفر غامق

بس انا عندي سؤال لمستخدمي فلتر الباناسونك، الي اعرفه ان الفلتر ده شمعة واحدة، طيب علميا الشمعة دي تعادل كام مرحلة من مراحل التنقية بالنسبة لفتر تانك مثلا؟ يعني مثلا هل الشمعة دي بتقوم بدور الشمعة الأولى في تانك وهي حجز الشوائت وتنقية المياه من الرواسب والحشرات والصدأ وخلافه والمرحلة التانية الخاصة بتنقية المياه من الكلور والرائحة والطعم ولا ايه وضعها؟

**egyptiandiver** · 26-02-2012 10:23 PM

ربنا يستر و بعد المراحل دي كلها المية تزبط...

**egyptiandiver** · 06-03-2012 02:40 AM

الحمدلله كلو تمام بس بصراحة حاسس إن في إحساس بوجود طعم ذي الملح على شفايفي عموماً.... يا ريت حد متخصص يفيدنا

**أبو_يوسف** · 12-03-2012 05:01 PM

المشاركة الأصلية كتبت بواسطة amr_mo

انا عندي فلتر تانك تلات مراحل ومش بشتكي منه في حاجة من يوم ما اشتريته
بس مؤخرا المية بدأ يبقى فيها طعم غريب زي المية البايتة كدة لما تكون مركونة بقالها فترة في الشمس او مرمية في العربية حاجة زي كدة بس بعدها بفترة الدنيا اتعدلت تاني ولوحدها ومش عارف ازاي
يمكن لما فتحت الحنفية وخليت المية تجري في الفتر حوالي 15 لتر مية بعد كدة الموضوع اتعدل
بس شغال كويس، مرة بفتح حنفية المطبخ العادية لاقيتها نازلة لونها أبيض ومليانه كلور فحولت الحنفية للفلتر علشان اشوف هيعمل فيه وفعلا الفتر نزلي مية صافية ونقية تماما ومفهاش اي لون وبالنسبة للشمعة الأولى فعلا بعد فترة تبدأ لونها يتحول للأصفر الفاتح بعد كدة أصفر غامق

بس انا عندي سؤال لمستخدمي فلتر الباناسونك، الي اعرفه ان الفلتر ده شمعة واحدة، طيب علميا الشمعة دي تعادل كام مرحلة من مراحل التنقية بالنسبة لفتر تانك مثلا؟ يعني مثلا هل الشمعة دي بتقوم بدور الشمعة الأولى في تانك وهي حجز الشوائت وتنقية المياه من الرواسب والحشرات والصدأ وخلافه والمرحلة التانية الخاصة بتنقية المياه من الكلور والرائحة والطعم ولا ايه وضعها؟

جرب حضرتك تشوف الشمعة اللي في المرحلة الثانية اللي هي شبكة وشوف الجوان ليه ريحة ولا ايه؟
لان دا كان حصل معايا

**egyptiandiver** · 13-03-2012 07:45 PM

و لسه حشوف إن شاء الله خدمة التغيير بتاعة الشمعات ملتزمين في شغلهم و مواعيدهم و لا إيه النظام؟

**Islam_Shady** · 13-03-2012 07:58 PM

انا عندى فلتر 7 مراحل (ro) من يونيون تيك (اللى هى تبع يونيون اير بتاع التكييف)

شركه ضاااااااايعه و خاماتهم رخيصه و الفنيين بتوعها موش فاهمين اى حاجه

عملولى 12 زياره فى فترة الضمان علشان يصلحوه اما يصلحو تسريبات او يشوفو الميه موش نظيفه ليه و برضه بيجيب ميه موش نضيفه و فى الاخر عرفت اصلحه انا و طلع الخزان اللى معاه هو اللى بيلوث الميه

فصلته و دلوقتى الفلتر بيجيب ميه نظيفه بس بمعدل بطىء جدا

من الاخر انا كاتب علشان احذر من يونيون تيك دى و بالتوفيق

**ashraf1212** · 15-03-2012 01:58 AM

السلام عليكم اللى عندك أحسن نوع وعندى زية ودة أحسن من الفلاتر اللى بتسمع عنها واللى بتوصل ل 8 مراحل ودة بعد أبحاث طويلة فى مصر وبرة مصر لأن الفلاتر متعددة المراحل بتنضف المية وتشيل الحاجات المضرة من المية ومش بس كدة! دى كمان بتشيل المعادن والفيتامينات أو بتشيل فوائد المية علشان كدة البريتش بيكرفيلد أحسن حاجة وفى كمان باناسونيك.

**mohamedrefaat** · 22-03-2012 08:27 AM

وانا احذر من يونيون تيك بعد التركيب اخذو الكرتونة ومعها مفتاح تغيير الفلاتر ومشو كما ان الخزان معدن وليس فايبر
بيغير طعم المية

**Islam_Shady** · 22-03-2012 09:31 PM

المشاركة الأصلية كتبت بواسطة mohamedrefaat

وانا احذر من يونيون تيك بعد التركيب اخذو الكرتونة ومعها مفتاح تغيير الفلاتر ومشو كما ان الخزان معدن وليس فايبر
بيغير طعم المية

موش بيغير طعم الميه بس ده بيلوثها و الفلتر عندى ماعرفتش اشرب منه الا لما فصلت الخزان ده خالص و هو مصدى دلوقتى

الفلتر شغال من غيره بس بمعدل بطىء يعنى باسيب الكولمان تحته ساعه على ما يتملى.