الموضوع: الى خبراء المرسيدس

المشاركة الأصلية كتبت بواسطة midogeem75

يا استاذنا مفيش حاجه اسمها مرسيدس يستحمل الحراره والمشاوير الصعبه !!!! أنت تتحدث عن سيده السيارات في العالم . وعن اول شركه في العالم اخترعت السيارات اساسا!!! بدايه يجب ان تحدد شكل السياره التي تريدها واحتياجاتك منها . ولو تحدثنا عن المبلغ الذي حددته تقدر تجيب بيه w203 c180 موديل 2001 الشكل قبل الاخير . وهي سياره شيك وشبابيه وقويه وطبعا هي اعلي في اسعار قطع الغيار عن ال w124 وممكن تجيب w140 موديل 92 او93 وهي الفئه s والمشهوره تجاريا باسم الشبح وطبعا قطع غيارها ومصاريف صيانتها اعلي من ال w 124 .. وطبعا يجب ان تكشف علي السياره جيدا عند مركزصيانه متخصص للمرسيدس بغض النظر عن موديلها واهم شييء الحاله . وبالتوفيق ان شاء الله . جمال

فعلا امرسدس من أحسن العربيات بس موديلات التسعينات كان فيها مشاكل في التكييف ومبيستحملش الحر الي في الخليج

المشاركة الأصلية كتبت بواسطة hisham80

فعلا امرسدس من أحسن العربيات بس موديلات التسعينات كان فيها مشاكل في التكييف ومبيستحملش الحر الي في الخليج

التسعينات اسوء فترة في تاريخ المرسيدس -بنز مش في التكييف فقط كمجمل بالنسبة لموديلات التمانيات او منتصف الالفينات عربيات سيئة خامات رديئة و تقفيل مش بالجودة المعهودة و امكانيات و تنكولوجيا لم تختبر لوقت كافئ في عربيات كانت بتنزل جديدة في المعارض و فيها اعطال
كان في توكيل مرسيدس في دولة اوروبا طالب عربيات معظمها جات فيها اعطال كل ما حد يشتريها ..يرجعها تاني ...صاحب التوكيل حاول يصلح العربيات و لكن بعد 6 عربية بعت رسالة للشركة و كتب فيها الموديلات و قالهم لازم تبعتوا رسائل اعتذار للمستهلكين عن تصنيع عربيات سيئة زي دي
في موديلات محددة نزلت سمعة الشركة للدرجة رهيبة
في اوائل الالفينات الشركة اعلنت انها بتصرف اكتر علي تطوير الموديلات و بتستخدم خامات افضل من التسعينات و انها حترجع للجودة المعروفة...فعلا الفرق مثلا بين موديل 99 و 2009 ملحوظ جدا في الخامات و التقفيل

المشاركة الأصلية كتبت بواسطة mada6680

كلام حضرتك ثقة طبعا وسعيد برد حضرتك جدا
بس بصراحة كلام حضرتك صدمنى جدا
معنى كدة ان المرسيدس سواء تسعينات او الفينات جودة وخامات سيئة يعنى عشان اجيب عربية اعتمادية عالية وتستاهل فلوسها اجيب حاجة من اول 2006 مثلا؟
يعنى معقول الشركة دى اعدت تنزل عربيات لمدة عشرين سنة خامات سيئة ومليانة اعطال
طيب الثقة دى خدتها منين؟
على فكرة انا بحب الموديلات القديمة جدا عن الجديدة
طيب حضرتك تقصد موديلات بعينها ولا كل موديلات مرسيدس فترة التسعينات
ولو فى حاجة تمنينات او سبعينات برده نفس الجودة السيئة دى

اشكرك يا فندم ...الموضوع مش كده خاااالص اي مرسيدس تستاهل فلوسها و في نقطة لا تقارن المرسيدس باي عربية تانية المرسيدس مختلفة نهائي ..انا بقارن مرسيدس بمرسيدس
مش معني اني قلت الجودة سيئة انها تنزل لمستوي مثلا عربيات كوري ..لا طبعا انا بقارنها بالموديل اللي قبلها او اللي بعدها كان في وقت كانت اي عربية مرسيدس تمشي باقل صيانة تعمل كليوات كتير جدا من غير اعطال تذكر جودة الصناعة كانت عالية جدا جدا جدا جدا ..التسعينات كل ده قل شوية بعض العربيات بقي لها اعطال و الخامات مش علي المستوي المعهود و لكن طبعا الاعتمادية بالنسبة لاي عربية تانية عالية حتي الموديلات اللي بتقال عليها مش اد كده بشوفها بتمشي في مصر زي الفل ..السبيعنات و التمانيات كانت الفترة الذهبية للشركة ببساطة لو العربيات ماكانتش جودتها عالية ماكنش حنشوف منها يوميا بعدد مش قليل و تقربيا كلها بتستخدم يوميا بقلها سنين و سنين و لسه بتجري ...حضرتك متتصدمش دا الواقع صعب جدا تلاقي عربية كاملة انا بتكلم من وجهة نظر معينة انا مش بيركب غير مرسيدس سواء قديم او جديد فبقارن موديلات ببعض و علي فكرة السوق المصري حتي يختلف عن كلامي مثلا في موديل في كل العالم الناس بتشكر فيه هنا في مصر التجار كان بيقولوا عليه مش الماني و في موديل تاني في كل مكان في الدنيا الناس بتقول عليه سيئ ...الا مصر و سعره عالي رغم ان في ناس مش بتفضله ....حضرتك اتكل علي الله و شوف الموديل اللي بناسبك و طول ما العربية بتعمل صيانة حتفضل ماشية زي الفل إن شاء الله