تجربة سيئة مع مركز المصريين لتجديد السيارات

**lord2012** · 16-02-2012 11:48 AM

اولا احييك على اسلوبك المحترم

ثانياً احنا بنعمل شغل فى عربيات مرسيدس وبى ام بيعدي 20 - 30 الف جنية المقايسة
وبنعمل شغل فى لانوس وفيرنا بالفين وتلاتة المقايسة
ده غير شغل التأمين اللى حسابة مايعلم بيه الا ربنا غير شغل المرمات
مستحيل شغل ده يبقى زى شغل ديه
ومحدش هيقعد ينقى الشغل
الاستاذ كان جايب العربيه مرمات دهان ومش عايز يعمل سمكرة وكان عامل شغل فى العربيه قبل كده سمكرة ودوكو
والناس الفاهمة تعرف ان فى الحالة ديه لازم العربيه تجاب على الصاج وتتظبط سمكرة الاول وبعدين تجيلى
دهان

**chicobon** · 17-02-2012 12:27 AM

الموضوع يتقفل افضل فين صاحب المشكله مش بيرد ليه ؟

**abo_lamar** · 17-02-2012 02:21 AM

يا جماعة بصراحة الراجل صاحب المركز عداه العيب حتى لو عمل شغل وحش بس هو مستعد يصلح الخطأ ....
فين بقى الزميل صاحب الموضوع مش بيكلمنا ليه , على فكرة المركز ده لو شغله مش كويس على طول ماكنش استاذ لورد فكر انه يدافع عن شغلة و عن مركزه وكان كبر دماغه .

**almoez** · 19-02-2012 12:43 PM

اعضاء نيل موتورز الكرام

احب اوضح كذا كلمه استاذنا اسلام اللي هوا اللورد

بخصوص العربيه دي مش فابريكة وان الشغل قديم

الموضوع مش تشهير بس اي مكان محترم المفروض يعترف باخطاءه بس انتو لا ودا اضح جدا لانك عمال تلف وتدور

العربيه ياناس فضلت قاعده عنده اسبوعين في القاهرة وانا من سكان الاسكندريه

وبخصوص ان الشغل وحش علشان انا مصر امشي فدا طبيعي احب احكي انتو كنتو بتعاملوني ازاي علشان تماشوني

للعلم انا عملت 3 معاينات في المنتدي اللي عرفته منه

2 معاينه في الاسكندبه وواحده في القاهرة

واثبتت صحت كلامي من الالف الي الياء

متشكر جدا

**almoez** · 19-02-2012 01:00 PM

اولا بخصوص اني عملت الموضوع وتناسيته دا لاني عندي ظروف بقالي اسبوعين والله وفي اعضاء من المنتدي علي صله شخصيه بيا وهم اعلم لالحاله اللي انا فيها

ثانيا انا من الاسكندريه مش من القاهرة والمركز في القاهرة ازاي لما الشغل معجبنيش مستلمش؟؟؟؟

ياجماعه انا اقسم بالله انا سبت العربيه شهر ونص بدون غسيل علشان محدش يشمت فيا لان فعلا العيوب واضحه

اما بخصوص اسلام بيقول مرمات وعلي الصاج انا معرفش الكلام دا اللي اعرفه اني وديت العربيه وفيها كذا خيطه بسيطه وقالي هنرش كذا وكذا طبعا قالي مش هنرش القوايم

لما جه يرش السقف طبعا الخبرة بتاعتهم اللي هيا 40 سنه خليتهم يرشوا القوايم بالغلط والحل انها تترش !!!!

انا مش عارف عنده ثقه ازاي بشغله لدرجه انه بهلدني معاه شهرين دا لو عنده نيه للاصلاح او الاعتراف بالخطأ او يدفع تعويض كان من الاول مش دلوقتي بعد ماعملت معاينه واثبتت صحه كلامي

واضح انك غاوي لف ودوران بس بلا فائده

واكرر انا عملت معاينه 3 مرات واثببت صحت كلامي ان الشغل دا جديد ومنه

اقسم بالله ابوه وقت الاستلام كان بيستعميني عمال يقولي فين فين مفيش!!!

انا علم قطع الارزاق حرام بس انا مش اللي هخاف علي اكل عيشه هوا اللي يخاف عليه

معايا تقرير المعاينه لو تطلب الامر نشرة!!

ومتشكر جدا لجميع الاعضاء اللي وقفوا معايا في الحق

**almoez** · 19-02-2012 01:07 PM

المشاركة الأصلية كتبت بواسطة lord2012

اولا احييك على اسلوبك المحترم

ثانياً احنا بنعمل شغل فى عربيات مرسيدس وبى ام بيعدي 20 - 30 الف جنية المقايسة
وبنعمل شغل فى لانوس وفيرنا بالفين وتلاتة المقايسة
ده غير شغل التأمين اللى حسابة مايعلم بيه الا ربنا غير شغل المرمات
مستحيل شغل ده يبقى زى شغل ديه
ومحدش هيقعد ينقى الشغل
الاستاذ كان جايب العربيه مرمات دهان ومش عايز يعمل سمكرة وكان عامل شغل فى العربيه قبل كده سمكرة ودوكو
والناس الفاهمة تعرف ان فى الحالة ديه لازم العربيه تجاب على الصاج وتتظبط سمكرة الاول وبعدين تجيلى
دهان

يعني ايه مش عايز اعمل سمكرة حد يرد عليه والنبي هوا مش انت مركز سمكرة ودوكو ولا ايه ياستاذ

الله يخليكم حد يرد عليه ازاي واحد معاه عربيه يروح للمركز ويقول رش عليها كدا مش غير سمكرة!!!!

امال انا هرشها ليه!!

انت فعلا ماشاء الله عليك نفسي الف وادور زيك!!

وكمان بيقول يامسلمين صلاه الجمعه وكنا مستعجلين هوا فيه حد بيلزق بامير اصلا

ثانيا واقسم بالله العظيم انا كلمته قبل مااستلم العربيه بيومين قلتله العربيه فيها حاجه اتكسرت علشان اشتري تاني قالي لا لا لا علشان انا والدي كان نازل من السعوديه وكان هيجيبها معاه

محدش هيعرف الناس دي الا لما يتعامل معاها

وبعدين انا هستفيد ايه انا مش عارف اخد حقي اصلا

غير كدا اللي مرضهوش عليا مرضهوش علي غيري

**almoez** · 19-02-2012 01:17 PM

نسيت اضيف حاجه اخيرة انا معايا جميع الحوارات اللي دارت بيني وبينه بخصوص السمكرة والرش والسعر والاتفاق والمعاد اللي انا زوته اسبوع كمان مش انا اللي مستعجل!!

انا الحمد لله بتكلم وعارف بقول ايه وياريت يااسلام بلاش كدب لان منظرك هيكون مش لذيذ الكذب ملوش رجلين..

وبعدين انت جيت تاني المنتدي ليه ؟ انت ناسي انت قلت ايه في حقه؟؟؟

ومنتظر اذن النشر

**أشرف العدوي** · 19-02-2012 01:24 PM

لا حول و لا قوة إلا بالله

**almoez** · 19-02-2012 01:39 PM

المشاركة الأصلية كتبت بواسطة lord2012

معلش ايه حكاية 3 بويه ديه هو حضرتك وزنت البوية ازاى ؟؟

وحضرتك جبت منين ان الاتفاق كان بالكيلو !!! هو فيه اتفاق بالكيلو

الاتفاق كان على مرمات اجزاء وصلت لرش العربيه بالكامل والسقف اسود وبالبلدى عملنا اللى هو عايزة بعد ما نصحته يخليه مركب استيكر على السقف حفاظاً على العربيه بس ده واحد مش فارقة معاه اصلاً غير السعر والسرعة

وفى المقابل فيه زبون بيحدد هو عايز ايه من الاول وبيحدد انه عايز جودة شغل قبل اى حاجة لكن هو كان طالب بوية اللى بتخلى الشكل زى القزاز منظر مش جودة وسمكرة ودوكو بالاصول وديه برضو غلطة احنا مسئولين عنها وبعد كده مش هنقبل شغل من النوعية ديه تانى وفى نفس الوقت ملتزمين باستكمال الشغل احتراماً لانفسنا ولتاريخنا اللى يشهد على مر سنين برضاء زباينا وعملائنا ومستوى شغلنا

ههههههههههههههههههه

اسلام حبيبي نصحتني ازاي اركب استيكر ازا انا اصلا كنت مركب وانت اللي شايله بايدك!!! علشان يترش اسود انت بجد اسطورة

يابني معايا كل الحوارات :)

وبعدين فاكر جشعك المادي اللي خلاك تعمل عليا حوار وتقول الشنطه لازم تترش وطبعا بما اني بحب تكون حاجتي مزبوطه وافقت وانا عندي ثقه فيك بس في وقت المعاينه عرفت ان مكنش المفروض تترش واللون بيتزبط عادي

ياجماعه حرام يعني ايه واحد يقوله عايز منظرة حلو بس بلاش سمكرة ولا دوكو كويس الله يخليك؟؟؟

انا مش عارف الاعضاء عرفت شخصيته ولا لا؟؟

وبعدين سعر ايه اللي بتتكلم عليه وسرعه ايه انا سايبها اسبوعين لو فارق معايا السعر كنت عملتها بويه مصري مش الماني يااخ غير كدا انا بسألك تتكلف كام بتقول كذا (هقولك يبقي جوده ممتاز ولا سئ) انت غريب والله

امال سيادتك بتقول لازم المعاينه علشان السعر ليه ماتقول سعر الرش علي طول؟؟

حد يفيدني ممكن انا من زمن اخر واادنيا ماشيه بضهرها