المتزوجون: بتقضو وقتكم ازاي؟

**friendship7897** · 14-02-2012 12:48 PM

المشاركة الأصلية كتبت بواسطة hosar

كلنا هذا الرجل ....
انا بنتى أشتكت لوالدى اننا ما بعدش معاهم خالص و طول اليوم بابا ( انا ) قاعد على اللاب و مش بنحس بية خالص غير لما بيزعقلنا ...
ساعتها على طول أفتكرت والدى إزاى كان بيفضل التليفزيون علينا و الدش طبعا لما طلع و أتخذت قرار أننا بعت اللاب فورا و بدون تفكير ( أكيد لو فكرت مكنتش حعمل كدة )
و بستخدم الكمبيوتر الخاص بشغلى و بس لما أخلص الشغل فقط

حاول تعمل كدة ولادنا محتاجين لنا من أول يوم بيتولدوا فية ،

ماشاء الله عليك - ربنا يخليك ليهم ويخليهم ليك .

**أبو إياد** · 14-02-2012 01:04 PM

انا واحد من الناس اتخلصت من الكمبيوتر واللاب فى البيت وموضوع خروجهم ده راجع لخوفى عليهم فعلا بسبب الظروف اللى بنعيشها وزوجتى مقدره الكلام ده وبالنسبه للخروج بوصلهم بيت حمايا باللسل وتانى يوم بعد الشغل اعدى عليهم ونقضى باقى اليوم بره ممكن اوديهم النادى او نتغدى لكن على مدار الاسبوع باكون متواجد فى البيت بعد الشغل وده بعد الثوره انما قبلها تقريبا ماكنتش فى البيت غير ع النوم وبس
المشكله دلوقتى بقا اياد كل شويه يقولى بابا احنا نركب اتوبيس ونروح بحر ونركب بطه وبدال وكل مايشوف فى التليفزيون بحر يتجنن

**shaddadfalcon1** · 14-02-2012 08:05 PM

ماهو ياجماعه انتو تقدرو تستغنو عن الكمبيوتر عشان مش اساسي ليكم ومش شغلكم
لكن ده اللي بياكلني عيش ولازم اقعد قدامه كتير عشان اقرا حاجات جديده واتعلم احدث حاجه بتنزل
وبرده ساعات بتشتغل من البيت

ولو مفيش اي حاجه ببقبي مخنوق ومن حقي ارفه عن نفسي ودي الطريق الوحيده اني ارفه عن نفسي شويه

وده مش معناه اني افضل طول الوقت قدامه بس في ناس برده بتبقي مفيش كمبيوتر بس طول النهار قدام التيليفزون مثلا ومش مركزه مع حاجه تانيه

**amrrashed** · 15-02-2012 08:33 AM

وانا اللى كنت فاكر نفسي لوحدى

**cyborg_ift** · 15-02-2012 09:38 AM

بصراحه الشغل بيعتبر عائق كبير جدا وفعلا بيؤثر على الحياه الزوجيه بالسلب وخصوصا للي بيشتغل في وظائف تحتاج لتركيز عالي وكانت بتواجهني دايما مشكله مع زوجتي اني اول ما اروح بتبقا عاوزه تحكيلي اللي حصل في يومهه وكنت كتير اسرح في الشغل وأقعد أقول أه أه والله أه ياسلام ولما يصدر مني مره كلمه مش في مجرى الحديث تعرف طبعا اني مش مركز معاهه وتبدأ سيمفونية بتهوفن الله يرحمه

**mailo** · 15-02-2012 10:11 AM

المشاركة الأصلية كتبت بواسطة friendship7897

- وكتير يقول لي نفس أحضنك شوية - أقول له دا وقته مش شايفني بشتغل

، .

معلش بس أنا عايز اقولك إن الكلام ده مصيبة سودة
بجد الكلام ده ممكن يأثر على الطفل نفسيا تأثير جامد كمان ومش شرط التأثير ده يظهر دلوقتي
هو محتاج حاجة منك وإنتي الوحيدة اللي ممكن تديهاله والفراغ اللي بتعمليه عنده ماحدش هيعرف يملأه غيرك

المشاركة الأصلية كتبت بواسطة shaddadfalcon1

ماهو ياجماعه انتو تقدرو تستغنو عن الكمبيوتر عشان مش اساسي ليكم ومش شغلكم
لكن ده اللي بياكلني عيش ولازم اقعد قدامه كتير عشان اقرا حاجات جديده واتعلم احدث حاجه بتنزل
وبرده ساعات بتشتغل من البيت
ولو مفيش اي حاجه ببقبي مخنوق ومن حقي ارفه عن نفسي ودي الطريق الوحيده اني ارفه عن نفسي شويه
وده مش معناه اني افضل طول الوقت قدامه بس في ناس برده بتبقي مفيش كمبيوتر بس طول النهار قدام التيليفزون مثلا ومش مركزه مع حاجه تانيه

لو حد شغال في IT هايقدر
وبذات لو شغال developer
أنا بالنسبالي الكمبيوتر وسيلة الشغل والترفيه كمان
وصعب استغنى عنه
بس لازم يكون فيه توازن

**shaddadfalcon1** · 15-02-2012 08:43 PM

المشاركة الأصلية كتبت بواسطة mailo

معلش بس أنا عايز اقولك إن الكلام ده مصيبة سودة
بجد الكلام ده ممكن يأثر على الطفل نفسيا تأثير جامد كمان ومش شرط التأثير ده يظهر دلوقتي
هو محتاج حاجة منك وإنتي الوحيدة اللي ممكن تديهاله والفراغ اللي بتعمليه عنده ماحدش هيعرف يملأه غيرك

لو حد شغال في it هايقدر
وبذات لو شغال developer
أنا بالنسبالي الكمبيوتر وسيلة الشغل والترفيه كمان
وصعب استغنى عنه
بس لازم يكون فيه توازن

يقدر ازاي بس ياميلو بقولك ده سيبل الرزق بتاعه وفي نفس الوقت وسيلة الترفيه بتاعته

قصدك يعني هيبقي زهقان منه طول النهار فمش هيقعد قدامه بالليل؟
لو كده يبقي لا والف لا ده انا لو فضلت 48 ساعه في ال 24 ساعه مش هزهق

**mailo** · 15-02-2012 09:09 PM

المشاركة الأصلية كتبت بواسطة shaddadfalcon1

يقدر ازاي بس ياميلو بقولك ده سيبل الرزق بتاعه وفي نفس الوقت وسيلة الترفيه بتاعته

قصدك يعني هيبقي زهقان منه طول النهار فمش هيقعد قدامه بالليل؟
لو كده يبقي لا والف لا ده انا لو فضلت 48 ساعه في ال 24 ساعه مش هزهق

ياباشا يقدر دبل دي اللي عليها شدة والدال دي برده عليهها واحدة

أنا developer أنا كمان وباقولك إن الشغل والتسلية بالنسبالي هم الكمبيوتر
مش كل الناس هتقدر هتفهم الكمبيوتر إيه بالنسبة للناس بتوع ال IT وخصوصا el-developers

**wa7d** · 15-02-2012 09:18 PM

المشاركة الأصلية كتبت بواسطة mailo

ياباشا يقدر دبل دي اللي عليها شدة والدال دي برده عليهها واحدة

أنا developer أنا كمان وباقولك إن الشغل والتسلية بالنسبالي هم الكمبيوتر
مش كل الناس هتقدر هتفهم الكمبيوتر إيه بالنسبة للناس بتوع ال IT وخصوصا el-developers

ايه يا جماعة هي الناس كلها طلعت شغاله علي الكمبيوتر , انا كمان شغال webmaster ويومي كله علي الكمبيوتر والانترنت