هام جدا يا جماعة بخصوص شركة تي اي داتا

**KhaledGub** · 05-02-2012 06:26 PM

السلام عليكم
انا كنت مشترك في عرض تي اي داتا اللي فات اللي 512 بدفع 95 كل شهرين لمدة 6 شهور
المهم ان العرض ده مينفعش اعلي السرعة فيه قبل سنة او افصل الخدمة لو عملت حاجة فيهم بدفع شرط جزائي 220 جنيه
المشكلة بقا ان النت عندي سيء جدااااا وفي اوقات كتير بيقطع ياما الداونلود بيكون بطيء مثلا 20 كيلو في الثانية ولما اتصل بيهم بيتظبط في وقتها لكن بيرجع تاني سيء وسعات مش بيتظبط في وقتها وبفضل مستني
فقررت اني افصل الخدمة خلاص لاني مش ممكن افضل استمر سنة على كدة
بس المشكلة اني لازم ادفع 220 وانا بصراحة مستحرؤم ادفع الفلوس ديه لان حرام يعني ابقا انا المضرور وادفع كمان! فمفيش حل الغي التعاقد بدون ما ادفع الفلوس ديه؟ او حتى اديهم الروتر بتاعهم؟؟ هل مثلا ممكن اصور فيديو سرعة الداونلود واشتيكيهم في الجهاز القومي لتنظيم الاتصالات عشان افسخ العقد بدون ما ادفع شرط جزائي؟؟
وشكرا

**yoko** · 05-02-2012 06:31 PM

إبعتلهم شكوى مكتوبه على عنوان الإدارة بسوء الخدمه يومين لو متحلتش إبعت لحمايه المستهلك

**KhaledGub** · 06-02-2012 06:40 PM

المشاركة الأصلية كتبت بواسطة yoko

إبعتلهم شكوى مكتوبه على عنوان الإدارة بسوء الخدمه يومين لو متحلتش إبعت لحمايه المستهلك

ممكن اعرف عنوان لادارة بتاعم ايه؟ والشكوى تكون في جواب عادي؟ طب ولزمته ايه الاجراء ده وانا اصلا على طول بكلمهم؟

**KhaledGub** · 06-02-2012 06:40 PM

المشاركة الأصلية كتبت بواسطة elbeheri

انت ساكن فبن
الأحد 13 ربيع الأول 1433

تبع سنترال امبابة

**M.Osama** · 06-02-2012 06:42 PM

افصل ومتدفعلهمش حاجه بس اعمل حسابك مش حتعرف تكنسل الخط منهم طول عمرك ولا تنقل علي شركة تانيه بنفس الرقم

**magid1010** · 06-02-2012 06:55 PM

[size="5"]غريبة انا مشترك فى العرض دة و السرعة كويسة بس انا تبع سنترال العريش ممكن تتصل بخدمة العملاء و تبعت شكوى على موقعهم انا لما اشتركت لقيت حد من الشركة اتصل و سالنى عن مستوى الخدمة و كدة يعنى المفروض ان دى شركة محترمة[/size]

**aboharb** · 06-02-2012 07:05 PM

المشاركة الأصلية كتبت بواسطة khaledgub

السلام عليكم
انا كنت مشترك في عرض تي اي داتا اللي فات اللي 512 بدفع 95 كل شهرين لمدة 6 شهور
المهم ان العرض ده مينفعش اعلي السرعة فيه قبل سنة او افصل الخدمة لو عملت حاجة فيهم بدفع شرط جزائي 220 جنيه
المشكلة بقا ان النت عندي سيء جدااااا وفي اوقات كتير بيقطع ياما الداونلود بيكون بطيء مثلا 20 كيلو في الثانية ولما اتصل بيهم بيتظبط في وقتها لكن بيرجع تاني سيء وسعات مش بيتظبط في وقتها وبفضل مستني
فقررت اني افصل الخدمة خلاص لاني مش ممكن افضل استمر سنة على كدة
بس المشكلة اني لازم ادفع 220 وانا بصراحة مستحرؤم ادفع الفلوس ديه لان حرام يعني ابقا انا المضرور وادفع كمان! فمفيش حل الغي التعاقد بدون ما ادفع الفلوس ديه؟ او حتى اديهم الروتر بتاعهم؟؟ هل مثلا ممكن اصور فيديو سرعة الداونلود واشتيكيهم في الجهاز القومي لتنظيم الاتصالات عشان افسخ العقد بدون ما ادفع شرط جزائي؟؟
وشكرا

كلم الدعم الفنى وخد رقم للشكوى بتاعتك وتابع معاهم كل يوم ومتزهقش غصب عنهم هيظبطو الخدمه

**KhaledGub** · 06-02-2012 07:48 PM

المشاركة الأصلية كتبت بواسطة m.osama

افصل ومتدفعلهمش حاجه بس اعمل حسابك مش حتعرف تكنسل الخط منهم طول عمرك ولا تنقل علي شركة تانيه بنفس الرقم

يعني انا لو مدفعتش الفلوس كل اللي هما هيعملوا انهم مش هيدوني رقم الالغاء؟ طب لو نفرض اني طولت واعدت مثلا سنة مدفعتش ال220 جنيه هل لو عوزت اخد رقم الالغاء ادفع عادي ال220 جنيه؟ ولا هيضاف عليهم فلوس تأخير مثلا؟؟

**M.Osama** · 06-02-2012 08:30 PM

المشاركة الأصلية كتبت بواسطة khaledgub

يعني انا لو مدفعتش الفلوس كل اللي هما هيعملوا انهم مش هيدوني رقم الالغاء؟ طب لو نفرض اني طولت واعدت مثلا سنة مدفعتش ال220 جنيه هل لو عوزت اخد رقم الالغاء ادفع عادي ال220 جنيه؟ ولا هيضاف عليهم فلوس تأخير مثلا؟؟

اه ده اخرهم معاك مش حيدوك رقم الالغاء بتاعك.. ولو فضلت 10 سنين علي الحال ده وجيت تلغى حيقولك ادفع ال 220 جنيه الاول.. بس اتأكد ان الخدمة موقوفه عشان ميجيش بعد 4 5 شهور يقولك دا الخدمه كانت شغاله وعليك الشهور دي

بص بيع الروتر بتاعهم اللي خدته مجاني وكمل عليه وارميلهم ال 220 جنيه،، او روح السنترال واعمل تغيير رقم ب 15 جنيه وغير رقم تليفونك وقدم في شركة تانيه

واي خدمه