السلام عليكم ,
استاذ ابو لوجين
انا حنقلك تجربتين ليا مع هذا المحرك
الاولى :
تركيب وش دبل في تك بالكنترول علي مكنة 1.6 مش في تك مع تظبيط الدفيرة و تركيب حساس اوكسجين و كل دا الحمد لله انا اللي عملته(طبعا عند عصام الميكانيكي) و لو حتعمل الموضوع دا ممكن اساعدك بس اهم حاجة في القصة دي الكنترول يكون p2j-003 اللي هوا بتاع المكنة المانيوال عشان لما يركب عالفتيس اللي عندك ما يبقاش في check engine منورة و طبعا حتحتاج تغير عدادات
بس خليني اقولك النتيجة العربية سحبها بقى افضل و بقيت انعم و استهلاك البنزين ظبت بس مش حتحس بطعم ال 3 stage قوي يعني حتحس انك راكب مكنة في تك و خلاص , بس بيبان قوي لو عالفتيس ال CVT بتاعها او الفتيس المانيوال و بتبقى جراية قوي
التجربة التانية :
جبنا نص كامل بالمكنة دي بفتيسها بكل حاجتها و شيلناه و حطيناه في exi 97 و تم تحويلها بالفعل ل VI و خلي بالك العدادت الاوتو بتاعه مختلفة لان فيها d , S , E
d= normal drive
s= sport drive
e= economy drive
و لازم يتعدله في قاعدة الفتيس عشان العربيات اللي بينزل فيها المحرك دا بيبقى مكان قاعدة الفتيس مختلف عن العربيات التانية
و لازم عشان تشغل ال cvt صح يكون نص كامل عشان تشيل و تحط و تاخد ضفيرة التابلوه و كل حاجة و الا حتلف حولين نفسك لان الفتيس ده ليه كنترول لوحده
و على فكرة الفتيس موجود و كتير كمان و كان مرمي و مكانش حد بيشتريه و ek4 ساب لمنير فتيس كامل هدية
و كان تمنه 500 جنيه مثلا و التاجر بيبقى فرحان انه لقى حد ياخده
بس مسعد و عدلي عرفو لعبة كدا بيعملوها و بياخدو منه حاجات يصلحو بيه فتيس ال city و ال hrv فبقى مطلوب و سعره بقى 1200 جنيه بس هوا موجود هنا و في بور سعيد
النتيجة بقى
المميزات
سحب مش عايز اقوللك مفيش حاجة بتطلع منه
نعومة غير عادية طبعا ولا في نفلات ولا غيره
استهلاك بنزين لو ماشي بال economy تحفة بيوصل ل18 كم في اللتر عالطريق و 13 كم في اللتر جوا البلد
عيوبه
حساس جدا جدا يعني لو سواقتك مفترية مش حيعمر
زيته غالي جدا ب 100 جنيه اللتر و بيحتاج تغير كتير يعني لو قرصت في سفر و مشيت كتير قارص ممكن يتحرق و تحتاج تغيره و بياخد 4 لتر
بس يا سيدي و لو في اي حاجة اسئل عشان انا بنسى ممكن حاجة تكون وقعت مني و تحت امرك يا باشا