الموضوع: كتاوت طرمبة البنزين الموف

طيب كويس ده مكان الكتاوت بس محدش رد عليا العيب ده يكون من ايه لاني والله اتجننت من العربيه

بصراحه لو الحرامى فاهم حوار الكتاوت ده وعرف يدور العربيه انا اتعامل عاه على طول بدل الصنايعيه الكفتجيه اللى مغلبنا دول

ايه يا رجاله محدش رد علي العيب اللي عندنا ؟؟؟؟

المشاركة الأصلية كتبت بواسطة abousaef1996

اولا تحياتي لكل اعضاء المنتدى
الموضوع باختصار وعن تجربة بدل المرة عشرة ان العربية كثير مكنتش بتدور وبعد لف ودوخة وغير طرمبة وشوف فيوز واعمل ال متعملش قولنا نشوف الكتاوت الموف الخاص بطرمبة البنزين الموجود فى العلبة السوداء ال وراء البطارية ومعاه كتاوت تاني نفس اللون اعتقد انه بتاع abs المهم غيرته بواحد استيراد و العربية دارت.
وفى يوم اقلت اركب الكتاوت القديم اشوف العربية هدور ولا لق المهم العربية دارت
طيب ال كان قبل كده ده ايه، المهم قلت خليني فى الامان وركبت الكتاوت ال انا اشتريته.
المهم النهاردة روحت الشغل ودارت وزى الفل وانا مروح ادور مفيش حاجه مش عايزه تدور، المهم شكيت فى الطرمية اوسلكها او فيشتها وقعدت ادعبس وجربت الطرمبة على البطارية لقيتها تمام. افتكرت حكاية الكتاوت رحت شيله ومركبه تاني والعربية دارت.
انا قلت اقولكم تجربتى يمكن تفيد حد ، وبرده لو حد عنده تفسير للموضوع ده يقولي عليه.

الموضوع ده بالظبط حصل معايا وكنت بشيل الكتاوت واركبها تاني وكمان كان الكهربائي بينضف علبة الفيوزات كانت العربيه تفضل شهر او اكتر من غير مشكلة وكنت بلاحظ ان الموضوع مرتبط ببرودة الجو
وعموما المشكلة انتهت لاني غيرت ضفيرة العربيه كامله بسبب قفله في القزاز