كتاوت طرمبة البنزين الموف

**abousaef1996** · 07-02-2012 01:07 PM

اولا تحياتي لكل اعضاء المنتدى
الموضوع باختصار وعن تجربة بدل المرة عشرة ان العربية كثير مكنتش بتدور وبعد لف ودوخة وغير طرمبة وشوف فيوز واعمل ال متعملش قولنا نشوف الكتاوت الموف الخاص بطرمبة البنزين الموجود فى العلبة السوداء ال وراء البطارية ومعاه كتاوت تاني نفس اللون اعتقد انه بتاع abs المهم غيرته بواحد استيراد و العربية دارت.
وفى يوم اقلت اركب الكتاوت القديم اشوف العربية هدور ولا لق المهم العربية دارت
طيب ال كان قبل كده ده ايه، المهم قلت خليني فى الامان وركبت الكتاوت ال انا اشتريته.
المهم النهاردة روحت الشغل ودارت وزى الفل وانا مروح ادور مفيش حاجه مش عايزه تدور، المهم شكيت فى الطرمية اوسلكها او فيشتها وقعدت ادعبس وجربت الطرمبة على البطارية لقيتها تمام. افتكرت حكاية الكتاوت رحت شيله ومركبه تاني والعربية دارت.
انا قلت اقولكم تجربتى يمكن تفيد حد ، وبرده لو حد عنده تفسير للموضوع ده يقولي عليه.

**فادى محمد** · 07-02-2012 01:57 PM

جرب تنظف قاعده الكتاوت ب wd-40

**tananybasha** · 07-02-2012 10:16 PM

الكتاوت بقى عندنا فى الأيه كارثه
يفصل او يهييس
الكمبيوتر كله يفصل
والله لفيت حوالين نفسى اسبوع و فى الأخر طلع كتاوت
و ربنا يكرمه اشرف نوبى لاقه فى اسماعلية

**cool_man** · 15-03-2012 08:44 AM

طيب انا عندي العربيه بتدور عادي الصبح وفأي وقت بس لما البنزين ييجي نصف التانك أو اقل العربيه ساعات تفصل ومابتسحبش وتفتفه كده وصوت تنفيس ساعات من الشكمان ولو كبست بنزين علي الدواسه تضرب مدفع من الشكمان بيتهيألي عشان مفيش بنزين واصل للموتور ده يبقي من ايه يا رجاله ممكن الكتاوت ده وياريت حد يقولي هو فين بالظبط ولو صورة يكون تمام اوي وعندي الاي بي اس منور مع انه شغال كاداء فالفرامل ممكن اعرف فين الكتاوت ده برضو بتاع الاي بي اس شكرا وياريت الاهتمام لاني تعبت والعربيه مخلصه علي فلوس جيبي كل ما البنزين ينزل شويه اجري احط تفويله حاجه خنيقه :@

**فادى محمد** · 15-03-2012 11:48 AM

كتاوت الطرمبه في العلبه السودا اللي ورا البطاريه بجانب علبه زيت الباكم
افتحه بالضغط علي المشبكين البارزين لجوه والشد لاعلي ,هتلاقي فيشه
الاوكتان (87-91) و2 كتاوت موف واحد فيهم للطرمبه والتاني للايه بي اس
جرب شيل واحد منهم ودور العربيه لو طفيت بعد ثواني يبقي انت شيلت كتاوت
الطرمبه ولو ماطفيتش يبقي ده كتاوت الايه بي اس .دي صوره العلبه اللي عندك

**فادى محمد** · 15-03-2012 01:50 PM

المشاركة الأصلية كتبت بواسطة caboo_1

انتو عارفين ان فى ناس بتشيل الكتاوت ده من العربية بعد الركن خوفا من السرقة لانه من غيرة العربية ما بتدرش

ايوه بس الحرامي مش عبيط
ممكن يستخدم كتاوت التكييف او المراوح
اللي في العلبه المستطيله ولو شيلتهم كمان
ممكن يعمل كوبري مباشر بسلكه رفيعه
ومش عاوز اتكلم اكتر من كده ,ممكن الحرامي يكون
مشترك في نايل موتورز

-

-

-

الموضوع: كتاوت طرمبة البنزين الموف

LinkBack

أدوات الموضوع

عرض

-

-

-

-

-

المواضيع المتشابهه

انا بقيت ميكانيكى يا رجاله (فكيت طرمبة البنزين ونظفت فبلتر البنزين وظبط عداد البزين)

حفل تأبين طرمبة البنزين - الجزء الرابع والأخير من موضوع طرمبة البنزين بعافية

كتاوت طرمبة البنزين

كتاوت طلمبة البنزين

مكان كتاوت طرمبة البنزين؟

الكلمات الدلالية لهذا الموضوع

المفضلات

المفضلات

ضوابط المشاركة