خطواتى لتأمين العربية
===========

(1) دائما بغطى العربية لما بركنها فترة طويلة علشان الخرابيش وعلشان متكونش ملفته للإنظار .. وعلشان تحافظ على الفرش والتابلوه فى الحر

 (2) الانذار وموصله على الكابوت والشنطة وكل فترة بتأكد ان مفاتيح الكابوت والشنطة بالذات يعملوا بكفائة وموصلهم كمان بنور الصالون مش بالإنذار فقط .

(3) موصل الموبايل على نور الصالون بيتصل عليا بمجرد فتح اى باب او شنطة أو الكبوت الموضوع ده خلانى مطمأن بنسبة كبيرة لما بركن العربية بعيد عن بصرى .. وسمعى .. لما بكون مش سامع السارينة ... الموبايل يعتبر سارينة بعيده المدى

(4) دائما بسوجر الدريكسيون ومبكسلش ابداً

(5) دائما بكون حريص على تركيب كلابش الدريكسيون بين دواسة الدبرياج والطارة أو على الطارة فقط لما بكون مستعجل

(6) جايب كاسيت شنطة بيتخلع بحالة بسهولة وبيطلع فى ايدى بالكامل مش مجرد الوش ... لما بركن العربية فى مكان قلقان منه أو غريب عليا

(7) دائما بكون حريص ان ميكونش فى العربية حاجه ملفته لنظر الحرامية زى الشاشات أو الموبايلات او الدى فى دى أو حتى كيس فيه فاكهة علشان معرضش الإزاز للكسر ومتعرضش للسرقة

(8) بالليل العربية تقريبا بايته فى حضنى راكنها تحت بلكونة غرفة النوم ... ولما بنزل اى مشوار أو الشغل بحاول اخليها قريبه منى وفى مرمى بصرى بقدر الإمكان

(9) الحافظ هو الله ... وربنا يسترها علينا