الموضوع: اية اخبار سياسة الضمان في نيسان

ضمان ايه اللى انت جاى تقول عليه !!!
نيسان اكبر شركة فى مصر بتغير اجزاء مهمة فى العربية خلال فترة الضمان وعندك الصنى بالذات حدث ولا حرج
من ضفاير كهرباء وكلاكس وطنابير ومساعدين ومقصات لفتيس مانيوال كامل لعيب فى الصناعة بعد 200 كم من الزيرو وكمان راديتير وغيرها حاجات كتير
اما التيدا فعندك طنابير وكنترول abs
ياراجل ده انا لو مكانهم ما ادلعش ركاب النيسان قدهم كده .. وكفاية ان اليابانيين بنفسهم اصحاب التوكيل فى مصر وواقفين على خطوط الانتاج فى المصنع
انسى خالص اللى بيحصل فى توكيلات تانية وشهيرة ومنهم اللى بيبيع عربيات المانى اقل واحدة ب180 الف ج وما بيغيرش اى حاجة حتى لو وقفت على راسك
صلى عالنبى وقول ربنا يديمها علينا نعمة

المشاركة الأصلية كتبت بواسطة uofo111

الشركة دي اخبارها اية في الضمان ....
يعني محترمين ولا اي كلام
انا سمعت انهم بيتعملوا بالورقة والقلم
و سمعت ان الشركة الأم هى اللي بتشرف على موضوع الضمان ده
الكلام ده صحيح و لا اية

انت قصدك شركة نيسان ولا مراكز خدمة نيسان ؟
شركة نيسان معروفه طبعا وتبع نيسان اليابان ولازم تغطي الضمان علشان قطع الغيار اللي بتطلع لمراكز الخدمة هي اللي بتوزعها من المصنع.
ومراكز الخدمة اللي بنعمل فيها الصيانات و طبعا من اشراف من نيسان موتورز ولو تفتكر ان ابو غالي العبور كان معاه توكيل نيسان واتسحب منه لانه مكانش علي المستوي المطلوب
ومراكز الخدمة كلها علي القدر المطلوب ماشاء الله .... وعاملين تقييم في المنتدي لمراكز الخدمة ممكن تقراه هاتستفيد جدا ان شاء الله وده اللينك بتاعه
http://www.nilemotors.net/Nile/268776-2012.html
وزي ما قال اخواني مشوفتش شركة تغير فتيس ولا ضفيرة ولا حاجة في العربية ماشاء الله في شركات تانية ممكن يكون ماتور مفوت والعربية مكملتش 1000 كم ويوقلك منعرفكش.
وكفاية العروض والحملات اللي بتعملها كل فترة لتحسين مستوي الخدمة وعلي ما اتذكر كنت عملتلنا موضوع قبل كده في المنتدي بحملات صيانة نيسان .... يعني علي يدك :))