صقر جديد يريد الإنضمام لصقور نيسان

**Youssef.Awad** · 08-02-2012 04:00 PM

اولا: اهلا بيك معانا عضو جديد فى منتدانا وتستلم على خير عربيتك وتعملنا تقرير بالاستلام وصيانة ال1000كم
ثانيا: بالنسبة لاستفساراتك بخصوص العربية
1. الثبات .. الصنى مسمار صلب على الاسفلت - عن تجربة شخصية فى اكثر من موقف لو عربية غير الصنى كانت هاتبقى خسارة فادحة الحمد لله وكلهاعلى سرعات فوق 90-100 كم/س .. اعلى درجات الثبات على الطرق السريعة بتاخدها لو عامل ضغط العجلات 32 امامى/29 خلفى وبتكون اكثر من 36 امامى/33 خلفى
2. العزل .. هو اقل من عربيات كتيرة نفس الفئة خاصة الكورى واغلب اليابانى وده راجع لنسبة المكونات المصرية (تجميع محلى) من كاوتشات ابواب وعزل ارضيات وابواب وخلافه .. وده اتحل كله فى عربيات اعضاء من القسم عند جينز كار لتركيب الفرش والعزل وباسعار ليست مكلفة بالمرة وممكن تفكر فيها برضه لو ناوى باذن الله تركب فرش للكراسى لراحة اكبر فى الجلوس وحفاظا على الفرش الاصلى المخملى للعربية.
3. صوت الموتور .. اعلى من ماركات اخرى نفس الفئة وده لأن الصنى سير الكاتينة فيها جنزير (زى العربيات القديمة) وليس كاوتش زى كل الكورى وباقى اليابانى واكيد هاتتعود عليه مع الوقت من الاخذ فى الاعتبار ان تركيب عازل للكبوت (تم تركيبه فى عربيات بعض الاعضاء) يقلل فقط من صوت الموتور لشخص واقف بجانب العربية بنسبة لا تتعدى 20% - استخدام زيوت تخليقية عالية الجودة مثل ليكوى مولى الالمانية له عامل ايجابى على تخفيض الصوت والضوضاء من الموتور - واخيرا تركيب عزل للارضيات ممتد من اسفل التابلوه له مردود ايجابى على خفض الصوت الواصل لداخل المقصورة.
----------------------------
أخيرا .. 1000 مبروك مقدما على استلام السوبر صالون واهلا بيك مرة تانية ونصيحة خلال الايام القادمة لازم تقلب فى القسم والمواضيع المثبتة وغير المثبتة من خلال الفهرس لمعرفة خبايا واسرار كتير عن الصنى عشان تبقى مطمن اكتر ومش متفاجىء بأى ملاحظة عن العربية سواء عند الاستلام او حتى بعد القيادة والاستخدام اليومى ..

**Youssef.Awad** · 08-02-2012 04:44 PM

المشاركة الأصلية كتبت بواسطة dapona

شكراً لكل اللى ردو عليا يا صقووووور، و شكر خاص للعضو y2y1500 على إستفاضته فى الشرح، انا بس مش فاهم حاجة، هو معنى كلام حضرتك ان العزل بتاعها وحش، و صوت موتورها عالى اوى؟؟؟؟؟؟؟؟؟؟

العفو يافندم ..
لا طبعا مش معنى كلامى كده ابدا.. انا اقصد انها عملية نسبية وبتختلف من شخص للتانى حسب نوعية العربيات اللى ركبوها قبل كده
وعشان الكلام الكتير مش هايفيد .. ياريت حضرتك تشرفنا يوم الجمعة القادمة فى مدينة نصر وهتلاقى مش اقل من 10 عربيات صنى باذن الله تقدر تقعد وتمشى بيها وتشوف الفروقات بينهم هتلاقى تشكيلة كبيرة سواء
1. ضغط العجلات 32/29 او 36-33 او حتى 30/30
2. عربيات بها عزل كبوت واخرى لأ
3. عربيات بها عزل ارضية واخرى لأ
4. عربيات فيها زيت ليكوى مولى واخرى موبيل واخرى توتال واخرى شل
الخلاصة .. زورونا تجدوا ما يسركم

**_hema** · 08-02-2012 07:09 PM

يا باشا اهلا بيك دا انت تنور :)

بسم الله ما شاء الله الصوبر صالون كويسة

1- بالنسبة للثبات شوف الفديو الى فى الموضوع ده

http://www.nilemotors.net/Nile/27080...post3874100449

2- العزل بتعها تمام و متسمعش لحد بيقولك عزلها وحش

3-صوت الماتور عالى نسبياً

**SonaSteel** · 08-02-2012 08:14 PM

ان شاء الله تستلم علي خير و تبهرنا بنشاطك في المنتدي بأمر الله
مفيش كلام يتقال بعد اللي حبايبي قالوه ربنا يجزيهم عنا خير :))
عزلها جيد ......... يوصل جيد جدا لما تعزل الارضية ..... ان شاء الله ممكن يبقي ممتاز لما نكمل عزل التابلوه الكبوت بامر الله
وده مش معناه ان العربية وحشة لا ابدا بس ديه سياسة والحمد لله انها اصلا بالسعر ده وتوكيلها ... ده كفاية المنتدي بتاعنا ده انا جيبت النيسان علشان المنتدي اصلا :))))
صوت الماتور عالي بعد ال4000 ار بي ام .... ومش عالي اللي هو مزعج عادي .... بس في عربيات اهدي بكتير
ولما غيرت الزيت لليكوي و عزلت الارضية العربية ظبطت كتييييييير ماشاء الله
والتبات بقي حدث ولا حرج ..... محترمة جدا جدا جدا ماشاء الله والسوبر صالون زيادة بالstrut bar امامي وخلفي هايظبط معاك جامد جدا في الملفات ان شاء الله وعلي سرعه.
نورتنا والحمد لله رب العالمين اني عرفت افيدك بمعلومة :))
اقعد بالف عافية :))

**Ahmed.TV** · 09-02-2012 02:24 AM

اهلا بيك معانا .. وشرف لينا انضمام حضرتك معانا الدايم
طبعا انا مش حقدر اضيف اكتر من اللى قالوا ملاك الصنى .. ولو حابب تشوف علىا لطبيعة وتسمع اراء اكتر
ياريت تشرفنا يوم الجمعة باذن الله ..
وتحت امرك فى اى خدمة
ومعاك رقم تليفونى .. لو فى اى خدمة او معلومة

اخوك فى الله احمد مصطفى