صقر جديد يريد الإنضمام لصقور نيسان

**dapona** · 08-02-2012 10:45 AM

السلام عليكم يا صقور نيسان، انا من أشد المتابعين لمنتداكم الجميل من زمان بس مكنتش بشارك فيه خالص و كنت متابع بالأخص قسم النيسان، و طبعاً الأستاذ أحمد مصطفى غنى عن التعريف هنا فى المنتدى و فى قسم نيسان و طبعاً باقى الأعضاء المحترمين، و انا النهاردة إسمحولى أنى أنضم لكتيبة صقور نيسان علشان النهاردة أنا رايح احجز نيسان صنى سوبر صالون و ده بعد عناء و تفكير رهيب، و لكن الحمد لله ربنا هدانى لنيسان صنى و ده طبعا|ً بعد متابعة القسم هنا و شكر الناس فيها و بالأخص أ/ أحمد مصطفى و كمان أ/ سوناستيل، طبعاً انا مش هسألكوا على العربية اخبارها ايه و كدة علشان الموضوع ده قتل بحثاً و انا خلاص إقتنعت بيها و هتوكل على الله و هجيبها بس عايز أسألكوا على ثلاث حجات، ثباتها و عزلها و صوت ماتورها، و انا يا جماعة بأعتبر الموضوع ده بداية تعارف بينى و بينكم و اتمنى من الله انها تكون معرفة خير و كلنا نساعد بعض إن شاء الله. منتظر ردودكم يا صقووووووووووووووووور.

**BassamHafez** · 08-02-2012 12:07 PM

اهلا بيك معانا في القسم

وان شاء الله تكون معرفه خير

انا طبعا مش ها ارد على استفساراتك لاني مش من ملاك الصني وان شاء الله تلاقي الرد من ملاكها

**koshary** · 08-02-2012 01:30 PM

وبما انك من الصقور الجدد المواضيع دى موضوع أ/ حسين لطريقة تنسيق الموضوع والمشاركات
http://www.nilemotors.net/Nile/234267-a.html
وده موضوع برضو هيفيدك جدااااااااااااا بما انك هتشترى العربيه لسه جديد
http://www.nilemotors.net/Nile/212403-a.html

**amdd** · 08-02-2012 01:59 PM

اهلا بيك معانا سواء بالصنى او بالصينى وصدقنى هتلاقى كم هائل من المعلومات هنا وبالنسبة للثبات اطمن لان دى ميزه واضحة فى الصنى والتسارع فيها جميل والعزل بتاعها معقول رغم انه مش ممتاز مقارنه بعربيات اخرى وصوت ماتورها يمكن عالى نسبيا بسبب وجود سير الكاتينة جنزير لكن مش هيعملك مشكلة خصوصا لما هتركبها وتتعود عليها كمان العفشة ناشفة نسبيا لكن عفيه وبتستحمل ومش هتفاجأك بمشاكل ..ان شاء الله توكل على الله ومش هتندم والاخوه كلهم هنا هتلاقيهم تحت امرك فى اى استفسار وهتحس هنا اننا مش فى منتدى ..هتحس قاعدين فى البيت وكله بيقول اللى عندى.

**dapona** · 08-02-2012 01:59 PM

شكراً يا شباب على ردودكم الجميلة و المفيدة، و المنتدى هنا كله ناس زى الفل و ان شاء الله تكون معرفة خير و ربنا يباركلك يا استاذ باسم فى التيدا بتعتك و يكفيك شرها، انا كان نفسى فيها بس الظروف المادية مش نافعة l لأنى عايز أركب عربية فيها كل حاجة و الهاى لاين بتاع التيدا غالى و الحند لله الصنى مناسبانى جداً و نويت عليها j و بالنسبة للمواضيع اللى حضرتك بتقولى عليها انا قريتها قبل كدة كذا مرة و الحمد لله عارفها كويس، انا كنت عايز أعرف بس اجيب الإستيكر بتاع المنتدى منين و إزاى j

**amdd** · 08-02-2012 02:03 PM

الاستيكر هتلاقيه مع الاستاذ ahmed.tv اتصل بيه ونسق معاه

**dapona** · 08-02-2012 02:10 PM

ربنا يخليك يا amdd باشا، و ربنا يخليك على المعلومات ديه وإن شاء الله ربنا يسهل و استلم الصنى على طول و إن شاء الله لما أستلم العربية هبقى أكلم أ/ أحمد مصطفى علشان الإستيكر، شكراً ليك يا باشا

**koshary** · 08-02-2012 02:12 PM

المشاركة الأصلية كتبت بواسطة dapona

شكراً يا شباب على ردودكم الجميلة و المفيدة، و المنتدى هنا كله ناس زى الفل و ان شاء الله تكون معرفة خير و ربنا يباركلك يا استاذ باسم فى التيدا بتعتك و يكفيك شرها، انا كان نفسى فيها بس الظروف المادية مش نافعة l لأنى عايز أركب عربية فيها كل حاجة و الهاى لاين بتاع التيدا غالى و الحند لله الصنى مناسبانى جداً و نويت عليها j و بالنسبة للمواضيع اللى حضرتك بتقولى عليها انا قريتها قبل كدة كذا مرة و الحمد لله عارفها كويس، انا كنت عايز أعرف بس اجيب الإستيكر بتاع المنتدى منين و إزاى j

الاستيكر مع أ/ احمد مصطفى
وده رقم تليفونو 01288814049

**Dr'AhmZZong** · 08-02-2012 03:48 PM

المشاركة الأصلية كتبت بواسطة amdd

اهلا بيك معانا سواء بالصنى او بالصينى وصدقنى هتلاقى كم هائل من المعلومات هنا وبالنسبة للثبات اطمن لان دى ميزه واضحة فى الصنى والتسارع فيها جميل والعزل بتاعها معقول رغم انه مش ممتاز مقارنه بعربيات اخرى وصوت ماتورها يمكن عالى نسبيا بسبب وجود سير الكاتينة جنزير لكن مش هيعملك مشكلة خصوصا لما هتركبها وتتعود عليها كمان العفشة ناشفة نسبيا لكن عفيه وبتستحمل ومش هتفاجأك بمشاكل ..ان شاء الله توكل على الله ومش هتندم والاخوه كلهم هنا هتلاقيهم تحت امرك فى اى استفسار وهتحس هنا اننا مش فى منتدى ..هتحس قاعدين فى البيت وكله بيقول اللى عندى.