السلام عليكم و رحمة الله و بركاته
على كل الناس
و خصوصا الماروتية منهم و السوزوكيين
و برضة الناس اللى بتخش المنتدى و تزود عدد المشاهدات و تطلع من غير ولا رد يوحد ربنا

المهم,

انا خرجت بعربيتى المارو -بعد لما جبتها 0 - كام مشوار جوا البلد يعملو بتاع 50 الى 80 كيلو ( تشمل الترخيص و روح هات مش عارف ايه وكده )
المهم بعد لما رخصتها قلت لازم اروح الشغل ( مسافة 30 كم تقريبا - او قل - ) و زيهم جاى
المهم بعد لما رحت قلت لازم اروح بيها زفه اخت واحد صاحبى قوى المهم بعد حوالى لما عملت 238 كم كانت لى بعض الملاحظات و هى كالاتى:-

1- اولا و اخيرا الحمد لله على كل شىء و الحمد لله على العربية انها رحمتنى - بعد ربنا سبحانه و تعالى - من قرف المواصلات خصوصا فى الشتا و انتظار العربيه او الميكروباص فى البرد ده
2- العربية لسه فى التللين و ده بيحد من امكانيتها و بيكتفنى جداا و بخاف اقرص على العربية
3 - العربية فى الطريق اقل من جيد (اقصد الطريق السريع ) و تقريبا و لله اعلم علشان بخاف اقرص عليها علشان التللين و كده ( انا اخرى 85 او 90 بكتيره )
4 - بس العربية جوه المدينة زى العسل ( ربنا يحفها و يحفظنى آمين يا رب ) تحس انك خفيف كده
يعنى غرز و سحب كويس و حجم صغير و بنزين ببلاش
(مع العلم انى لسه مش حسبت بتعمل كام كيلو فى اللتر )
5 - مافيهاش اى اوبشن ( الاوبشن الوحيد انها عربية ) نو تكييف , نو ساوند سيستيم
مش عارف امشى من غير كاسيت ودى مسببه ليا حوار كبير
6- حاسس بتزيقة فى دواسة الدبرياج مش عارف ايه ؟؟؟
7- هقولكم اكتر لما نعمل اكتر من كده

انا قلت اشاركم بالخبرة دى
و الله من وراء القصد او هكذا ازعم

احمد