تحديد حارات كورنيش اسكندرية رديء جدا

**Moh.Fahmy** · 31-05-2008 11:31 AM

اليومين دول تتجهز العروس لاستقبال الزوار
من ضمن تجهيز العروس هو تحديد حارات طريق الكورنيش و لكن بكل اسف الدهان يتم عن طريق مقاول نص كم و امكانياته محدوده جدا بدلا من ان يسند هذا الموضوع الي شركة متخصصة
فاثناء ذهابي للعمل في الصباح الباكر تجدهم يلمون شغلهم بشكل بدائي جدا معرضين حياتهم للخطر يعني تلاقيهم يجروا وسط العربيات و طبعا حضراتكوا عارفين السرعة علي الكورنيش بقت شكلها ازاي
الدهان سيء جدا و مبرطش و يتم يدويا بدلا من السيارة الاتوماتيكية المخصصة لذلك
كل الناس ستلاحظ عدم استواء علامات تحديد الحارات يعني مش حتشوفهم علي استقامة واحدة و خصوصا في المنحنيات زي المنحني اللي في سيدي جابر امام مستشفي القوات المسلحة و انت رايح علي محطة الرمل
بعيدا عن عبارات الضمير و ان كل واحد لازم يراعيه نفسي افهم ليه ما يبقاش فيه رقابة من اجهزة المحافظة علي الحاجات دي .. هي دي برضه مش فلوسنا و فلوس 20% ضرايب و لا لازم نستني لغاية ما الموضوع ينتهي و الصحافة تنتقده و ييجي المسئول يصرح انه تمت معاقبة المقصرين طيب ما نلحق المصيبة و هي حاصلة قدامنا كلنا
يعني مثلا الكورنيش ده من الشوارع الخلفية ما فيش مسئولين بيعدوا فيه عشان يلاحظوا التهريج اللي حاصل ده
ربنا يستر علي البلد و علينا

محمد فهمي

**HESHAM AMIN** · 31-05-2008 11:37 AM

والنبى بلاش تحزنا على حالنا
والله يرحم ايامك يا محجوب

**fahd_628** · 31-05-2008 11:44 AM

متفق معاك و فعلا الدهان سئ جدا

**Moh.Fahmy** · 31-05-2008 11:49 AM

و الله كانوا يسيبوه علي قديموا احسن من العك ده

محمد فهمي

**boty50** · 31-05-2008 12:13 PM

والله انت فتحت جرح عجيب من زمن الواحد مقهور منه
مش بس الدهان هو اللي بيبقي بايظ ومش متساوي
أتفرج علي قطع الحديد الصغيرة المستخدم في الفواصل
بين الحارات والسطور العجيبة اللي تتعدي 20 سطر
ورا بعض علشان ينبهك لحاجة أحنا مش عارفينها

ولا اللفه ال 90 درجة اللي عاملها قدام السلسله علي
البحر امام المكتبة ، مالهاش مثيل ابدأ" ، ولا اللفة التانية
اللي قدام مستشفي الشاطبي علشان تمسك الطريق
الصحراوي ، عربيات جاية بسرعة من ناحية محطة الرمل
وانت بكل هدوء بتلف بعرض الشارع وتقطع عليهم الشارع
بالعرض علشان تعرف تدخل شارع قناة السويس

ناهيك عن الملفات U علشان تغير اتجاهك عاملها الأخ
حارتين واخدهم من الطريق بطريقة غبية جدا واتحدي ان
عربيتين يلفوا فيهم مع بعض من غير مايخبطوا في بعض
او عربية واحدة حتي تلف فيها في نفس الحارة

وماقولكش علي المهازل وانت ماشي في امان الله
وتلاقي نفسك لافف بكل سلاسه في الأتجاه المعاكس
لأن اللي خطط الطريق معملش اللفه زي خلق الله المتحضر

انا بأستغرب ان اللي بيعملوا الطرق ويصمموها هنا
في الكويت معظمهم مصريين سواء في هندسة الطرق
التابع للمرور وكمان اللي في شركات المقاولات اللي
بينفذوا الطرق دي ، يعني الخبرة عندنا موجودة و في
بلدنا ، بس تقول اية !!!