بتفضفض لمين لما تبقى مخنوق ومتضايق؟

**MNabeih** · 10-02-2012 05:15 PM

انت كدة جيت علي الجرح يا اخ ghost
انا للاسف ما بعرفش اشكي لحد نهائي, اسمع شكاوي حد مااااشي جدا و اساعد باللي يعيني عليه ربنا
بس مشاكلي الحمد لله بحاول احلها انا و لما ببقي مخنوق اوي بقي و مش قادر ادعي ربنا يفكها من عنده و اناااام
و ساعات ببقي خلاص هاطق بس ما بعرفش بردو افضفض لحد بحس انها مالهاش لازمه
المشكلة فعلا اني بحس انه صاحب المشكلة هو ادري واحد يحلها.
و حتت ليه مش بفضفض مع مراتي لأ بحكي معاهه و بشاركها بس في حاجات معينه و بتبقي بعيد عن البيت
انما مشاكل البيت بقي اللي هي بتبقي مشتركة بيني و بينها و خاللي بالك من مشتركة مش معاها لاااازم انا اللي اسمعها و ابقي بابا في الوقت دة و ما ينفعش ابان ضعيف و ماليش حيله في الوقت دة بالذات.
و ربنا ما يجيب مشاكل دي الدنيا دي كوووولها لا تسوي عند الله جناح بعوضه !!!!

**omar-saad** · 10-02-2012 05:15 PM

مش بلاقى حد افضفضله
فا بخللى مشاكلى دايما مع نفسى

**Mahmoud Nagieb** · 10-02-2012 05:18 PM

المشاركة الأصلية كتبت بواسطة ghosts

علمنتنى الدنيا أن الشخص اللى هتشكيلة همك هيبقى حاجة من أتنين :
يا أما مخنوق منك و مكسوف يقولك أطلع من دماغى أنا مش ناقصك أنت كمان .... :i_angr1[1]:
يا أما هيكون فرحان فيك .... :copy of m-s5:
يا جماعة اللى حاسس أنة مخنوق و تعبان مش هيلاقى فى الدنيا حد أحن من ربنا ....

ياباشا مع احترامى ليك ... فيه صنف تالت لما بيشوفك زعلان ومتضايق بيتشقلب علشان يفرحك ومبيهداش الا لما بيعرف مالك وبيسمعلك وبيساعدك

**Ghosts** · 10-02-2012 05:31 PM

المشاركة الأصلية كتبت بواسطة mr_7oda

ياباشا مع احترامى ليك ... فيه صنف تالت لما بيشوفك زعلان ومتضايق بيتشقلب علشان يفرحك ومبيهداش الا لما بيعرف مالك وبيسمعلك وبيساعدك

للأسف أنا ما قبلتش الصنف النادر دة ....

**SYD** · 10-02-2012 07:34 PM

يا جماعة مش مهم بتفضفض مع مين ؟؟
المهم بتفضفض بأيه ؟؟

مش كل حاجة تتحكي للمدام
مش كل حاجة تتحكي لصاحب عمرك
مش كل حاجة تحكيها لوالدك
مش كل حاجة تحكيها مع والدتك

الوحيد بجد الي لقيته انسب واحد في الدنيا احكيله وسري في بير هو الأخ ، الأخ الي من لحمي ودمي

وكما قال الشاعر
اخاك اخاك، فأن من لا أخ له ، كساع الي الهيج بغير سلاح ، او كطائر بغير جناح

والله المستعان
،
،

**FunnyMickey** · 10-02-2012 11:05 PM

من صغري الي الاعدادي لامي
من اعدادي للمرحله الجامعيه وما بعدها لانتيمي
وحاليا مراتي

**Ghosts** · 10-02-2012 11:08 PM

المشاركة الأصلية كتبت بواسطة amr2011

فى الزمن ده المفروض ان الانسان لا يفضفض لاحد ويحتفظ بهمومه لنفسه لانه لا يوجد احد يستحق الثقة
وفعلا الشكوى لغير الله مذلة

أنت صح ....

**Ghosts** · 11-02-2012 01:42 AM

المشاركة الأصلية كتبت بواسطة mohssenrashed

مراتي و لو مخنوق منها بشتكلها هي برضو

أعتقد أن أكبر غلطة ممكن يعملها راجل متجوز أنى يشتكى لمراتة ....
لية بقى ؟؟!!

الست من غير حاجة قلقانة علطول حتى لو مفيش حاجة تستدعى القلق ....
لو أنت جيت فى يوم من الأيام قلتلها مثلآ أن فى عندك مشكلة فى الشغل ....

هتلاقيها بتسئلك أسئلة ملهاش أول من أخر زى :
- المشكلة دى حصلت أزاى؟؟!!
- يعنى أنت ممكن تترفد بسبب المشكلة دى؟؟!!
-طب هتدور على شغل تانى؟؟!!
-ياترى معاك فلوس لحد ما تدور على شغل؟؟!!
-طب معاك كام؟؟!!
-هى الفلوس دى هتكفى لحد أخر الشهر؟؟!!

دى حاجة بسيطة من الأسئلة اللى هتتسئلها ....
وهى مش هتبطل تسئل إلا إذا لقيت شغل تانى أو طلقتها ....

لو عندك مشكلة أقعد مع نفسك وفكر فى الحلول بعيدآ عن تشويش المدام ....
هتلاقى المشكلة بعون الله أتحلت ....

-

-

الموضوع: بتفضفض لمين لما تبقى مخنوق ومتضايق؟

LinkBack

أدوات الموضوع

عرض

-

-

-

-

المواضيع المتشابهه

مخنوق جدا جدا جدا

اروح لمين واشكي لمين؟

انا مخنوق جدا

اشتريت عربية اوبل ومتضايق جدا ياريت حد يساعدنى بسرعة

حصل معايا موقف ومتضايق شوية !!!

الكلمات الدلالية لهذا الموضوع

المفضلات

المفضلات

ضوابط المشاركة