الصوت انا سمعته بنفسي من الفرامل بس المشكله انه كان بيطلع مع الغيار فهيا افتكرته من الفتيس
وده كان التيل الأصلي بتاع العربيه واتغير كده علي 18 الف والاربعه اتغيرو
عرض للطباعة
تلاقي التيل كان خلص ووصل للحديدة اللي في الآخر عشان كده كان بيصفر, عامةً كويس إنها غيرته.
طيب انا دلوقتي فتحت موقع بروتون استراليا وشفت الألوان المتاحه مفيش اسود ميتالك
الموجود اسود بس اللي هو العادي وجايز عشان كده بقول انه اسود فاتح شويه ولو عليه شوية تراب هيبقي شكله بهتان قوي
انا عايز جين 2 اسود زي الأسود بتاع الصني كده هل ده موجود ؟
ولو انا عايز اجيب كمان شهرين هل احجز من دلوقتي ولا الموضوع بيخلص بسرعه؟
ايها الصديق روح معرض عز العرب بالعجوزة 13 شارع الدكتور شاهين وأسأل عن أ/ أحمد مجدى مسئول المبيعات شخص محترم جدا هيقولك على كل حاجة فى نفسك ويعملك اللازم وأى خدمة
طيب هي العربيه علي كونتاكت سعرها 90086 جنيه
هل بيبقي فيه تخفيض في السعر ولا ممكن الاقيه ذياده عن كده ولا ايه؟
سيبك من الكلام ده والمعارض أسأل فى التوكيل أللى انا اعرفة ان الجين2 اتو2012 فى التوكيل 93000 جنية مش عارف المانويل بكام بصراحة
سوري انا قصدي المانيول ب 86900 مش العكس
انا بدلت الأرقام
لو هتجيب كاش تخلص فى التوكيل ب 86000 جنية
السلام عليكم
انا لسه شارى جين 2 اول امبارح يعنى لسه طازه انا كنت دورت على العربيه كتير على النت من فتره و كانت عجبانى بس اشتريت كرولا و بعتها عشان كنت مسافر بس ربنا موفقش فكنت عايز اشترى اى عربيه كويسه الحمد لله ربنا اراد انى اشترى جين 2 من واحد جارى عرفت بالصدفه انه بيبيعها موديل 2008 بصراحه العربيه حلوه جدااا و ببقى عايز اصحى بالليل عشان انزل اسوقها بس فعلا زاى ما الناس قالت فى صوت فيبر بيخبط لما تمسك فرامل جامد او تطلع طلعه جامده بالنسبه للاستهلات حوالى 11 ك فى اللتر ده الى العداد بيقوله مش عارف صح و لا لا
اللون تحس انه اسود بهتان بس ده عشان ميتلاك
رحت عند عز الى الله لا يعزه امبارح حمله الفحص المجانى طلع لى شغل بحوالى 6 الف جنيه على شويه كلام اهبل الى مش عارف فرن الحريق مشروخ و جنت فى تانيه على صيانه ال 100 و شويه حاجات هبله كده الحمد لله رحت لمركز خدمه محترم فى اسكنريه عملت كل الموضوع ده بالصيانه ب 250 جنيه يعنى فل الفل و الحمد لله