السلام عليكم
كنت عايز اعرف راي ملاك العربيه جين 2 فيها ولو رجعو لورا هيشترو العربيه تاني ولا لآ وياتري ايه اللي مضاقكم منها؟
عرض للطباعة
السلام عليكم
كنت عايز اعرف راي ملاك العربيه جين 2 فيها ولو رجعو لورا هيشترو العربيه تاني ولا لآ وياتري ايه اللي مضاقكم منها؟
لو رجع بيا الزمن ، كنت استنيت موديل 2012
العربية بقالها 7 شهور تقريبا معايا ومفيش اي شكوي غير انها خلتني مدمن وقلقان عليها من البرد طول الوقت ودة مسبب ليا ارق ومش عارف انام :d
أنا بالفعل رجع بي الزمن
بعت الجين 2 المانوال ............... و أشتريت جين 2 أوتوماتيك
الجين 2 دي أدمان زي الكوكايين كدا
هي العربية مش أحسن عربية ولكن من أحسن العربيات ثباتا و شكلا و سعرا
عربية تعشقها بقلبك قبل أي حاجة تانية مش عارف ليه .... هي لها ناسها برضه ....
و إن شاء الله لو غيرت الجين2 اللي معايا
هاجيب جين 2 برضه للمرة التالتة
يمكن بعد كام سنة (إذا ربنا أراد ان دي تقعد معايا الفترة دي ) هاجيب الجين 2 الأحدث لما أغير بإذن الله .
المشكلة بقى
أن المعوقين فكريا (السواقين المصريين ) يكرهوك في السواقة و في اليوم اللي أشتريت فيه العربية و في اللحظة اللي قررت تخرج بها من بيتكم .
كنت هشتري أبوها!
فعلا أنا بحمد ربنا اني ما اشترتش حاجة تانية لأني كنت هبقي مش مستريح نفسياَ.
طيب هو فرق بين الموديلات علي مدار السنين؟ وهل شكلها هيتغير قريب او هينزلو تعديلات فيها قريب مثلا؟
أكيد فى فرق ، وآخر تعديل للجين نازل فى 2012 ، وكان عبارة عن شكل الفانوس الخلفي اتغير والمرايات الجانبية ، وكذلك تقريبا (الكاسيت ب usb و aux و الجنوط والكنترول يونت بقي 32 بيت) ، يعني الكلام على تعديلات جديدة لسه بدري عليه
التغيير الجوهري على حد علمي كان فى موديلات من 2009 ، اتغير نظام دخول الهواء فى المحرك فالسحب على السرعات البسيطة اتحسن وبقي سحب الاتو مقارب لسحب المانول (طبعاً سحب المانول فى اى عربية اسرع من الاتو بتاعها )
انا بعت عربيتى 3مرات ومقدرتش اتمم البيعة لدرجة ان واحد زميلى فى الشغل غسلتها علشان يستلمها ومهانتش عليا فاعتذرت.العربية دى فعلا اجمل عربية ممكن تركبها بالسعر دة.
انا عن نفسى و بمنتهى الصراحة لو رجع بيا الزمن مش هشتريها
انا باحب العربية جدا جدا و شايفها احسن عربية ركبتها من ضمن : لانوس/ 2001 - بيجو 206/ 2004 - مازدا /3 2005 - النترا 2005، هى احسن عربية فيهم فيما عدا مازدا 3 . الجين 2 ثباتها و تسارعها قريب للمازدا 3 و ثباتها و فرملها و تسارعها اقوى من الالنترا 2005 بمراحل.
انا عملت تست درايف على سيراتو coupe و كمان أجرت سيراتو سيدان لمدة شهر علشان كنت بفكر اشتريها و شايف ان ثبات الجين 2 و اتزانها افضل من السيراتو برضه بمراحل
و انا عارف انى لو نازل و معايا 93 الف جنيه مش هلاقى اى عربية تدخل دماغى اشتريها مش هيكون قدامى غير نيسان صنى ( مش باحب شكلها)
الجين 2 فعلا لها طعم مختلف عن اى عربية تانية و متعة السواقة بتاعها افضل من عربيات كتير تمنها فوق 120 الف و ادائها محترم جدا
بس الفكرة : لما جربت اتعامل مع توكيل عز العرب فى اسكنرية لعنت اليوم الى سمعت فيه كلمة بروتون يمكن لو انا عايش فى القاهرة هيكون عندى بدائل تانية و مراكز صيانة اكتر
انا دلوقت قلقان جدا علشان لو العرية حصل فيها مشكلة هاتضطر اروح اتعامل مع توكيل عز العرب فى اسكندرية و عارف انه هيكون يوم اسود و هيطلعوا عينى
احسن عربية تحت ال 100 الف بصراحة
انا طبعا كنت هشتريها انا معايا برسونا مش جين 2 موديل ٢٠١٢ وبحب العربيه ده جدا وعلى فكره ده اول عربيه اشتريها بس بقالي سنه باقرا عنها وقتلتها بحثا وعملت مقارنات كثيره مع عربيات تانيه كتير وكفة البرسونا هي اللى رجحت
فى البرسونا 2011 اتغير شكل السي دي بلاير بدل ما كان مدمج فى التابلوه ، وبقي فيه usb
http://proton.com/images/models/v2/p...ginal/ori8.jpg
، في الجين أحد الاخوة يرد
بالنسبة للشكل الجديد للجين لسه نازل السنة دي ، صعب جداً انه يتغير فى فترة بسيطة ، دة خلاف انه مش شكل جوهري يعني الموضوع شكل خارجي فى فوانيس ولا مرايات
التغيرات الجوهرية هي :-
1- كنترول يونت اعلي ( 32 بيت) ودة موجود فى برسونا بداية من موديل 2011 - وضع الجين يوضحه احد الأخوة
2- ابتداء من موديلات 2009 تغير نظام دخول الهواء للمحرك "IAFM" قبل كدة كان CPS
3- ابتداء من موديلات 2009 مفيش سلوك للبوجيهات ، العربية فيها 4 موبينة ، كل بوجية عليه موبينة
لو فى حاجة تانية ياريت احد الأعضاء يوضحها :).
النقطة الأولى على ما أعتقد أن الكونترول في الجين2 مازال 16 بت .
النقطة التانية فيها تصحيح
المحرك الكامبروا تم أنتاج 3 نسخ منه
كامبرو عادي و ده كان راكب في الجين 2 من 2005 و حتى 2008
و بعدين في كامبروا أساسي برضه و لكن من 2009 أضافوا عليه نظام IAFM
انما السي بي أس cps
ده موتور كامبروا بنظام cvvt زي اللي في التويوتا و الهوندا و المحركات الجديدة ذات الأداء العالي
و الفرق بين محرك كامبرو سي بي اس و كامبرو من غير سي بي اس
هو عدد الأحصنة
السي بي أس 127 حصان
إنما الكامبروا العادي (ب أي أف أم أو من غير ) فهو 110 حصان فقط .
و على فكرة السي بي أس ما نزلش مصر خالص
يعني قبل كدة كان اسمه كامبرو بس ؟!
كنت فاكر التطوير منdohc لcps لiafm
فعلشان كدة افتكرت المحركات اللى فى عربيات بروتون عندنا هنا مرت بالمراحل دي
وآخر حاجة عملوها cfe موجود فى الإكسورا
إمتي إحنا هنعمل اى حاجة لو حتي abcd :help1:
يا باشا موتور الكامبروا هو dohc يعني مزدوج الكامة
أما السي بي أس فده نظام مطابق لنظام cvvt في العربيات الياباني و العربيات الكوري و لكن كل شركة بتسميه أسم مختلف
IAFM ده نظام موجود في أغلب العربيات اللي في الدنيا و تم أستبداله بنظام دخول الهوا في الكامبروا القديم
و هو ببساطة طريقة ميكانيكية ألكتروني للتحكم في طريقة الحرق عن طريق تنظيم الهوا اللي داخل للمحرك حسب سرعات المحرك .
الأكسورا فيها سي بي أس علشان عزمه عالي و الحصان بتاعه عالي و العربية ثقيلة في الوزن
فيه جين 2 نزل فيها السي بي أس بس للآسف هما مهتمين أكتر بالساتريا نيو و الموديلات التانية و لكن الجين 2 فيها سي بي أس و لكن مش في كل الأسواق
ده حتى أنجلترا مفيهاش سي بي أس لأن التكلفة بتاعة عالية و العربية ثمنها هايبقى غالي قوي
لأنهم مش بينتجوا منه كتير .
الأنتاج الأكبر للموتور الكامبروا العادي لانه أرخص في الأنتاج لأنه أقل في عدد المكونات اللي راكبه فيه
بصراحه لالالالا مكنتش هشتريها بسبب مشكلتيشن استهلاك الوقوووود والتوكيييييل وقطع الغيار الغاليه اوي دي
انا معايا واجا
لو رجع الزمن كنت هجيب جين2 او بيرسونا
لان وقت اما جبتها مندوب المعرض قالي ان الجين2 اتوقف انتاجها ( ابن التيييييييت ) علشان كدة جبت واجا
وبالنسبة للبيرسونا مكنتش حابب شكلها خالص بس مع الوقت حبتها
اما بالنسبة للبنزين والتوكيل فدول لوحدهم مصيبة كبيرة
وحسبي الله ونعم الوكيل
مصيبه ليه ياجماعه هو مش استهلاكها في حدود 13 كيلو للتر؟ ولا اقل من ال 10 ؟
قبل ما اشتري الريو كنت حاجزة الجين تو بس حصل شوية حوارات كدا و الموضوع ماتمتش فاجيبت الريو بس لو رجع بيا الزمن كنت هاصبر شوية و اجيب الجين تو :tumb:
مش عشان الريو وحشة ولا حاجة بس فيها حاجات كتير اوي ناقصة نظرا لعربية اتوماتيك فول اوبشنز و بالذات عوامل الامان زي الوسادة الهوائية و الفرامل ال ABS و شوية حاجات تانية كدا
المفروض ان اللي يتكلم عن مصيبه يتكلم عليها بالارقام نظرا لاختلاف المعايير
يعني ممكن واحد كان راكب عربيه موتورها 800 سي سي ولما يركب الجين 2 يقولك دي حوت بنزين
وممكن يكون راكب عربيه 2000 سي سي ويقولك الجين 2 بتشم البنزين
فرجاء وضع الارقام ياجماعه الله يكرمكم
اللي يقول بنزين يقول استهلاكه واللي يقول قطع الغيار يقول صرف كام عليها
باذن الله تعالى ربنا يكرمني و أجيب عربية تانية لكن ابيعها صعب اوي , مفيش عربية بسعرها او اعلى منها بشوية في السعر بكفائتها
انا واغلب الناس اللي معاهم بروتون هنا عربياتنا بتعمل حوالي 120 كم في الصفيحة .. ده بالنسبة للزحمة
اما على الطريق السريع انا عربيتي ساعات بتستهلك 13 لتر كل 100 كيلومتر والكلام ده من غير تكييف وعلى سرعة 90 ثابت وساعات في التفويلة بتعمل 350 كيلو متر .. احنا بنتكلم على 60 لتر مش زي الجين2 45 لتر
طيب لو المشكلة دي فردية يبقى ليه التوكيل مش عارف يحلها؟
اكيد علشان توكيل زي الزفت
بس 6 كيلو برده في اللتر قليل قوي
امال ياجدعان المرسيدس والبي ام الجداد اللي بيمشو بال 20 كيلو في اللتر دوول ايه ؟ وحجم الموتور اكبر من 1600 بمراااااااااااااحل
يا جماعة أحنا لازم نأخد موقف جماعى مع التوكيل بأى شكل ولازم نعرف جميعا ان سيارات بروتون أحنا سبب قوى جدا فى تسويقها فى مصر لأن التوكيل مموت العربية حد عمره شاف أعلان للعربية او نزلها فى معرض مثلا (الأهرام او أخبار اليوم) حملات صيانة مجانية من الأخر العربية بتتباع بالعلاقات الشخصية بين الملاك والناس أللى بيفكروا يشتروا والا ايه
العربية بتتباع بالحجز لأن الكمية المخصصة من ماليزيا للسوق المصري غير كافية ...
وكمان العربية بتبيع نفسها من غير إعلانات والدفعة بتخلص أول ما بتيجي .... يبقى ليه عز العرب يعمل إعلانات لسلعة بتبيع نفسها .... مع إعتبار إنه لو عمل إعلانات كتير حتجيله طلبات أكتر وكميات مش حيقدر يلبيها ... العيب مش من عز العرب يا جماعة ... العيب من المصدررررررررر
أما عن حملات الصيانة ... التوكيل بيعمل حملتين في السنة ... ( واحدة في الصيف وواحدة في الشتاء ) ... و بيعمل إستدعاء للعربية في حالة وجود مشاكل تتعلق بسلامة الركاب ..
أنا معدل إستهلاكي 8 كيلو للتر داخل البلد ( كيك داون كتيييييير و نقل على rpm 5500 )
و لما بأعقل كده وأسوق هادي المعدل بيزيد ل 11 كيلو بكل ليتر
وعلى الصحراوي 13 كيلو بكل ليتر ( مثبت السرعة على 90 )
المعدلات دي بناءا على العوامل الآتية:
العربية جين2 2006 أوتوماتيك ماشية 120,000 كم .... بنزين 92 ... فلتر هواء k&n ... بوجيهات عادية .... زيت كاسترول إيدج - الحمولة فردين + طفل - أحيانا بتكييف و أحيانا بدون ( مش بتفرق كتير يعني )
طيب ماهي كويسه اهي
ياباشا مش كل العربيات بتعمل ال 6 كيلو زي عربيتي
انا عربيتي فيها مشكلة
بس في عربيات تانية كتير في المشكلة دي وعربيات اكتر مفيهاش كدة
بس التوكيل مبيريحش حد
120 ؟؟؟؟ يا راجل خضيتني !
معقول و منطقي جدا
انا اتخضيت نفس خضتك , تقريبا سر الاستهلاك العالي جدا هو الحرق و ده طبيعي
اظن ان اللي يقول على استهلاكه مفروض يقول هو متعود ينقل عند كام rpm
معدل 10 كيلو للتر كويس لعربية 1600 (اللانوس ال1500 بتاعتي كانت كده اصلا)
بالنسبة للاستهلاك عندى :
داخل البلد ( زحمة شديدة جدا ) و سواقة هادية و ار بى ام لا يتعدى 2500 : 130 كم صفيحة
الطرق السريعة : متوسط سرعة 110 و شوية حرق على خفيف مع التكيف 180 الى 200 كم صفيحة