الموضوع: بيجو 3008 - كيا سبورتج

المشاركة الأصلية كتبت بواسطة aly_hosny

طب حضرتك طلعت القاشقاي برا حساباتك ليه ؟

بارك الله فيك يا استاذ علي للاهتمام
بس انا بصراحة معلوماتي عنها بسيطة اوي و يمكن بسبب انتاج النيسان ليفينا و بصراحة احسست بأنها سيارة سيئة جدا بالنسبة لسعرها و امكانياتها بالمقارنة مثلا بالتريوس اللي كنت راكبها
و عموما ان شاء الله سوف اتابعها اليومين دول
تحياتي لحضرتك

المشاركة الأصلية كتبت بواسطة zangry

ممكن تشوف القشقاي الاوتوماتيك ب 175 الف وامكانيتها حلوة

شكرا لذوق حضرتك
و ان شاء الله سوف اكثف البحث عنها هذه الفترة

المشاركة الأصلية كتبت بواسطة Ahmazong

3008 وش بس استحمل التوكيل ..

هههههههههه تسلم يا غالي بس ايه حكاية التوكيل هل تقصد حضرتك قطع غيار غالية ام ان التوكيل مبالغ فيه كأسعار الصيانة الدورية و انا عرفت ان توكيل بيجو اتنقل من وجيه اباظة لاخر فهل هناك معلومات عن الوكيل الجديد

المشاركة الأصلية كتبت بواسطة محمد عز

3008 افضل عربيه عملتها بيجو فى تاريخها
فى اعتقادى ان ال 3008 افضل من السبورتيج
كانتريور داخلى جميل جدا يتفوق على السبورتج بمراحل
تصميم خارجى هما الاتنين جامدين وان كان السبورتج احلى بعض الشىء
لكن فيه عوامل اخرى تحكم كقوة الوكيل وسعر اعادة البيع والانتشار واظنها فى صالح السبورتج
وهيبقى نفس قصة المازدا 3
عربية ممتازة ولكن ظروف السوق تحتم انها متخدش وضعها المناسب

شكرا جدا لحضرتك يا استاذ محمد و فعلا انا مقتنع بيها جدا بس حضرتك و الاخوة الاعضاء لفت نظري لموضوع اعادة البيع ده فعلا و ان شاء الله اعيد التفكير و التقييم
و ان شاء الله هحاول اقيم السبورتاج ايضا جيدا الفترة القادمة

المشاركة الأصلية كتبت بواسطة Mohab.Nabil

3008 طبعا !

زى ما حضرتك قايل كده لو قعدت فى ديه و قعدت فى ديه هتحس بالفرق بين الاثنين

موتور تربو مصنع بالتعاون مع بى ام دابليو ، مليانة اوبشنز ، شكل مميز جدا و يخطف العين ، عربية اوروبى من ماركة محترمة ، واسعة جدا

طيب الواحد يكون عايز ايه غير كده ؟

بالنسبة لقطع الغيار ، اعتقد ان حضرتك لو جبت سبورتاج برضه هتقعد حوالى 5 سنين تجيب قطع الغيار من التوكيل فلو توكيلات هتلاقى سعر قطع الغيار قريب من بعضه ..

بالتوفيق ان شاء الله

بارك الله في حضرتك
و فعلا انا حين جلست فيها احسست بقيمتها و امكانياتها عالية جدا
و كان معايا فني من الشركة و بصراحة فضل يشكر في السيارة من الناحية الفنية
كموتور و كماليات و خلافه و اظن ان اقل ارتفاع اسفل العجل هو اللي 15 سم و المسافة بين العجلتين لن تقل عن 17سم
ربنا يكرم و يوفقنا في الاختيار للافضل

المشاركة الأصلية كتبت بواسطة Hosam_Optrawy

السلام عليكم
البيجو 3008 معلوماتى عنها
سعرها اوتوماتيك يبدأ من 210 لحد 250 الف حسب كل فئه والاوبشنز اللى فيها بس معنديش تفاصيل عنهم
موتور اقوى من السبورتاج 156 حصان وعزم اعلى 240 نيوتن , الفرق طبعا عشان الموتور تربو لكن السبورتاج مش تربو
فتيس 6 سرعات زى السبورتاج
وزنها اتقل من السبورتاج بفرق مش قليل حوالى 300 كجم بس قوة الموتور والعزم معوضه الفرق دا يعنى تسارع ال 3008 احسن
الحجم كطول وعرض وقاعدة عجلات ومساحة شنطه خلفيه اصغر من السبورتاج
مش عاليه عن الارض زى السبورتاج ارتفاعها 15 سم
العربيتين واخدين 5 نجوم فى ال EuroNcap بس السبورتاج نقطها اكتر
وعموما الاتنين مختلفين من وجهة نظرى ال 3008 تصنف Five Seater Compact Crossover والسبورتاج Compact SUV
بالتوفيق فى الاختيار ان شاء الله

و عليكم السلام و رحمة الله و بركاته
ما شاء الله علي حضرتك يا استاذ حسام فعلا مقارنة فنية بها كل ما احتاجه للتقييم
بس يمكن الاسعار بالنسبة للبيجو اقل قليلا هي تبدأ الان من 200 و تصل ل 220 اعلي فئة
و كان نفسي حضرتك بخبرتك ترجح لي اختيار معين كرأي شخصي
و لو اني اعتقد انك تميل للسبورتاج نتيجة انها suv علي ما اعتقد

المشاركة الأصلية كتبت بواسطة ahmed-adel

دى شوية تقارير عن العربيتين ممكن تبص عليهم
http://www.nilemotors.net/Nile/257711-2012.html

http://www.nilemotors.net/Nile/248989-2012.html

http://www.nilemotors.net/Nile/259952-3008.html

ربنا يبارك في حضرتك و فعلا التقارير افادتني كثيرا
و لو ان تقرير البيجو قليل و واضح ان اصحابها في قسم بيجو قليلين جدا عكس السبورتاج
و يمكن دي نفس المعاناه اللي كانت تواجهني في دايهاتسو لقلة عدد اعضائها و قلة معلوماتها و لو ان ربنا يبارك في رجالتها القائمين علي القسم مثل الاخ ابو عبد الله لا يبخلون علي احد بأي معلومة
تحياتي لحضرتك



م.حاتم السباعي

المشاركة الأصلية كتبت بواسطة ahmed-adel

فى عضو معانا فى المنتدى كان عامل موضوع كاتب فيه ان nissan qashqai الاوتوماتيك قربت تنزل ب 175 الف بس بنفس الموتور ال 118 hp

الحجز بدأ بالفعل وسعرها 175 ألف جنيه