الموضوع: تنقيط زيت موتور 307

السلام عليكم أولاً
أنا العربية دلوقتي بتنقط زيت الموتور من الطبة اللي فالموتور من تحت علشان بتتفك كل مرة بغير فيها زيت فعلشان الموتور ألومنيوم من جوا فالفتحة ده بتوسع كل شوية وكل مرة بقالي ٢٠٬٠٠٠ كيلو بغير الطبة بواحدة أكبر (مرتين لغاية دلوقتي) ودلوقتي هي بتسرب زيت برضه وركب وردة، ولف البتاعة اللي عمل ذي القش دة حوالين الطبة وبرضو لسة بتنقط والزيت كل شوية بزوده
فدلوقتي ممكن أعمل إيه تاني ؟؟؟؟
وهل ممكن أخليه يلزق الطبة ده بأي حاجة ذي سيليكون أو أي حاجة علشان تمنع تسريب الزيت؟
أو ممكن يلحم الطبة ده فالموتور (معرفش ازاي- لأن الطبة حديد وحوض الموتور ألومنيوم ) وأغير الزيت بعد كدة بالشفط من فوق ولا حيكون غلط اني الحمها ؟
وشكراً لتعبكم معايا مقدماً
ملحوظة صغيرة : العربية عاملة دلوقتي ٩٣٬٠٠٠ كيلو موديل ٢٠٠٧ توكيل

ياجماعة الخراط المتخصص فى موضوع الطبة بيظبط السن وكمان بيركب سن شبه السوسته فى تجويف الطبة وبيركب فى الآخر المسمار وبيخلليها تمام ومش مجرد بيركب مسمار كل ما بتوسع!!
أنا مرة كنت عند ميكانيكى فاهم وبعت جاب الخراط بشنطته وورانى السن اللى هوا بيركبه ونزل تحت العربية وعمل الشغلانة دى وأخد 30-40 جنيه والحمد لله ظبطت والعربية كانت بولو والكرتيرة ألومنيوم..