الموضوع: تنقيط مياه من الشكمـــان

هى السيارة لما تنقط ميه من الشكمان يبقى دا معناه إيه ؟

و هل يفرق التوضيح فى لون المياه ؟

طالما مية التبريد مابتقلش فى قربة التعويض .....ومفيش تسريب خارجى يشككنا أن سبب نقص مستوى الميه فى القربه من هذا التسريب ........يبقى ظهور ماء من الشكمان عادى جدا بسبب حدوث تكثيف لبخار الماء الموجود فى الهواء .....وبالذات حينما تزيد الرطوبه النسبيه للهواء ( يعنى بخار الماء بيكون كتير فى الهواء ).
........لأن حرارة العادم بتجعل جزيئات الهواء حركتها تزيد (لأن بتديها طاقة حركه )......وبالتالى بخار الماء اللى فى الهواء ذو الرطوبه العاليه بيتبخر على جدران الشكمان الداخليه ويلتصق بالشكمان من الداخل أما الهواء اللى فضل نفسه بيخرج مع العادم ولا يلتصق بجدران الشكمان من الداخل ( يعنى العادم بيأخده فى طريقه ) ومع زيادة النسبه بتاعة بخار الماء وهو متكثف بجدران الشكمان الداخليه وملتصق به فى صوره بخاريه (زى اللى بنشوفها على غطاء براد الشاى مثلا )...........وزنه بيتقل وبيبدأ يسيل من خلف ماسورة الشكمان ......داغير أن نواتج الحريق بتكون فيها نسب من بخار الماء أيضا ..............ولكنها لاتتكثف حينما تكون الرطوبه بتاعة الجو قليله الى حد ماء .....وبيخرج البخار اللى فيها مع العادم لأن نسبتها فى العادم بتكون قليله الى حد ما...[gdwl]وبالتالى حينما يكون الهواء الخارجى جاف ( يعنى مفيهوش بخار ميه كتير ).....لا نلاحظ هذه الظاهره[/gdwl]