اسم الموضوع غريب صح ؟

احكيلكم احكاية ببساطة وانتو تعرفو

انا من قبل الثورة كنت زي اي شاب بحب السهر مع اصحابي برج وش الفجر عادي الحياه حلوة
انا بطبعي انسان عصبي ومبحبش اشوف غط واسكت لو كان اية وهموت عشانة
مفيش حد كامل الكمال لله وحدة

النهاردة والدي وولدتي قالولي خرجنا شوية نزلت والطريق كويس ولفينا لفة تمام
من اول الطريق واليوم دا حاسس انه غلط من كمية السواقين الي يكسرو والتكاتك اللي بقت تقف في شارع الهرم علي انعدام الاخلاق

لكن دهشتي عمرها موصلت للدرجة دي
انا اسمع عن البلطجة وميناتتل ومين عمل
لكن الحمدلله مشوفتش حاجة بعيني

ماشي في الشارع لقيت واحد بتاع 18 19 سنة ماشي في امان الله واتنين شكلهم غلط وقفو وواحد مسكة من كمر البنطلون والتاني فاتح علية مطوة والولد ابتدي يصوت
يا ناااااااس الحقوني في وسط الشارع والشارع حيوي وقدام بنك والبنك قدامة شرطة
اناوقفت استوعب هو في اية ورحت وقف الشارع ورايا ونازل عشان انا لو مكاه اكيد هبقي عاوز حد يساعدني
واللي يشدني من هنا لا ملكش دعوة هتتعور
واللي انت مستغني عن عمرك
واللي واللي ولقيت والدتي خافت وعاوزة تمشي باي طريقة مشيت وانا خايف يجعولو تاني يعملو فيه حاجة
لعت علي الشارع الزحمة بسبب وقفه المكروباصات غلط وواخدين 3 حواري من طريق 4 حواري بس عشان يحملو يهديك يرضيك مفيش فايدة
الطريق يمشي
تلاقي واحد قدامك علي الحارة الشمال ماشي 20 ترعشلة ولا هنا تزمر يقولك متعديني يا اخي انت اية جارك تمشي وارايا زعقلة عيب دا راجل كبير
طاب راجل كبير ومش قد السواقةينزل لية ؟
المهم ودا اللي اثر فيا قوي
وصلت البيت قولت اتمشي شوية اخويا الصغير شبط فيا خادتة معايا طلعت من السوب ماركت لقيت توكتوك واقف قدام السوبر ماركت والقهوة وواحد شادد واحدة من شعرها وبيزقها جامد قدامة
ومرة واحدة بعزم ما فيه راح اداها شلوط في ضهرها راحت خبطط راسها في التوكتوك ووقعت علي الارض دا راح ناطط فوقيها وبوكسات من هنا ومن هنا وراح طلع مطوة
طابيا راجل يا ........* انت بتستقوي عليها لية
؟
دا انت هتقف قدام ربنا زي ال ........*
وبتاع التوكتوك شاب بدقن واقف باصص وزي متقول بيضحك

اينعم هي البنت ي شكلها مش تمام بس ان بعد الظن اثم
حتي لو كدا انت تعمل كدا لية

انا الاول كنت بعشق حاة اسمها مصر
كل يوم بيحصل حاجة تكرهني فيها اكتر واكتر
ومحدش يقولي انت بتقول زمان ولا انت فلول ولا انت معرفش اية انا ولا مع مبارك ولا مع الثورة
لان الاتنين اوحش من بعض من وجهة نظري
انا حبيت افضفض معاكم شوية عشان انا حاسس اني في غابة مش في بلد الامن والامان اللي جت في القران
انعدمت الاخلاق والدين وكل حاجة في معظم الناس