الموضوع: وبدأ القلق فى مدينة العبور

طيب اية القلق دا بقي. احنا عندنا بيت في العبور في الحي الثاني جنب مسجد ضرغام والعيلة كانت ناوية ان شاء الله ننقل هناك علي شهر 7 كدا وانا كنت مجهز نفسي اني اوضب الشقة علشان اتجوز علي اخر السنة كدا بأمر الله. بس الصراحة الواحد ابتدي يقلق من كمية الاخبار ال متطمنش في العبور الايام دي, حضرتك مش أول واحدة علي فكرة تكتبي عن مشكلة بلطجة في العبور في الشهر دا , ويارب تكوني اخر واحدة والبلد يتظبط حالها بقي اصل كدا الموضوع ابتدي يرخم بصراحة, وانا بدأت افكر اجيب الي وانزل الف في الشوارع بليل واشوف اي بلطجي بيسرق او بيتبلطج علي مواطن محترم او علي بنت اموتة وقتي حاجة كدا زي باتمان ومكافحة الجريمة والحاجات دي, والله بفكر في كدا بجد والموضوع عمال يروح ويجي في دماغي وحاسس اني ممكن اعمل كدا بجد انا والله مابقتش طايق نفسي من ال بسمعة وصعبانة عليا اوي الناس ال اتعمل فيها الحاجات دي صعبانة عليا اوي ونفسي انظف البلد من العالم الزبالة دي والله والناس دي ملهاش دية اصلا وقتلهم افضل.

المشاركة الأصلية كتبت بواسطة eng\ahmed

هو اية المنطقة الامان فى البلد دلوقتى ؟!!

المنطقة ال انا عايش فيها امان والله يا باشمهندس احمد (سراي القبة) والحمدلله مفيش اي حوادث سرقة سيارات او تثبيت في المنطقة من بعد الثورة علي قد معلوماتي يعني والعربية بركنها في جراج العمارة وكل حاجة زي الفل والله, ودوريات الشرطة 24 ساعة في المنطقة ومش حاسس بأي قلق والله

يافندم مدينة العبور مدينة كبيرة وكون يحصل فيها حادثة او اتنين ده مايقلقش
انا بس حبيت انبه ان فيه حاجات زى كدة بقت بتحصل
لكن انا مثلا اللى بانزل اودى ولادى المدرسة وارجعهم بعربيتى وماقتش مشكلة لحد دلوقتى ويارب مااقابل ومفيش حد اعرفه حصله حاجة الجمد لله
يعنى حوادث فردية كان ممكن تحصل قبل الثورة كمان
حضرتك تنور العبور واطمن لان زيها زى باقى المناطق