حد يعرف الخرطوم المفصول ده بتاع ايه ؟؟

**melkhayat83** · 13-02-2012 12:26 PM

كنت عملت مشاركه قبل كده علشان مشكله في العربيه انها مخنوءة اوي
واخر ميكانيكي روحتله وبعد مامشيت من عنده لقيت الخرطوم الرفيع ده مفصول مش عارف هو عامله عن قصد ولا كان بيعمل حاجة ونسي يركبه المهم انا ركبته مكانه لقين العربيه مخنوءة تاني شيلته لقيته بقت كويسه الي حد ما يريت حد يفيدنا في الموضوع ده
العربيه لانوس 99 اوتوماتيك 1500

**AHMEDCAR** · 13-02-2012 12:29 PM

ده الاكسرونايد بتاع التكييف اللى بيعلى العربيه لما التكييف بيشتغل

**melkhayat83** · 13-02-2012 12:40 PM

المشاركة الأصلية كتبت بواسطة AHMEDCAR

ده الاكسرونايد بتاع التكييف اللى بيعلى العربيه لما التكييف بيشتغل

استاذ احمد انت تقصد سولينويد Solenoid ولا ايه معلش انا مش فاهم اوي لو ممكن توضح

**AHMEDCAR** · 13-02-2012 01:01 PM

بالظبط كده و انا عندى واقع برضو و التكييف شغال الحمد لله

**melkhayat83** · 13-02-2012 02:38 PM

انا مش عارف بصراحه انا حاولت اشوفه في المانيول طلع حاجة اسمها vgis وده سولينويد فالف وليه علاقه بالهوا طب ده ايه علاقته بالتكييف

**ahmedhawas** · 13-02-2012 05:05 PM

المشاركة الأصلية كتبت بواسطة melkhayat83

انا مش عارف بصراحه انا حاولت اشوفه في المانيول طلع حاجة اسمها vgis وده سولينويد فالف وليه علاقه بالهوا طب ده ايه علاقته بالتكييف

- ال VGIS ده إختصار ل Variable Geometry Intake System
وده خاص بمانيفولد السحب بحيث بيغير مسار الهوا اللي داخل للموتور على حسب السرعة أو الحمل
والغرض منه يزود العزم عن طريق تزويد الكفاءة الحجمية.
ومش عارف هل كان موجود في لانوس 99 ولا لأ، لكنه موجود في الأفيو الجديد.

- أما بخصوص الخرطوم المفكوك عندك، فده مفكوك عن قصد عشان ميخنقش العربية.
وده خرطوم ال EGR إختصار ل Exhaust Gas Recirculation
وده وظيفته بياخد جزء من غازات العادم ويعيد تدخيله مع الهوا الفريش اللي داخل للموتور بإسلوب معين
بهدف تقليل الحرارة اللازمة لحرق الخليط عشان يقلل من فرص تكون الغازات الضارة بالبيئة وتحديدا الأكاسيد النيتروجينية.

ممكن لو ال EGR valve بايظ (اللي هو شبه الطبق الكبير ده فوق) أو معلق مفتوح علطول
فبيدخل نسبة عادم كبيرة عالهوا الفريش .. وده بيخنق العربية ويقلل من كفاءة الموتور.

والله أعلم.

**melkhayat83** · 15-02-2012 09:53 AM

المشاركة الأصلية كتبت بواسطة ahmedhawas

- ال vgis ده إختصار ل variable geometry intake system
وده خاص بمانيفولد السحب بحيث بيغير مسار الهوا اللي داخل للموتور على حسب السرعة أو الحمل
والغرض منه يزود العزم عن طريق تزويد الكفاءة الحجمية.
ومش عارف هل كان موجود في لانوس 99 ولا لأ، لكنه موجود في الأفيو الجديد.

- أما بخصوص الخرطوم المفكوك عندك، فده مفكوك عن قصد عشان ميخنقش العربية.
وده خرطوم ال egr إختصار ل exhaust gas recirculation
وده وظيفته بياخد جزء من غازات العادم ويعيد تدخيله مع الهوا الفريش اللي داخل للموتور بإسلوب معين
بهدف تقليل الحرارة اللازمة لحرق الخليط عشان يقلل من فرص تكون الغازات الضارة بالبيئة وتحديدا الأكاسيد النيتروجينية.

ممكن لو ال egr valve بايظ (اللي هو شبه الطبق الكبير ده فوق) أو معلق مفتوح علطول
فبيدخل نسبة عادم كبيرة عالهوا الفريش .. وده بيخنق العربية ويقلل من كفاءة الموتور.

والله أعلم.

عندك حق ياباشا هو فعلا بتاع ال egr ياريت لو عندك علم بكيفيه اختبارة و اعرف ازاي ازا كان البلف ده بايظ ولا سليم

**hassanmoktar** · 19-02-2012 12:41 PM

اعتقد ان المسالة ملهاش علاقة بالتكيف ولكن دة يتاع الموتور لزيادة العزم

**mbx4e** · 20-02-2012 11:23 PM

استاذ محمد ممدوح يجيبلك ناهية المشكله اللي عندك
خش على قسم الدايو واسال عليه هناك

**kazoza1** · 27-02-2012 12:54 AM

انا عندى نفس المشكله دى فى الجولف 4 - 1400 cc بس بصراحه مش عارف هل دا ال VGIS ولا ال egr
قبل ما اشيل الخرطوم دا كانت العربيه بتبطل معايا لو ماشي بالعربيه ورفعت رجلى من ع البنزين . دلوقتى وانا شايل الخرطوم دا الدنيا ماشيه تمام ... فعايز اعرف هل دا ليه تأثير سلبي ع الموتور ؟