العبور ولا المقطم احسن ؟

**limo** · 31-05-2008 10:49 PM

ايه رايكم انهى فرع للتوكيل اسرع فى الصيانه وفى الصيانه نفسها ؟
مركز العبور ولا المقطم
انا تعاملت مع المقطم وكويسن جدا بس العربيه قعدت فى صيانه ال20 الف حوالى
اربعه ساعات وكنت زقان جدا
وسؤال كمان انهى اقرب ليه انا ساكن فى مدينه نصر فى مكرم عبيد

**Ramy_Tantawi** · 31-05-2008 11:03 PM

توكيل العبور عن تجربه أسرع في حاجتين . أسرع في الحجز يعني كتير لما باحتاج احجز ميعاد للصيانه بلاقي تاني يوم او بعديها بيوم عكس المقطم ممكن بعد 3-4 ايام على مالاقي حجز.

النقطه التانيه بالفعل الصيانه في المقطم بتاخد حوالي 4 ساعات بينما في العبور بتاخد ساعتين على الآكثر كا صيانه دوريه لو في مشاكل لا قدر الله ممكن تطول على حسب حالة العربيه طبعاً.

أما عن المكان فا بالطبع المقطم أقرب لحضرتك في مدينة نصر لكن الفرق مش كبير اوي لئني من سكان مدينة نصر برضه الوقت واحد تقريباً باخد الاوتوستراد وزحمته في مثلاً نص ساعه عشان اوصل فرع المقطم هي هي النص ساعه للوصول للعبور لئن الطريق سريع الى حد ما.

**Ahmed Selim** · 31-05-2008 11:52 PM

المشاركة الأصلية كتبت بواسطة Ramy_Tantawi

توكيل العبور عن تجربه أسرع في حاجتين . أسرع في الحجز يعني كتير لما باحتاج احجز ميعاد للصيانه بلاقي تاني يوم او بعديها بيوم عكس المقطم ممكن بعد 3-4 ايام على مالاقي حجز.

النقطه التانيه بالفعل الصيانه في المقطم بتاخد حوالي 4 ساعات بينما في العبور بتاخد ساعتين على الآكثر كا صيانه دوريه لو في مشاكل لا قدر الله ممكن تطول على حسب حالة العربيه طبعاً.

أما عن المكان فا بالطبع المقطم أقرب لحضرتك في مدينة نصر لكن الفرق مش كبير اوي لئني من سكان مدينة نصر برضه الوقت واحد تقريباً باخد الاوتوستراد وزحمته في مثلاً نص ساعه عشان اوصل فرع المقطم هي هي النص ساعه للوصول للعبور لئن الطريق سريع الى حد ما.

هى دى الخلاصة

تمام يا رامى باشا كده

دا أنت ناقص تشرحله يروح أزاي :) :) :)

**Ramy_Tantawi** · 01-06-2008 12:57 AM

العفو ليمو باشا واحنا كلنا اخوات.

نعليق بس على رد اخي احمد انا مش هارد نيابة عنه طبعاً لكن الحق يقال الراجل قاصد خير والله وحسن النيه مبيته لذا يا اخي الكريم حضرتك بس فهمته غلط مش اكتر والله . وتقبل تحياتي

**Abo_Lina** · 01-06-2008 04:39 PM

يا أ / ليمو احمد كان بيهزر مع رامي على شرحه الوافي جزاه الله خير و مش قصده يتريق انك مش عارف مثلا
اصل لو المنتدى كله تحول الى اسئلة و اجوبة بس دمه هايبقى تقيل فيعني ساعات الناس بتقول دعابة عادي

**aLashin** · 01-06-2008 07:46 PM

هوا بالنسبه لسكان مدينه نصر .. هيبقي الاتنين زي بعض تقريبا و ان كانت المقطم اقرب شويه ..

انا ان شاء الله اول صيانه هروح العبور ..

**limo** · 01-06-2008 08:00 PM

شكرا يا جماعه على التوضيح -جزاكم الله كل خير

**Sharky** · 01-06-2008 09:03 PM

من الاخر زى ما قالك رامى
و أنا عن نفسى بفضل العبور عن المقطم لغن المكان اوسع و أهدا و بيخلصوا أسرع من المقطم

على فكرة يا ليمو أحمد من الشخصيات المحترمة و هو أكيد قصده هزار فى رده