أول مشكلة في الميجان

**akram2025** · 30-05-2008 07:11 PM

طبعا انتو عارفين اني لسه جايب الميجان بتاعتي من أقل من شهر و قابلني عطل مش ظريف و هو إن أمبير البنزين معلق و ده بعد مافولت العربية 95 طبعا!!
لقيت الأمبير ماطلعش للأخر و ثبت عند التلات أربع يعني كأن ربع التانك فضي!!!
و قولت يمكن هما سرقوني في المحطة بس بقالي يومين ماشي بالعربية و الأمبير لسه ثابت عند نفس العلامة و ده يؤكد إن في عيب في الأمبير و ده أكيد من عوامة البنزين معلقة...
سمعت برضه إن العيب ده شائع في الرينو!! فهل ده صحيح؟ و ايه رأيكوا!!

المشكله اني عايش في الغردقة و معرفش ظروف الوكيل المعتمد هنا ايه!! اسمه الجميل للسيارات!! حد صلح فيه قبل كده؟

مستنى أرائكوا و ردودكوا!!!
و حد يعرف رقم الكول سنترالأرضي عشان الرقم المختصر 16202 مش شغال في الغردقة!!

بجد انا متضايق جدا بسبب ظهور اعطال مبكرة بالشكل ده!!

شكرا مقدما على الردود

**Sharky** · 30-05-2008 07:27 PM

دى ليست مشكلة شائعة فى الميجان
دى اول مرة أسمع إن فيه حد حصله كده !!!!

هى دى أول مرة تفول من البنزينة دى ؟؟

ممكن تزود 02 قبل نمرة الكول سنتر
أو النمرة دى 025061608

**Ahmed Selim** · 30-05-2008 07:29 PM

باشا

متقلقش خالص

المرة الجاية وانت بتفول أطفى العربية عشان أنت أكيد كنت مدورها وأنت بتفول

هو ده مش هنقدر نقول عليه عطل فى العربية بس الطبيعى فى أوروبا وأمريكا أنك تبطل العربية وأنت فى محطة البنزين يمكن عشان كده الموضوع مش فارق معاهم بره

الكلام ده برضه بيحصل معايا بس مش على طول يعنى لو بفول والعربية دايرة ساعات يحصل وساعات لأ بس عمره ما حصل معايا وأنا مبطل العربية

لو حصل معاك وأنت مبطل العربية يبقى غالباً عوامة البنزين عاوزة تتغير

الرقم الأرضى لرينو المقطم 25228020

متنساش تقولنا أيه الأخبار

**Sharky** · 30-05-2008 08:12 PM

أنا لسه مكلم م/ محى مدير صيانة العبور و قالى دا سببه إن حضرتك حطيت بنزين و العربية دايرة و قالى إنه لما تحط بنزين المرة الجاية إقفل العربية و الموشر حيتظبط بعد ما تملى بنزين

**Ramy_Tantawi** · 30-05-2008 08:37 PM

حضرتك الأول جرب حط بنزين تاني وانت طافي المحرك وان شاء الله يقرا صح وعموماً يستحسن لو حضرتك بتخلي العامل يفول العربيه يفول عند اول تاكه زي ما بيقولوا بلاش يفضل يعبي في التانك لغاية ما البنزين يطلع من الناحبه التانيه ...وان شاء الله بسيطه.

**fahd_628** · 30-05-2008 09:05 PM

انا فعلا حصلت معايا و لازم لما تفول تطفى العربية علشان العداد يقرأ صح

**akram2025** · 30-05-2008 10:09 PM

ياسلام على منتدادنا الجميل،،،،، بارك الله فيكم

فعلا رحت فولت تاني و طفيط الموتور وبعدين دورت العربية و الأمبير اشتغل و كله تمام..

الف شكر يا جماعة والله مش عارف من غيركم كنت هاعمل ايه...

طبعا شكر خاص لإستاذ شاركي واتصاله بالتوكيل للحصول على معلومة مؤكدة... والله بحس أنه أكثر من أخ لكل اعضاء المنتدى و خصوصا قسم الرينو

**CosmicOne** · 30-05-2008 10:17 PM

I had the same problem with my old car Renault Megane 1 Model 1999
doesn't matter if engine was running or not :)

**NaderNabil** · 30-05-2008 10:21 PM

علفكرة المشكله دي حصلت معايا في البيكانتو برده....دخلت المحطة و خليته يفول و نسيت اطفي الموتور عشان صوته مش مسموع....و لمل مشيت من عنده المؤشر قعد بتاع 50 كيلو لحد ما لقط الزيادة في البنزين..

-

الموضوع: أول مشكلة في الميجان

LinkBack

أدوات الموضوع

عرض

أول مشكلة في الميجان - انشر الموضوع فى :

-

-

-

-

-

المواضيع المتشابهه

مشكلة سحب في الميجان

مشكلة فى الميجان

مشكلة فى سى دى الميجان 2 + مشكلة تانية بسيطة

مشكلة في الميجان

مشكلة فى سى دى الميجان

الكلمات الدلالية لهذا الموضوع

المفضلات

المفضلات

ضوابط المشاركة