skoda fav&fel

**benmatar** · 16-02-2012 11:03 AM

بالنسبة للموتور بالفيتيuيش حياتك على الاستيراد وسيادتك عارف إن مش كل حاجة ينفع تتجاب استيراد. وسعر 3500 لموتور كربراتير والغريب إن الانجكشن1300 ممكن يكون نفس السعر أو أقل شوية عشان الطلب على الكربراتير، ولو عربيتك كربراتير وهتغير انجكشن الموضوع هيحتاج تغيير في الضفيرة بس قاللي إنه مش مستحيل وعادي... بصراحة اللي نفسي فيه فعلا هو الموتور اللي بينزل في أوروبا 1900 ديزل، وده موجود منه في الفيليشيا النقل felicia fun، عارفها؟ بصراحة جبار وطبعا ديزل واحرق براحتك وميهمكش، بس برضه طبعا نفس أزمة قطع الغيار.

**Ahm662** · 16-02-2012 12:50 PM

‏ ايوه طبعا عارفها بس هي موجودة في مصر وتعمل كام بس برضو هوالموتورأبو ٣٥٠٠ كام سي سي هو ١٦٠٠ ولا ايه والف شكر علي ردك

**benmatar** · 16-02-2012 01:11 PM

1300

**ayman20100** · 16-02-2012 02:16 PM

المشاركة الأصلية كتبت بواسطة xmanx51

خد دي
اتنين فانوس امامي 220 جنيه استيراد
اتنين فانوس خلفي 200 جنيه استيراد
اكصدامات امامي وخلفي بالفوجات 350-450 استيراد
اتنين كبلن استيراد 140 جنيه
سره يمين 60 جنيه استيراد
مارش صيني 300 جنيه نضيف علي فكرا
صلايب امامي ب 65 جنيه تركيا او ايطالي مش فاكر
فتيس كامل 700 جنيه
ديسك الفتيس صيني 110 جنيه
فرغه موتور + عمود الكرنك 450 جنيه شامله الورق بتاع الفرغه
اتنين رفرف امامي 320 جنيه تقريبا
الشبكه الاماميه بالعلامه 150 جنيه صيني
القطع دي لفليشيا 95
ولو حد عايز يسأل علي حاجه باذن الله عندي زياره تانيه للتلاجه ودي منطقه لبيع قطع غيار استيراد

حضرتك قولت فارغة الموتور + عمود الكرنك بكام ؟؟؟؟؟؟؟؟؟؟؟ السعر ده لو صح انا ممكن يجرالي حاجة
ومش المقصود بفارغة الموتور النص الي تحت ياعني نص موتور بدون وش السليندر فاضي
وانا عاوز اجيب شوية حاجات هو حضرتك فين مكان التلاجة ديه عشان عاوز اسال على حاجات كتير شوية وهي اغلبها كماليات بس انا عاوز اظبطها

**Ahm662** · 16-02-2012 10:29 PM

يا جماعة أنا عايز علبة الفيوزات أرجوكم بكام و منين لأنها قاطعة النور الصغير تماما وبدأت تصدي

**ayman20100** · 19-02-2012 11:59 AM

ياجماعة انا جايب منقى البنزين الى اسفل الكربيراتير ب 20 جنيه بس من عند الصياد في شارع التحرير عشان الناس الى جابته بـ 35
وترموستات الريداتير 20 جنيه وفيه منها مضروب كتير مش عارف الاقي حاجة كويسة فيها
كل ما افتكر حاجة هكتبها

**ahmednavigator** · 24-02-2012 07:27 PM

هو اية الفرق بين علبة الدركسيون والاسكاترا

**mobreturn** · 09-03-2012 04:00 PM

ممكن حضرتك تركب ترموستات الدوجان لان كان عندى نفس المشكله من سنه وكنت كل مغيرها تضرب وفى الاخر كهربائى ركبلى بتاعت الدوجان والحمد لله نسيتها خالص

**mobreturn** · 09-03-2012 04:04 PM

سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من فتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم انا كنت بتعامل مع واحد اسمو رمضان فى شارع المرور عند ابو الحسن بتاع قطع الغيار بس رمضان ده حرامى اوى اوى وبيخليك كمان تغير حاجات مش بايظه عندك عشان يبعها للزباين اللى عندو على انها استيراد ارجو من الاخوه الرد عشان بجد الموضوع مهم اوى

**benmatar** · 10-03-2012 10:24 AM

المشاركة الأصلية كتبت بواسطة mobreturn

سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من فتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم انا كنت بتعامل مع واحد اسمو رمضان فى شارع المرور عند ابو الحسن بتاع قطع الغيار بس رمضان ده حرامى اوى اوى وبيخليك كمان تغير حاجات مش بايظه عندك عشان يبعها للزباين اللى عندو على انها استيراد ارجو من الاخوه الرد عشان بجد الموضوع مهم اوى

السلام عليكم
فعلا رمضان ده اتعاملت معاه قبل كده، ربنا يهديه ويصلح له حاله.
لو حضرتك كملت شوية في شارع الرور هتلاقي الحسن بتاع قطع غيار سكودا، بعديه بشويه حارة شمال فيها ميكانيكي اسمه عادل وأخوه أيمن، بصراحة بتعامل معاه من سنة، كويس جدا، وراجل أمين وفاهم، والحمد لله مريحني في شغله وأسعاره وبينجز، ورقمه 0105126123. توكل على الله واعمل له زيارة.