اقتباس المشاركة الأصلية كتبت بواسطة Ahmod مشاهدة المشاركة
معلش يعني هو ايه اللى يخلي الفئة الخامسة تتقلب ؟

هو راكب فيرنا عشان يجي يتفادى حاجة يتشقلب
ايه يا حج احمد هتزعلني منك كدة ايه جاب سيرة الفيرنا
العربية كافية خيرها شرها وملهاش دعوة بحد :D


ميني كوبر عزيزي
دايما بتعمل حجات عجيبة مع عربيات غريبة عالطريق :D
بس بيني وبينك احساس الشد دا ميتوصفش الحقيقة
انا عملت تجربة سابقا مع لانسر بومة وفولكس جيتا واوبترا
كنت على الدائري بمشي في حالي 90 انا
لقيت الجيتا جاية طايرة من جنبي قلت عادي ألماني وحقه
بعدها البومة طايرة قلت وماله ياباني وبيتدلع
بعدهم الاوبترا قلت لا كدة كتير هي وصلت للاوبترا كمان :D
مسقطتش غيارات ولا حاجة هما كانوا بيشدا مع بعض
قمت كابس بنزين وبدأت ازود سرعتي
110/120/130
140 بقيت ورا الاوبترا -كانت اخر واحدة-
150 قمت معديها وبقيت ورا اللانسر
160 عديت اللانسر وقربت من الجيتا
170 قمت معدي من الجيتا
قمت رافع ل 180 كمان قلت اسخنهم شوية
محدش سخن
قمت مشغل فليشر مرة واشارة يمين في شمال وقمت مهدي ونازل لسرعتي العادية
الكلام دا كان على الدائري -دائري ما قبل نفق السلام -يعني أسفلت سيء اساسا مع فيرنا ستوك بكل حاجة حتى الكاوتش كمان :D-
شغل جنان بتاعي دا
ههههههههههههههههههههههههه هه

بعيدا بقا عن الشد هو احنا بنشد ليه؟!
عشان نثبت اننا الافضل والاقدر على القيادة وان الموتور اللي تحت رجلنا مفيش زيه
كلام جميل جدا
بس هو مش فيه احتمال ان عجلة تضرب سلك معاك وتفرك من الجنط؟! دا لو مقابلتكش اي حاجة طارئة على الطريق!
مش ممكن مثلا حد من اللي انت بتشد معاهم -بدون قصد - عجلة القيادة تختل في ايده وهو جنبك يقوم مسلم عليك وتزعلوا انتوا الاتنين من بعض زعلة كبيرة اوي؟!
ربنا يحفظ طريقنا وطريقكم يا رب

*الميزة في اللي حصل انه كان شد نزيه
الشد لابد يكون نزيه يا شباب يعني متجيش عشان عربية متطلعش منك تقوم قافل عليها وتقول علمت عليه
لا في الحقيقة هو اللي علم عليك وانت بينت انك مش بتعرف تسوق وساعتها بتخليه وهو معدي منك ممكن يريح عليك ترييحة تزعلك زعل السنين
عايز تشد شد بس في طريق فاضي
عايز تشد شد بس بنزاهة ومتقفلش على اللي بتشد معاه
عايز تشد شد بس خليك في المعقول وشد مع اللي قدك ! يعني متبقاش بي ام وتقول هشد مع فيرنا او فيرنا وتقول هشد مع بي ام !
بغض النظر اني فيرنا وبشد مع اي حد بس انا مجنون ومفيش زيي :D