الموضوع: من قباقيب لسكاكين بالصدفه والنتائج مبهره

المشاركة الأصلية كتبت بواسطة hellboy

استاذنا الكبير ,ازي حضرتك ان شاء الله تكون بخير.
السكاكين افضل بكتييييير ,هتحس انك كنت راكب عجله مش عربيه
برغم ان فرامل الاوبل ماشاء الله بس السكاكين حاجه تانيه
المطلوب.
-2 جنب استيراد علي بعضه(2طنبوره-2 صره عجل-حاجز الاتربه الصفيح-سلك الهاند-ريجلاش الهاند) سعرهم كنت سالت عليه في بورسعيد من سنتين حوالي 400ج

الحمد لله يا فادى لعلك انت والاسرة الكريمه فى احسن حال ولكم جزيل الشكر على الايضاح

مجدى باشا اللى قاله فادى هو فعلا اللى مطلوب
بس انا مغير الطبليه كامله بالجلب بالمقصات بالطنابير بكابل الهاند برجلاشه فمعرفش اللى انت هتحتاجه هيعمل كام ؟
وان كنت افضل انك تاخدها كامله زى ما انا عملت لانه لو ادالك منها الطنابير بس ممكن يعلى عليك السعر جامد زى عادة بتوع الاستعمال يبقى عايز يبيع كل حته فى العربيه بتمن العربيه
لو ناوى انا ممكن اجى معاك عند رضا وده يبقى شرف ليا انى اساعد اخ عزيز

طيب ما تقولنا يا باشا على عنوان الورشة بتاعتكو فى اسكندرية عشان لو عايزين حاجة يعملوا معانا واجب

المشاركة الأصلية كتبت بواسطة elewey

طيب ما تقولنا يا باشا على عنوان الورشة بتاعتكو فى اسكندرية عشان لو عايزين حاجة يعملوا معانا واجب

و حضرتك بتسأل على ان رضا يعمل واجب !
حضرتك شوف انت محتاج ايه وانا ممكن اسالك عليه ولو هتروح بنفسك قوله انا من طرف شريف اللى معاه الاوبل الحمرا بأماره الدنجل (الطبليه) اللى واخده منك

اما لو بتسال على عنوان الورشه يبقى على الخاص موبايله وعنوانه

بسال يا باشا عن عنوان الورشة

المشاركة الأصلية كتبت بواسطة sherif_m72

مجدى باشا اللى قاله فادى هو فعلا اللى مطلوب
بس انا مغير الطبليه كامله بالجلب بالمقصات بالطنابير بكابل الهاند برجلاشه فمعرفش اللى انت هتحتاجه هيعمل كام ؟
وان كنت افضل انك تاخدها كامله زى ما انا عملت لانه لو ادالك منها الطنابير بس ممكن يعلى عليك السعر جامد زى عادة بتوع الاستعمال يبقى عايز يبيع كل حته فى العربيه بتمن العربيه
لو ناوى انا ممكن اجى معاك عند رضا وده يبقى شرف ليا انى اساعد اخ عزيز

منحرمش ابدآ منك ولا من ذوق ولا من اخلاقك الكريمه يا شريف باشا ربنا يخليك يا رب اما بالنسبه لرضا اللى شغال عند على لاادا فا أنا اعرفه كويس هو كويس جدآ معايا لان بينا شغل فى مزارع وكلام فى التجارة لانه هو اساسآ من الغربية بلد المرحوم ولدى المهم لما تروحله قوله مجدى الشيخ هيعرف الكلام على طول وطبعآ انت كلك زوق والف شكر لاهتمامك