الموضوع: معرض اوتو مــــــــــــــــــــــــ ـــــــاك

المعرض من يوم 5 ليوم 9 (توقيت سئ جدا .. عز الامتحانات .. بس هروح برده)
بس يا ريت لو حد يعرف هل من يوم 5 هيبقي مفتوح للجمهور ؟
و ايه هي مواعيد المعرض من كام لكام ؟

هما الجماعة بتوع المعرض بيقعوا في غلطتين واحدة عويصة جداَ و تنم عن ذكاء محدود و الثانية تم تفاديها ..
الغلطة التي تم تفاديها إنهم في الأول كانوا بيعلنوا عن ميعاد المعرض بما فيهم يوم الخاص بالإفتتاح الممنوع على الجمهور بس في الفترة الأخيرة أصبحوا يعلنوا عن الفترة التي يكون فيها المعرض مفتوح للجمهور فقط و مش بيضموا لها يوم اللي في الأول دة يعني يوم 5 ممكن الكل يروح ..
أما المشكلة الثانية العويصة إنهم مصرين يعملوا المعرض في فترة الإمتحانات في حين أنهم لو عملوه بعد الإجازة الأعداد هتكون أكثر و نجاحه هيزيد يوم عن التاني ..
بس أنا لي رأي بالنسبة للمعرض ..
مصر فيها معرضين ( الأهرام و أحبار اليوم ) .. طيب ليه منجمعش موارد المعرضين في معرض واحد و يكون دولي ( مش محلي أو إقليمي ) و يكون نقطة و وجهة مهمة لشركات السيارات و يعرض فيه النماذج الإختبارية و كدة يعني ..
بس نقول إيه بقى كل واحد بيعاند في التاني ..
:):)

تمام يعني كدة ممكن اروح يوم الخميس عادي
يا ريت بس مواعيد المعرض

انا بصراحة افضل ان يفضلوا معرضين عشان يبقي فيه منافسة .. رغم ان معرض الأخبار أفضل من الأهرام بكتير :) و لكن المنافسة هي اللي بترفع مستوي اي حاجة (قارن أسعار الحديد المحتكر في مصر - بخدمات المحمول اللي المنافسة فيها مفتوحة)

المشاركة الأصلية كتبت بواسطة CAMARO

مصر فيها معرضين ( الأهرام و أحبار اليوم ) .. طيب ليه منجمعش موارد المعرضين في معرض واحد و يكون دولي ( مش محلي أو إقليمي ) و يكون نقطة و وجهة مهمة لشركات السيارات و يعرض فيه النماذج الإختبارية و كدة يعني ..
بس نقول إيه بقى كل واحد بيعاند في التاني ..
:):)

لو المعرضين اتجمعوا هيكون ظلم فادح لمعرض الأخبار، لأن معرض الأهرام بقاله كام سنة مالوش اى لازمة وزى قلته وآخرك تدخل المعرض تلاقى عربيتين شاهين وعربية فيرنا وواحد بيبيع بوجيهات واوشاش فوانيس، وواضح جدا انه مستمر سنويا لزوم السبوبة فقط لأنه لا مقارنة من اى نوع بينه وبين معرض الأخبار

المشاركة الأصلية كتبت بواسطة badblood

هو الخميس الجاي فعلا معرض اوتو ماك
لاني كنت في سبيركار يوم الخميس بسأل على الستاير الكبس قالي استنى المعرض يوم الخميس وفي حاجات كتييييييييييير جديدة

انا جالى ال VIP invitation و هى كالتالى:
الايام: من 5 الى 9 يونيو {معرفش دخول جمهور خميس ام لا}
الساعة: من 12 ظهرا الى 11 مساءا
الدخول: باب 10 و 11 فى شارع ممدوح سالم.

المشاركة الأصلية كتبت بواسطة sab3aawy

لو المعرضين اتجمعوا هيكون ظلم فادح لمعرض الأخبار، لأن معرض الأهرام بقاله كام سنة مالوش اى لازمة وزى قلته وآخرك تدخل المعرض تلاقى عربيتين شاهين وعربية فيرنا وواحد بيبيع بوجيهات واوشاش فوانيس، وواضح جدا انه مستمر سنويا لزوم السبوبة فقط لأنه لا مقارنة من اى نوع بينه وبين معرض الأخبار

أيوة ما أنا عارف يا بشمهندس سبعاوي و علشان كدة بقول مادام المعرض بتاع الأهرام مالوش لزمة يبقى الأهرام تتعاون مع أخبار اليوم و يحطوا الفلوس على بعض و يعملوا معرض واحد و يكون دولي ..
:):)