مساعدة عاجلة يا سمسم

**ahmedhonda** · 14-02-2012 08:13 PM

كبلان عربيتى ex زهقت منى من كتر وبقت بطاطا مع اى حركة يمين او شمال حتى ولو كانت بسيطة رحت لعفشجى عندى فى المنصورة قالى لازم يتغيرة وكمان الكبالن الداخلى انا مسافر القاهرة فى خلال يومين عاوز اعرف الكبالن الداخلى والخارجى يمين وشمال يعملوا كام استيراد واجبهم من عند مين ؟
وهل الكبالن لما بتبقى بايظة بتاثر على سحب العربية ؟
تيل الفرامل الامامى عاوز يتغير يعمل كام
والتيل الخلفى بيعمل كام ؟
والاحسن اغير الطنابير الامامية ولا اخرطها ولو الاحسن اغيرها تعمل كام ؟
اسف للاطالة بس عاوز اعرف الحاجة دى علشان انا نازل اعملها عندكم فى مصر وطبقا هكلما يا سمسم علشان لو ينفع نتقابل . وشكرا .

**M_Nabil** · 15-02-2012 12:32 AM

طلما بتطقطق من أقل حركة يمين وشمال يبقى كدة جابت أخرها

الداخلى بقى نادراً لما بيبوظ !! الا لو كوتشه مقطوعة بقالها فترة .. أنت اية اللى بيحصل عندك طقطقة في الطلعة؟! ورجرجه على سرعة مابين 40 لى 70 كم؟ ولا الأعراض دى مش موجودة عندك

لو عاوز تكشف وتصلح كبالن ممكن تروح لى أحمد عمر في عين شمس - شارع أحمد عصمت ده متخصص كبالن وشغله نظيف

هتشترى أستيراد يبقى عليك وعلى الحرفيين سعرهم في حدود 400 جنية تقريباً كاملين

تيل فرامل امامى تركى بيعمل 95 جنية و المانى نفس السعر التيل الخلفى نظام الطبله مش ديسكات 110-120 جنية يابانى انما الديسكات هيكون في حدود 140-150 جنية

لا أفضل أنك تخرط الطنابير هتقد معك كام شهر وهتبوظ تانى يبقى توفر فلوسك وتشترى استيراد تجيب شمعدانين كاملين امامى وهما بيكونو جاين بالتيل الامامى الاصلى تفك وتركب يبقى كدة أنت وفرت ثمن شراء تيل وسعرهم في حدود 350-400 جنية بس المهم الميكانيكى يبصلك عليهم قبل ماتأخدهم ويقولك اذا كانوا تمام ولا تشوف غيرهم

**SAMEH_FOUAD** · 15-02-2012 09:09 AM

طبعا كلام محمد نبيل تمام

اولا بالنسبة للكبالن الخارجية جديدة استيراد سعر الواحد 300 جنية يابانى وان ماكنش زاد عن كدة 25 جنية كمان فى ظل الايام الاخيرة

انا لا انصح ابدا بتصليح الكبالن خصوصا لو انت غاوى شد وجرى

* سعر الكبالن استيراد الجنب الواحد كامل ( كوبلن خارجى + داخلى + اكس ) 350 جنية

* تيل الفرامل التركى مش حلو هات نوع يابانى احسن وافضل وبيعمل 125 جنية للامامى

* بلاش تخرط الطنابير عشان اداء الفرامل بعدها هيقل هات احسن زى ماقال محمد نبيل طنابير استيراد بالسعر اللى قالك علية

وياباشا اتمنى انى اشوفك واقابلك طبعا ويارب تأجل الموضوع دة ليوم الجمعة الموافق 24 اهوة نشوفك بالمرة وتتعرف على الهونداوية