السلام عليكم جميعاً
عند بيتي سوينا مكان ونظفناه ودقينا مواسير وركبنا جنازير بأقفال ( يعني عملنا ركنة لكل واحد في العمارة )
كويس كدة ..؟؟
الكلاب الضالة بقى بهدلت لي سواطح العربية ( الكبوت والسقف والشنطة ) بعد ما قطعت غطاء العربية وخلته شوربة وكأنهم عملوا معركة ضارية عليه ...
أه نسيت أقول لكم كل يوم ألاقي حضراتهم نايمين على السقف ومطبقينه ومخربشين العربية ( بالرغم من وجود الغطاء ) أهشهم وأفرد السقف من جوة العربية وأسب في سلسفيل جدود جدودهم وأدور وأتوكل على الله ....


رميت الغطاء إللي قطعوه وإشتريت غطاء جديد ورشيت العربية رشة نظافة بسببهم ( والله رشيتها بسببهم )
وجبت كراتين فارغة وغطيت بها السواطح والزجاج وغطيت العربية على الكراتين دي
نزلت النهاردة لقيتهم قطعوا الغطاء الجديد ( شالوا منه قطعة ) ووسعو الكراتين في الفتحة إللي عملوها وراحو مخربشين الكبوت في المكان إللي كشفوه !!!!


فكرت أفصل فرش من نوعية قماش الخيام بحيث مخالبهم ماتوصلش للصاج !!!
مكلف أنا عارف ..طيب وموضوع السقف إللي بيطبقمن فركهم ونومهم عليه ...أعمل في دة إيه ؟؟؟
فكرت أسمهم ...!!!


طيب أجيب السم من إين ؟؟ هل من شركات الكيماويات إللي في باب الشعرية ولا نت الصيدليات وإيه النوعية إللي تنفع للغرض دة
وهل إني أسمهم دة يبقى حرام ؟؟ طيب ماهم كائنات مؤذية دة غير إنهم بالنهار بتعمل صرع لأطفال المنطقة
دلوني أعمل إيه