صباح الخير ياجماعة
انا لسة جديدة في المنتدي ده بس باين عليه منتدي رائع بجد واتمني انكوا تساعدوني برأيكم في اني اختار عربية كويسة في حدود الفلوس اللي معايا.

بإختصار انا معايا 20 الف جنيه وممكن احاول استلف عليهم مابين الفين أو 4 مثلا يعني احاول اوصلهم ل 24 الف (بالسلف) مع العلم اني لسة متعلمة السواقة جديد وإن دي اول عربية ليا وعايزاها برده تخدمني لوحدي معظم الوقت بس هايبقي في شوية مشاوير للعيلة وسفرية كده كل فترة كبيرة يعني مصيف مثلا فسحة كده.

ياريت تقترحوا عليا اشتري ايه وكمان تقولولي رأيكم لاني معروض عليا عربية 128 موديل 87 فابريكة جوة بالكامل ونظيفة اوي من بره بطارية جديدة شهر مايو و4 كاوتش عريض جديد و كاسيت ورخصة 3 سنين وموتورها حالته حلوة جدا من الاخر مش محتاجة اي مصاريف خالص صاحبها طالب فيها 24 الف جنيه ومش راضي يتنازل عن مليم واحد وبيقول انها مرفوعة 10 سنين ياتري السعر ده كتير عليها فعلا ولا مناسب مع العلم اني مبتدئة في السواقة وعايزة عربية متبهدلنيش لإني لسة برده ماليش في حوارات الميكانيكية واشتغالاتهم لإنها اول عربية ليا لحد ماتمكن من السواقة شوية وبعدين ابقي اغير بقي لما ربنا يسهل.

معلش هاتعبكوا معايا بس ضروري تساعدوني في الرد بسرعة قبل مااخد قرار