الموضوع: العربية دي تستاهل السعر ده فعلا ولا لأ ؟ ضروري وبسرعة!!!!!!!

اولا اتمنالك التوفيق فى الشراء...نصيحة لوجه الله ابعدى تماما عن سوق السيارت..الغش فيه كتير اوى اوى و ممكن اوى يلزقولك عربية(99% تجار محافظات شرقية و دقهلية و منوفية) واقفة قدامك زى الفل و هى فيها بلاوى ..و حتى لو معاكى ميكانيكى ممكن اوى يضحك عليه الا لو عنده خبره فى البيع و الشراء مش ميكانيكا بس(يعرف يبص على دواخل العربية و الشاسيه كويس اوى ده غير بصه على الموتور) اشترى احسن سواء من الوسيط او الاهرام و الاحسن منهم النت وفى مواقع كتيرة اشهرهم كونتاكت كارز
تانى حاجه الاحسن من الميكانيكى(لان بتقولى انك لسه جديدة) محطات البنزين المشهورة بالكشف عن العربيات...و اشهرهم كالتكس عباس العقاد و دول بأمانه بيفنطوا العربية كويس اوى و الكشف ب70ج شامل كل حاجه.
اتمنالك التوفيق...بالمناسبة البيكانتو مش حتستحمل خبطتين فى الاول..هاتى حاجه رخيصة تستحمل التعليم و بعد كده بدلى بالبيكانتو





جزاك الله خيرا على الاهتمام Amr_elserbiny
انا ممكن لغاية 48 الف بالسلف ممكن اجيب حاجة بالمبلغ ده ولا احسن حاجة اقل
ياريت تفدنى

المشاركة الأصلية كتبت بواسطة محمدعيسى

بلاش ميكانيكي خالص ما دمتي حضرتك من الهرم في بنزينه شيل اللي فى ش الهرم ممتازة و بتكشف على كل حاجة في العربية من الالف للياء

جزاك الله خيرا استاذ محمد عيسى
بس حضرتك تقصد البنزينة اللى بعد العمرانية ولا اية

المشاركة الأصلية كتبت بواسطة hazem_khidr

الف الف مبروك عليكي العربيه
ربنا يحمهالك و يديكي خيرها و يحميكي من شرها يا رب
و بالراحه عليها كده في الاول و ان شاء الله تكبريها قريب:)


اهلا بيكي معانا في المنتدي
ممكن بس تقولي انت عاوزه عربيه في حدود كام و ايه المبلغ المتاح معاكي و ان شاء الله نساعدك و نشوف اذا كان الافضل ليكي زيرو ولا مستعمل:)

اولا : شكراً للاهتمام
ثانياً:انا معايا فى حدود 48 بس كنت عاوزة عاربية كويسة لانى مش ناوية اغيرها دلوقتى خاااااااااااااااااااااااا ااالص

المشاركة الأصلية كتبت بواسطة birdybirdy

بصي ياستي أولاً ربنا يوفقك في موضوع العربية دي وتشتري العربية اللي يكون فيها الخير ليكي سواء زيرو أو مستعمل يارب.
حضرتك لو بتشتغلي في أي مكان أكيد فيه رجالة عندهم عربيات أو لو بتدرسي أكيد هايكونلك زمايل ولاد برده عندهم عربيات والشباب عموما هاتلاقيهم مهوسيين بموضوع العربيات ده وهتلاقي في منهم كتير فاهم حتى لو مش فاهم يبقي معاكي راجل برده يقف معاكي في موضوع البيع والشرا لإن بجد بنت لوحدها متقدرش تشتري عربية وعن تجربة لإن الناس لما بتلاقي بنت لوحدها ومعهاش راجل ممكن أوي يلبسوها في حيطة عشان معدومي الضمير كتروا أوي وانا اتعرضت لموقف زي ده بس الحمد لله ربنا كرمني والميكانيكي اللي معايا طلع امين وقالي علي حقيقة الموضوع وطلع اللي عايز يبيعلي تاجر وعربيته راشة من جوه وبره مع إنه كان كاتب على النت إنها رشة بره بس. فحاولي تاخدي معاكي راجل لازم. وحاولي تدوري الإول في المعارف والصحاب والقرايب على حد عايز يبيع عربيته لإنها بتكون اضمن شوية من التجار.
لو مالقيتيش عربية بتاعة حد معرفة شوفي النت وشوفي الجرايد واخر حل ممكن السوق بس يكون معاكي ميكانيكي كويس وانتي رايحة عشان تطمني وبعد مايشوفلك العربية ويختارهالك اطلعي بيها على بنزينة برده زيادة تأكيد أينعم هاتدفعي مرتين بس احسن ماتدفعي طول العمر .

بس خلي البنزينة دي اخر خطوة بعد ماتكوني اتإكدتي بنسبة 80% ان العربية كويسة وتستاهل تدفعي اكتر عشان تاخديها لإنك برده لو كل عربية سمعتي عنها روحتي كشفتي عليها هاتغرمي كتير لحد ماتشتري .

انا لما فكرت انزل السوق ناس كتير حذرتني منه عشان التجار ونصبهم ده ولما فكرت انزل فعلا قبل ماخد قرار في عربيتي كنت هانزل بس عشان اشوف رنج الأسعار ايه عشان اشوف صاحب العربية بيتشغلني في السعر ولا لأ
الميكانيكي اللي جابهولي واحد زميلي اتفق معاه على إن لو العربية اللي هانروح نشوفها طلعت حلوة واشترينا ياخد 100 جنيه لو طلعت وحشة ياخد 50 بس حق مشورته يعني وكده.
وفي ناس بتاخد اقل من كده طبعا مهياش قاعدة يعني.
انا العربية اللي سألت عليها دي اشتريتها في لحظة يأس لما لاقيت نفسي عمالة اروح اشوف عربيات وتطلع وحشة وكل مرة مش هاجيب معايا ميكانيكي واديله فلوس كده ممكن فلوسي تخلص شوفان بس من غير ماكون اشتريت :) بس لما الميكانيكي شافها قالي هيا حالتها حلوة فعلا بس صاحبها مغلي عليكي الف أو الف ونص عشان الحالة وظروف البيع لإنه مكنش مستعجل علي بيعها لو عرفتي تنزلي معاه اوكي مكانشي شوفي انتي بقي
بيني وبينك حسبتها لاقيت اني ادفع الف زيادة في عربية فيها المميزات دي:
1- صاحبها واحد انا عارفاه يبقي خال صاحبتي مش تاجر
2- فيها رخصة 3 سنين (يعني وفرلي علي الاقل خالص 500 او 700 جنيه مثلا
3- أخو صاحبتي حلفلي ان حالتها كويسة وهو بيفهم كويس في العربيات وانا برده زيادة تأكيد جبت ميكانيكي بعدي خالص عني شافها وقال كويسة

يبقي اشتريها واخلص احسن ماروح اوفر والبس عربية تطلع فيها بلاوي مدارية.
دي كانت قصتي انا يعني وطبعا الامر يرجعلك في الاول والاخر وعندك بنزينة شيل في الهرم دي بيقولوا عليها كويسة فعلا ممكن تكشفي علي العربية فيها وتعرفي حالتها كويس وانتي بتشتري.
وربنا يوفقك يارب وأهم حاجة دعاء الإستخارة ده تحفظيه وتقوليه في كل وقت تروحي تشوفي فيه عربية ده لو مالحقتيش تصلي ركعتين استخارة قبل ماتروحي وتلحي في الدعاء كتير وثقي تماما انك لاقدر الله لو بعد ماستخرتي واشتريتي طلعت مش اوي زي مانتي كنتي عايزة فهي اقل المصائب ويمكن لو مستخرتيش كانت هاتحصل مصائب اكتر فهمتي؟
واسفة على الإطالة بس قصتي كانت فعلا طويلة :)

اولا:جزاكى الله خيراً
ثانيا : لا أطالة ولا حاجة انا بستفيد اوى من كلامك ومن تجربتك
انا ان شاء الله هحاول اشوف حد من المعارف وبعد كده النت
بس ادعلى بالتوفيق
لحسن لو ادحك عليا فى العربية ممكن يحصلى حاجة

المشاركة الأصلية كتبت بواسطة محمدعيسى

لو هتاخدي ميكانيكي لازم يكون ثقة جدا و ياريت لو معرفة او جار عشان غالبا بيروحو المشوار مع الزبون بيحاولو يطلعو بمصلحة من الطرفين يعني انتي اصلا واخداه فا كدا كدا هتديله و بيحاول هو يلاغي صاحب العربية انه هيمشي البيعة بحيث صاحب العربية يديله اي حاجة
يفضل لو هتاخدي ميكانيكي تخلي صاحب العربية يقابلك في حتة محايدة مش عند بيته عشان الميكانيكي بيبقى معتمد على انه هيرجع لصاحب العربية عند البيت و يطلب منه حلاوة ان العربية اتباعت
الاحسن من دا كله البنزينة اللي قلت لحضرتك عليها عشان فيها راجل متدين و بيقول عيوب العربية بما يرضي الله و الاحسن من الاتنين لو تقدري اعملي الاتنين خلي ميكانيكي يشوف العربية ولو قال اوك ارفعيها في محطة بنزين بس اوعي الميكانيكي يقولك لا مش لازم نرفعها في البنزينة هي حلوة و يحاول يخليكي مترفعيهاش في البنزينة

انا كده كده لازم اخد ميكانيكى بس انا محرفش مكانيكى خاااااااااالص
وبالنسبة لمحطة البنزين انا هروح برضو زياده اطمثنان ان شاء الله
بس ادعولى لحسن الموضوع ده قلقنى جدا
بجد مرسى لهتمامك
ومرسى لكل الاعضاء
ولو حد يعرف ميكانيكى امين فى الهرم ياريت يقولى

المشاركة الأصلية كتبت بواسطة محمدعيسى

انا مش من الجيزة خالص و معرفش فين العمرانية :) بس اعرف اروح البنزينة
هي البنزينة اللي بعد نفق الهرم بحوالي 500 متر على اليمين و نتي جاية من ناحية الدقي و قبلها بشوية في بيتزا كينج

تمام اهى دى اللى انا قصدى عليها ..........الحمد لله دى قريبة منى جدا

جزاك الله خيرا

ياجماعة حد يقولى اية رأيكو فى
هافي / Hafei
لوبو
ABS فرامل, وسادات هوائية, وسادات هوائية لل, تكييف, جنوط سبور, راديو بالكاسيت, راديو سى دى, اقفال مركزى, تعديل المقاعد كه, زجاج كهربائى, مصابيح للضباب, مزودة بكومبيوتر, باور ستيرنج
1100 cc, كم18000, سنة 2005, ليموزين, 5 مقاعد, 5 نقلات, نوع الوقود بنزين, ميتالك, اللون فضى