الموضوع: يــــوكـــــــو .. هاما

أبو حميد

البيت المصري بيقوم على مبدأ ( فلان جاب .. هنجيب زيه )
بمعنى
البيت بيكون تقليدي أوي
أوضة نوم
أوضة أطفال
نيش
سفرة
أنتريه
إلخ.........إلخ

ليه البيت مايتعملش على أد إحتياجاتك بسسسسسسسس

مثلا النيش .. زي ماقلت مالوش أي كتكوت لزمة .
السفرة .. أنا شايف ملهاش أي كتكوت لازمة . . . نعمل طربيزة صغيرة للأكل في المطبخ تكون بتتــني علشان ماتاخدش مساحة

كده(النيش والسفرة) هتوفرلك كام ألف .. مالهمش لازمة غير إنهم من التقاليد
أوضة الأطفال
تيجي أوضة الأطفال .. لما ربنا يسهلك
يعني الطفل لحد سنة من عمره .. بيكون في السرير الصغير في أوضة أبوه وأمه

يعني ممكن تأجل أوضة الأطفال دي .. لو مزنوق ساعة تجهيز الشقة

الأنتريه والصالون
واحد منهم يغني عن التاني ..أنا أساسا - والله العظيم - ماعرف الفرق بينهم إيه
كلها كراسي متبطنة وخلاص

الدولااااااااااب الكبير إلي بياخد حيطة بحالها
أنا مش شايف له لازمة فعلية حقيقي .. غير إنك تخزن فيه الهدوم إلي مش بتلبسها أساسا


.
السرير
لازم يعني يكون كبير وله جوانب خشب عالية ؟؟
لا
دي تكاليف على الفاضي
شوف السرير الياباني .. هتلاقي عبارة عن خشب مربع على مقاس المرتبة..بدون جوانب أو حواف ملهاش لازمة غير إنها تكاليف إضافية

البساطة هايلة
وخصوصا في الأيام السودا إلي إحنا فيها دي


عاوز أسقط موتور ياجدعان .. وداخل على جواز

وخايف أااجل الجواز لحد ماسقط الموتور ههههههههههههههههههههههههه ههههههههههههه