السلام عليكم
هذه الصفحة مخصصة فقط لمالكى سيارات سيتروين
يتم وضع فيها الموديل و تاريخ الصنع و الكماليات و السعر الذى تم الشراء به و من أين و مراكز الخدمة التى تم التعامل معها
عرض للطباعة
السلام عليكم
هذه الصفحة مخصصة فقط لمالكى سيارات سيتروين
يتم وضع فيها الموديل و تاريخ الصنع و الكماليات و السعر الذى تم الشراء به و من أين و مراكز الخدمة التى تم التعامل معها
شكرا يا أخ شاركي على الموضوع ده و معلش استحملني انا فهمي بطئ شوية :D
انا عربيتي AX موتور 1.4 موديل 1998 اخر موديل نزل منها و كان تمنها 42000 جنيه طبعا انا ساعتها كنت صغير فهي كانت سيارة امي و لما طلعت الرخصة اخدتهتا و بنتقاسمها اخويا و انا و اخويا دلوقتي مسافر فهي عربيتي انا لوحدي دلوقتي Very Happy
العربية اكتر حاجة عاجباني فيها حجمها الصغير و موتورها القوي و كمان ان فيها تكييف و تحس انها محترمة كدة مش بنكركر زي العربيات التانية اللي بنفس سعرها دلوقتي.
و انا للاسف مش فاكر اشتريناها منين لان الكلام ده كان من زمان جدا بس تأريبا من عند JAC و بالنسبة للصيانة انا معرفش حد بيصلح AX كويس لغاية دلوقتي بس سمعت كلام كويس عن امير و جوزيف
انا عربيتي سيتروين axموديل 95 1400 سي سي وبصراحه العربيه تحفه و متورها اقوى من البودي دا كمان على فكره احنا اللي عندنا دا المتور العادي دا في متور 1400 سي سي بس 98 حصان بس ايه لعنه لو اتركب على البودي ده ممكن تتطلع من اي عربيه احنا اللي عندنا 75 حصان شوف الفرق ...
من المواقف الظريفه لدرجة الخنقه ان انا اروح بيها اي حته تبقى مشيه تمام بس مجرد ما اروح ميدان الرمايه في الهرم المروحه تأف و العربيه تسخن و المشكله ان انا شغلي في 6 اكتوبر يعني لازم اعدي على الرمايه كل يوم :shock: كل ما اوصل هناك ابتدي اراقب العدادات علاشان متوقع الخيانه في المنطقه دي بالذات :D :D :D
هيا العربية دي احيانا بتلكك كده بتحصل معايا كتيييييرالتلاكيك دي بس هي عربية تحفة و بحبها جدا
يا ريس اتظبطت 8) طلع العيب من التيرموستات غيرتو و بأت مشيا زي السكينه في الحلاوه :D :wink:
هو دا الكلام وللا بلاش.. انت شوفت تيتانيك ؟؟؟؟
سلامو عليكو
انا كان عندى ax 1.4 ولسه بايعها وفعلا بحبها جدا والعربية ممتعة جدا فى السواقة بس اضطريت ابيعها عشان محتاج عربية اكبر عشان الاسرة.
انا حبيت بس اقولكو انا كونت بصلحها عند واحد فى زينهم اسمه محمد الابيض بس للاسف جنب المشرحة لكن هو شاطر اوى وحافظها وعنده حاجتها استيراد.
انا جربت امير وجوزيف مرة بس كان غالى جدا وكمان بعيد عليا.
وحاليا عاوز اشترى zx ان شاء الله بس كان نفسى فى اخر موديل نزل منها اللى هيا الفلاش
حد يعرف اختلافها ايه عن الzx العادية ؟ انا تهيالى انها نفس الموتور ونفس الشكل بالظبط بس مش عارف ليه الفلاش دايما بتحس ان شكلها جديد كده.
وانا مبسوط اوى ان فيه ناس تانية عجباها العربية دى غيرى :)
هشام
الحمد لله ربنا وفقنى واشتريت زد اكس كويسة والحمد لله
هى موديل 96 ولونها زيتى وجبتها ب 32 .
هي الفلاش دي من اول موديل كام
و هل صحيح في مصنع في العبور بتاع ستروين و عنده كل صيانة الستروين؟
انا طارق
عندي ax موديل 95 جايبها من 4 شهور بس ب25
هي 1400 ccو75 حصان
أنا بحب عربيتي جدا بحترمها جدا
وعثرت علي ميكانيكي هايل جنب بيتي في المقطم
وكمن حد بتاع رادياتير هايل
(ملحوظه اللي محتاج حاجه والمقطم جنبه أنا في الخدمه)
بس أكتر حاجه بتدايني أسعار قطع الغيار
بصراحة معذباني ودي مشكلتها اوحيدة انم هيهعربية بالنسبة لسعرها تحفه
طارق
محمد
تهيالى الفلاش نزلت موديل 98 و99 بس وللاسف معرفش حاجة عن مصنع العبور ده.
طارق
الف مبروك على العربية الجديدة وربنا يباركلك فيها ويكفيك شرها.
كويس اوى انك لقيت ميكانيكى كويس بس يا ريت قبل ما تشترى اى قطعة غيار طالما مش مستعجلة يعنى يا ريت تبقى تسال الناس هنا. لا خاب من استشار. والراى لو ما فدش مش هايضر.
هشام
انا اسمى طارق
وجبت Zx من سنة موديل 1997 بـ 28000
وهى عربية ممتازة جدا ونفسى فى الأكساراعجبانى جدا
لا مش فى الوقت الحالى لما يبقى معايا اكمل واجيب الأكسارا
أنا سامر من الهرم
كنت عايز أعرف اخر أسعار قطع الغيار للax وأحسن ميكانيكيه ممكن يصلح هالعربيه وفين أماكنهم و أماكن شراء هالقطع
أرجو الافاده
بلييييييييييييييييييز
أنا عندي عربية سيتروين ax موديل 95 اشتريتها من شهر بـ 20000 و صرفت عليها شوية حوالي 2000 لتظبيط الفرش و قواطيش البطارية و الترموستات و ركبت مرايات جديدة و مروحة قوية جدا صوتها بيغطي على صوت الموتور بمراحل
عندي مشكلة ان بسبب المطبات و الشوارع المصرية الجميلة المكسرة العجلة الأمامية اليمين بقت كل ما تيجي عند مطب أحس ان فيها حاجة بتشخلل و خبط ..
سألت ناس قالوا ممكن جلب مقصات أو بيض مقصات ...
و عايز اشحن التكييف و عايز اعرف حد كويس و سعره حلو في تكييف السيتروين
المشكلة اني ما اعرفش افاضل ما بين الميكانيكية
انا عرفت 3 ...
فيه واحد في المعادي في شارع 77 لو حد يعرفه اسمه الشيخ اسامة
و فيه مهندس اسمه ايهاب في صقر قريش المعادي على الاتوستراد
و فيه واحد في مدينة نصر اسمه محمد في أول الحي السادس
مش عارف اتابع مع مين و ايه المقياس ...؟؟؟
و بعدين برضه قطع الغيار عند مين احسن و أوفر ... و الاكسسوارات فين برضه أحسن حتة
انا لسه جايب العربية جديد بردو ax موديل 96 ومحتاجة تظبيط كتير
بالنسبة لقطع الغيار لو عايز جديد شوف نافع في شارع دمشق ، لو استيراد بقى عليك محمد الأبيض وهارون في زينهم ، او الوكاله او الحرفيين
بس انا كمان عايز اعرف حد بتاع تكييف كويس للستروين ، ولا ينفع اي حد بتاع تكييف يظبطها ؟؟
انا لسه جايب عربية zx بصراحة عربية جامدة جدا بس دلوقتى عاوز اعملها عمرة موتور واشدها شدة محترمة , سالت قالولى مدينة الحرفيين حتلاقى هناك كل حاجة وميكانيكيا جامدين جدا , حد ممكن يفيدنى فى الموضوع ده ؟
الاسم: د. أحمد فوزي
الموديل: ستروين Ax
سعة الموتور: 1360
سنة الصنع: 1996
تاريخ الشراء: أبريل 2007
سعر الشراء: 26 ألف جنية مصري
الكماليات: تكييف، زجاج كهرباء أمامي، سنتر لوك
مراكز الصيانة التي تعاملت معها: أمير وجوزيف (غالي جدا بدون داعي)، أوتو تيك (جسر السويس)، بعض ورش الميكانيكا والكهرباء بمدينة نصر - الحي السادس
المميزات: سيارة صغيرة وممتازة وأصيلة وأمكانياتها أكبر من سعرها
العيوب: قطع غيارها نادرة و غالية الثمن ويفضل صيانتها عند المتخصصين في الستروين فقط
يا جماعة هو سعر ال ax المستعملة وصل كام دلوقتى؟
السلام عليكم...أنا من 7 شهور إشتريت ax1.4مو1994 وكانت عاملة 44000كم وهى عربية ماشاء اللله ممتازة جدا وأنا دكتور بس أخذت دبلوم بالمراسلة فى الميكانيكا الفرنسية عشان كده صيانتها بعملها لها بنفسى وبجد أنصح أى حد بيدور على سيارة صغيرة يختارها بس يدور على الموتور ال98 حصان اللى هو لونه إسود من الجنب والعربية بيكون إسمهاallure+ أو gti فضلا عن ال1800 سىسى ولو حد عنده الموتور ال74 حصان وبيسخن معاه حلها إنه يصنع ريداتير نحاس لإن اللى بتسخن بتكون أساسا نازلة لأجواء فرنسا بس المستورد القديم جاك غلط وجاب شوية منها ضمن العاديين وأى حد عنده إستفسار عن العربية أو قطع غيارها ممكن يراسلنى على mohamedadel73@yahoo.com......والسلام عليكم
انا معايا زد اكس موديل 96 اشتريتهامن اربع سنوات وبحبها جدا عربيه اصيله فعلا مشاكها قليله جدا ومعمره سافرت بيها كثيرا واكثر من مره اروح لاسكندريه وارجع فى نفس اليوم ثباتها على لانها عريضه ولكن لحد 120 كم فقط بعد كده بحس ان المتور بيصرخ شويه لاكن صديقى الى اشتريتها منه كان بيمشى بيها على 160كم بس هو مشتريها زيرو وانا مبجريش اكثر من كده على فكره انا عاوز ابيعا واشترى زيرو برضو الحديث حاجه ثانيه رقم تليفونى 012 /8127232 محمد سمير وشكرا
على فكره لو حد عايز يستفسر من الزملاء على اى حاجه فى عربيته يتفضل وبالمناسبه قطع الغيار متوفره انا عمرى ما دورت ع\لى حاجه وملقتهاش والاسعار معقوه هى مش 128 طبعا اغلى وخصوصا فى الاكسسوارات ولكنا ارخص من الجديد بكثييييير
http://www.sol.net.eg/citroen.html
روح للراجل دة ميكانيكى كويس جدا وهو بتاع قطع غيار إستيراد وجديد كمان
الإسم: محمد يوسف (سيارة والدي بس معايا علطول، والدي معاه شيفروليه:banghead:)
السياره: سيتروين AX
الموديل: 1994 (أول مالك)
اللون: كحلي
المواصفات: تكييف، زجاج كهربائي، سنتر لوك، فل أوبشن
الحاله: حالة الزيرو لأنها كانت مرفوعه طوال السنين اللي فاتت (قراءة العداد في الوقت الحالي 7000 كيلو متر بس)
السلام عليكم جميعا
انا من هواة ال ستروين اكسارا حاليا امتلك اكسارا للمره الثالثه. مع اول علاقتى بالستروين كنت باعانى من التوكيل (عز العرب) بس مع الوقت اصبح عندى خبره فى كل شئ يتعلق بالستروين الاكسارا واعرف اماكن متعدده لقطع الغيار الاصليه والاستيراد وحتى اماكن لعمل الصيانه فى ورش تعمل فقط فى الستروين (اكسارا , Ax, Zx)
على حد علمى كتير من اصحاب الاكسارا الاوتوماتيك بيعانو من الفتيس ومشاكله. انا هاكون سعيد لو اى حد عنده استفسار ممكن اقدر افيده.
سامح عز
انا معايا ستروين ايه اكس
موديل 95
جباره بفضل الله
ممتعه
مريحه
مناسبة الحجم
مساء الخير
انا بفكر اشترى ستروينAX بس لقيت اسعارها متفاوته جدا من 17000 26000 فى موديل 1995 1994
ايه سبب التفاوت ده ؟ وياريت محدش يقول لى على حسب الحاله لان التفاوت الناتج عن الحاله ميعملش الفرق الكبير ده
ده بخلاف ان معظمهم تكييفه عاوز يتشحن معرفش ليه؟
فيه ناس قالت لى ايضا ان اعاده البيع صعبه بس بصراحه انا حابه شكلها وحجمها اكتر من 127 او 128
على فكره انا معى طفلين وهى سياره شخصيه لى
يا ريت لو حد عنده سياره كويسه AX وعاوز يبيعا يبلغنى فى المنتدى بس بجد تكون كويسه بدل المقايله والكلام وفى الاخر تكون مش قد كده
ولو حد عنده اى نصيحه يبلغنى لان كل معلوماتى عن السياره من خلال المنتدى فقط شكرا جزيلا
-------------------------------------------------------------------------
اللون الأحمر مخصص للمشاركات الإدارية فقط
يرجى مراجعة http://www.nilemotors.net/Nile/78489-a.html
مشرف الأوروبى 2
--------------------------------------------------------------------------
انا عندى مشكله كبيره اوى ياجماعه
انا عملت حادثه بالعربيه ستروين ax
موديل 94
وللاسف روحت لسمكرى معندوش دين ولا ضمير عمل العربيه وحش اوى وفيها مشاكل فى الشاسيه ملوح
وروحت لسمكرى تانى محترم بس عاوز اعرف مقاسات الحوض بتاعه الموديل
علشان اظبط عليه عربيتى
اتمنى لو حد يعرف يرد عليا بسرعه
او يسيب رقم تليفونه وانا اكلمه وانا تليفونى رقم 0119315876
الاخ العزيز الاستاذ سامح انا اخوك اسامة زميلك في خب الاكسارا يادوب مشتيها منذ شهرين ومحتاج اخبرتك في خاجات كتير متعلقة بها ارجو التكرم بالاتصال بي علي هذا الرقم 0103338201 والايميل بتاعي هو readme212@gmail.com شكرا جزيلا والسلام عليكم.
إلى كل إللي راكب citroen c4 السيدان فقط أسعار قطع الغيار في عز العرب كالآتي :
1- فانوس أمامي .................1662 جم
2- فانوس خلفي ..................650 جم
3- مراية .......................960 جم
4- إكصدام أمامي ................2100 جم
5- إكصدام خلفي ................2675 جم
6- مساعد أمامي ................650 جم
7- مساعد خلفي ................790 جم
8- مقص ......................1400 جم
9- تيل فرامل أمامي ............550 جم
10- فلتر هواء ................165 جم
11- فلتر بنزين ...............95 جم
12- فلتر زيت .................90 جم
13- سير دينامو ................ 250 جم
14- سير كاتينة ................ 366 جم
15- بوجيهات .................. 250 جم
16- فلتر تكييف ................ 169 جم
17- طنابير أمامي .............. 789 جم
18- مارش .................... 2230 جم
19- طرمبة بنزين .............. 1825 جم
20- دينامو .................... 4495 جم
21- بطارية ................... 575 جم
22- وحدة BSM ( الكنترول + علبة الفيوزات بجوار الموتور ) ........... 2460 جم
23- ردياتير ................2020 جم
الأسعار دي على مسئوليتي من عز العرب الصحراوي بتاريخ 4-1-2010
انا عندي ستروين اكسارا 2 ، موديل 2002، اتوماتيك، العربية فوق الممتازه و موتورها رائع و ثابته على الأرض، بس قطع الغيار غاليه شوية،
انا محتاج كوبلن شمال خارجي لو حد يعرف يساعدني
انا معايا إكسارا من الزيرو موديل 2000
باروح لعز العرب كل 15000كم فى مواعيد صيانتها. سمعت برضه عن حد فى المعادى بتاع سيتروين لكن ماجربتوش. عربية ممتازة لكن الناس و السوق مش مديها حقها
عايز اعرف عنوان الميكانيكى والكهربائى اللى بيصلحوا ستروين اية اكس فى المقطم
أنا معايا C3 موديل 2003
180,000 كم
تم التعامل مع عز العرب (سئ + غالى)
أمير و جوزيف (متوسط + غالى)
مركز صيانه Auto Care (ممتاز + الاسعار ممتازه) تم تجربته أكثر من مره فى مصايب و حلها "الحمد الله"
مكانه فين auto care و ايه فرق الاسعار بينه و بين التوكيل
مش هنختلف كثير عن عز العرب لانه جربته كثير من 2003 و حتى 2006 و ماكنس فيه مشكله بيحلها من أول مره لازم تطلع عينى و ابعت E-MAIL للشركه الام فلى فرنسا و بعدها مدير المركز (المهندس عبد الرحمن يتصل بى) وكدا.....
المركز موجود فى جسر السويس (عمارات الفاروقيه) بجوار توكيل فيتات - أمام محطه بنزين Esso الثانيه اللى بعد سوق القنال - اللى هيروح يقولوا انو من طرف كريم بتاع c3 النبيتى
انا فى مشكله فى العربيه (ميكانيكا + كهرباء) و سايبه يحلها هى عويسه شويه أول ما هيحلها هقولكوا تروحولو فى ايه و تروح التوكيل فى ايه