thanks alot my friend ,i hope u like it
الف مبروك يا معلم...
اهم حاجة مطبات الهوا اتحسنت؟ بنسبة اد ايه؟
ماشاء الله مبروك عليك وربنا يحفظك ياباشا
سؤال ياباشا انا عربيتي فيها الميزان الخلفي ده نازل فيه اصلا (دايهاتسو سيريون ) هل لو ركبت الميزان الامامي اللي فوق بس هيفرق ولا هتبقى فلوس في الهواء و لازم كل الحاجات دي تركب مع بعض ؟
السلام عليكم
منور الموضوع يا غالى
الله يبارك فيك
مطبات الهوا اتحسنت فعلا شويه بس مش عارف النسبه بصراحه .بس ممكن قابلك و تركب معايا و نجرى على حته فيها مطبات هوا فى الدائرى و تشوف بنفسك .
احساسى انا انها كانت الاول بتلب جامد فى مطبات الهوا على السرعات العاليه .
دلوقتى على السرعات العاليه كانى ماشى مثلا على 60 تقريبا
يعنى هتحس بمطب الهوا بردوا .بس مش هتتخض منه جامد .يعنى هتحس بالمطب بس اقل من الاول بكتير و افضل .
بقولك تعالى نعمل مقابله صغيره كده و و نتقابل و نجرب و نشوف .
كلمنى على الخاص و نظبط ان شاء الله
مبروووووووووك ... بس بردو ما تطمنش اوي احتياطي ........ ثانيا ياريت لو حضرتك تعرف اسم الشحم الابيض ياريت تدلنا
الله يبارك فيك و يحفظك
و الله ممكن تدخل على موقع الشركه و تتفرج بنفسك على البارات المناسبه لعربيتك و تشوف .
و تاخد القرار .
بالنسبه لى انا .
انا كنت هشترى 3 بارات فقط ب 2000 جنيه .و لقيت الراجل ده بيبيع 5 ب 2350 فاشتريت الطقم كامل .
و انا شايف كده افضل لى بصراحه .بدل ما ادفع 2000 فى 3 ادفع 2350 فى 5
و الا انت اه رايك
لو انت كنت مكانى تعمل اه
؟؟؟؟؟؟؟
طبعا البارات ممكن تركب لوحدها
يعنى ممكن تركب من بار لوحده الى 5
و خلى بالك فى بارات وظيفتها الحمايه فى حالة الحوادث فقط و ملهاش دعوه بالثبات .يعنى فى كل عربيه هتلاقى بار او اتنين من دول .
البارات اللى بتاثر فى الثبات هى اللى بتمسك العفشه .بتمسك السوست او المساعدين او المقصات او اى جزء من العفشه
بس طبعا لما بتركب كل البارات مع بعض ممكن تعمل شغل اعلى مع بعض .
و الله اعلم .
بس كدة غاليين قوى
اية المشكله لو حاولت اعملهم عمولة
تفتكرو ايه الفرق
هل فية فنيات معينة ولا اية الفكرة فى غلو اسعارها
هما فعلا غاليين بس على فكره هما اصلا سعرهم ال 5 بارات 2750 جنيه و بعد تخفيض ال 10% بتوع انك بتشترى كيت كامل .بقوا ب2475 و بعد تخفيض ال 5 % دى منه هو عشان كنت هشترى كذا كيت لى و لاصحابى فعمل تخفيض لينا و بقى سعر الكيت 5 باراات 2350
و فى بار سادس بعت اجيبه من برا شحن و هيعمل فى حدود 500 تقريبا
لو حاولت تعملهم طبعا ارخص و مفيش مشاكل بس لازم تعملهم بحرفنه و نضافه و عند حد خراط محترف و بعد ما تاخد المقاسات و خلافه و تنقى ماده معينه سواء صلب او المونيا لازم تطليه ضد الصدا لو صلب
و كمان هتراعى نقط معينه .
انك تعملهم بطريقه معينه مجوفين و بسمك معين مدروس كويس عشان فى حالة الحوادث يتقطموا و ميضروش الشاسيه و ميعوجهوش لانهم لو فضلوا مسكين و الشاسيه اتنى .كده الشاسيه راح فى داهيه
و يكون وزن البارات دى خفيف و ميزودش وزن العربيه و ميزودش الحمل على الموتور .
هتضطر ترفع العربيه و تاخد مقاسات و توجع دماغك و تكلف نفسك و ممكن يطلعوا حلو و ممكن اى كلام و بالعكس يضروا العربيه فى اى ترييحه او حادثه .
لو عرفت تعمل ده كله و حاولت تقلد الاصلى يبقى تمام .
1-الاصلى بيمسك الشايسه من حته معينه و بيمسك العفشه من حتت مدروسه .لو فى لعربيتك بارات ممكن تدخل الموقع و تغش منها عادى جدا
2- الاصلى الهدف منه انه يمنع المرونه اللى بتحصل فى الشاسيه و بكده بيقويه و بيخليه ميفتحش .
3- بعض البارات بتامن العربيه فى حالة الحوادث الشديده و بعضها مفرغ و بعضها مصبوب و مليان من جوا
4- للحفاظ على الشاسيه انه ميتعوجش اللحام نفسه بيفك او بيقطم عشان يحافظ على الشاسيه .و ده نوع لحام معين و انا معرفهوش بصراحه .
5- بتبقى معموله من مواد معينه و بتدهم خلطه مانعه للصدا و بتبقى معالجه ضد الصدا .و بتدهن فى الاخر لو جميل ابيض و استيكرات و كده و شغل نضيف .
بمعنى لو عترت على خراط جامد و خبير و اشتغل فى الحوار ده قبل كده و تجيب صور البارات من على النت و تاخد المقاسات و تعمل المقايسه و تنقى الخامات و تلحم و تقص و تظبط و تجرب و معاك ربنا
و بعد كل ده هتلاقى نفسك موفر مثلا 500 او 800 جنيه بالكتير اوى عن الاصلى و الله اعلم .ده غير الشكل الوحش و كمان مش هتعرف تبيعهم لما تيجى تبيع العربيه لوحدهم .
و الله اعلم .
قليل انك توفر 500 جنية بس
دة انا بقول ممكن يتكلفو اقل من 500 جنية
واللة اعلم
بس هاحاول اعمل اللى بيركبو على المساعدين من فوق فى الشنطة والكبوت دلوقتى
البارين دول فقط ممكن يتكلفوا مثلا 500 لو المونيا
لو حضرتك متعرفش يا ريت تنزل تسال اسعار المواد الخام كام غير المصنعيه .لان الالمونيا غاليه و مش رخيصه
كمان لو هتمسك المساعدين من فوق عشان الشاسيه ميفتحش من فوق .يبقى هيفتح من تحت .يبقى لازم تعمل من تحت كمان عشان الشايسه ميفتحش منك لتحت .
و الله اعلم
الاسعار مش متاكد منها بصراحه .انزل عند اى خراط عندك و شوف اسعار الحجات كام .لان خلى بالك لو هتعملهم المونيا كل ما السمك بيزيد السعر بيزيد
و لو هتعمل المونيا لازم على الاقل تعمل ضعف سمك الصلب عشان تديك نفس المتانه
و الله اعلم
انزل شوف الاسعار و ابقى قولنا اه الاخبار و متحرمناش من معلوماتك
عاش يامحمد بيه عاش
الف مبروك وربنا يديك خيرهم ويكفيك شرهم
هدى نفسك ياحج بقا متسخنش زيادة
السلام عليكم
العربية عندي فيها تزييق فى الصالون حتى بعد تربيط العفشة فهل تركيب البارات ممكن يقلل الموضوع ده
السلام عليكم
احمد باشا حبيبى .عامل اه .
منور الموضوع يا غالى
و اطمن على انا اصلا هادى بس بصراحه من ساعه ما ركبت البارات و انا حاسس انى ركنى و ركب العربيه قبيلة عفاريت .بقيت بجرى بدون سبب و اخد غرز موت بدون سبب فى اماكن مينفعش فيها الجرى اصلا .و كنت هلبس لبسه و الله لو اعدت اوصف فيها ممكن تقول على انى اغبى واحد تعرفه و انى مبعرفش اسوق .و ربنا و الله هو اللى ستر انا قلت و الله انى هلبس هلبس .بس الحمد لله .عموما بحاول اقلل من ركوبى العربيه عشان لحد ما الجنونه تهدى شويه .
ربنا يستر
انا بس عاوز اقول لكل اللى عاوز يشتريهم .قبل ما تشترى تعالى شوفهم و جرب العربيه معايا لو حسيت بفرق يبقى توكل على الله و اشتريهم و لو حسيت انهم زى قلتهم يبقى تجيب سوست تهبيط العربيه افضل فى تزويد الثبات .
و الله اعلم .
انا عوزك مثلا تاخد مطبات الهوا على سرعه معينه و تحفظها و تحفظ اداء العربيه فى الحته دى و نطلع نجرب بعربيتى و لو لقيت فرق يبقى تمام .
انا اقصد قبل ما تشترى جرب الاول .
و ربنا معاك
يا باشا الموضوع مشروح باستفاضه من زمان فى قسم التعديل .امال انا فهمت و عرفت الحجات دى منان ؟؟؟؟و كمان قرات كتير اوى عنه فى النت و كده .و قرات للناس اللى مركباه و شوفت تعليقاتهم عليه و كده .و عجبونى و نزلت اشتريت و ركبت و الحمد لله
و الله اعلم
انا تحت امرك فى اى معلومه و منور الموضوع
و السلام ختام
السلام عليكم
حضرتك التزييق اللى فى الصالون ده ليه اسباب كتيره .
بس عموما تربيط العفشه او البارات مش من اسباب زوالها .
1-حضرتك مثلا ممكن تكون مركب ستاير كبس او غيرها هى اللى بتعمل الصوت ده
2-ممكن لو انت فرش العربيه جلد تلاقى لما تقعد او انت وزنك او وزن الى بيقعد جنبك كبير شويه فالجلد بتاع الكرسى بيفرش و بيحك فى الجلد بتاع المسند اللى على يمين السواق و هو بردو جلد .فطبيعى انه يزيق (جلد فى جلد )
3-كمان لو حضرتك سمكرت او رشيت الابواب .ممكن يحصل صوت تزيق او صوت معين كده ؟؟؟ليه بقى ؟؟؟عشان بين الصاج و بين بارات الحمايه الكروسات بيبقى فيه ماده بتمنع الاهتزاز بين صاج الباب الخارجى و البارات المدعمه للباب و ده مع السمكره و الرش بيبوظ و بيفك و مبياديش وظيفته و بيحتاج انه يتشال و يتغير بغيره بماده شبه السيليكون كده .و ده ممكن يحل من غير ما ترش او تسمكر كمان .هو ان الماده دى نشفت او حجرت و فصلت من ناحيه واحده .و هتلاحظ الصوت ده اوى و انت بتقفل الباب سواء فى القفل او لما الباب يترزع مثلا .
الشرح فى الصور:
http://a4.sphotos.ak.fbcdn.net/hphot...73889825_n.jpg
http://a1.sphotos.ak.fbcdn.net/hphot...98625675_n.jpg
http://a7.sphotos.ak.fbcdn.net/hphot...61983285_n.jpg
و اظن ان الماده دى موجوده عند شركة 3m هنا فى مصر
لو كده ممكن نتفق كلنا و نروح نشتريها لانى اظن الانبوبه تكفى كذا عربيه .ممكن نتجمع و نشتريها و نركبها مع بعض فى يوم واحد عند متخصص واحد .و لو انت وكيل روح لهم و هما يعملوهالك غصب عنهم و فهمهم انك فهم .(ابو رواش)
4-ممكن كمان تكون فتحة السقف بتعمل صوت او الشماسه .
الحل :
http://a8.sphotos.ak.fbcdn.net/hphot...86158014_n.jpg
http://a2.sphotos.ak.fbcdn.net/hphot...08457287_n.jpg
http://a3.sphotos.ak.fbcdn.net/hphot...21179203_n.jpg
http://a5.sphotos.ak.fbcdn.net/hphot...00863219_n.jpg
http://a7.sphotos.ak.fbcdn.net/hphot...41183352_n.jpg
تحاول تشوف البلستكه اللى بتمسك الشماسه مسكه كويس و الا متلخلخه كده .و ممكن انت تثبتها باى شىء .
انصح حضرتك تاخد جوله كده ى الموضوع ده هيفيدك كتير ان شاء الله فى كل اغلب مشاكل السيراتو .و حلها ان شاء الله بسيط
http://www.nilemotors.net/Nile/245314-a.html
و الله اعلم
السلامعليكم
ممكن حضرتك تفك المكان اللى ماسك حافظة النضاره و لمض فتحة السقف و تزنقهم بحتة كوتشه او كرتونه رفيعه كده و تشوف .
و كذلك ممكن تشيك على الماده اللى بتلزق الابواب زى ما انا زكرت
بس عموما بقى سؤال لان حضرتكموضحتش ان الصوت جاى منين بالظبط و كمان بيجى اسناء السير او اللتوقف او المرور على الطرق الغير متويه و الا فى الملفات و الا اه؟؟؟؟؟؟؟؟؟؟
لازم توضح عشان نعرف نحدد و كمان الصوت ده صوت اه و جين منين و اه سببه
.
بس عموما الحجات اللى قلتهالك دى من موقع التوكيل بتاع كيا فى كوريا يعنى المصنع اللى عمل العربيه و البعض الاخر من تجاربى و تجارب الاعضاء .
عموما حاول تدخل على الموقع ده و تقرا كتير فيه و انت هتفهم كل حاجه لوحدك
http://www.kiatechinfo.com/
و الله اعلم
فعلا موضوع اكتر من رائع
وفعلا استفدنا منه كتير
وربنا يكرمك في عربيتك ويبعد عنك (العين)
انا بس ليا استفسار منك وياريت تهتم بيه
انا من الاسكندريه ومعايا فيرنا 1600
وكنت عايز منك تستفسر ليا ولكل ملاك الفيرنا عن البارات بتعتها الي هيا 3قطع الي حضرتك زكرتها وحطيت صورهم
عن سعرهم وهل يمشوا معل الموديل الي في مصر لان بره العربيه 1500
فممكن المقسات متكنش مظبوطه مع قواعد الموتور 1600
و لو ممكن تليفون المحل لو حد عايز يستفسر بنفسه
ولك جزيل الشكر:inlove:
ربنا يخليك و يكرمك على زوقك
مشكور كتير على الدعاء الجميل
حضرتك ممكن تتصل بالمحل و تساله عنها و هما هيفيدوك اكتر منى
انا مجرد بس جبتلك صورهم فقط انما انا معرفش هل فى فرق فى العفشه و قواعد الموتور و او لا
الله اعلم
هضرتك اتصل و استفهم منهم على البارات براحتك و اسال زى ما انت عاوز و هما هيرودوا على كل استفساراتك . لانى سالتهم كتيييييييييييييير ههههههه و رحتلهم كذا مره قبل ما اشترى .
و الحمد لله تمام و هما معاملتهم معايا كانت كويسه .
بياناتهم دى :
انا شارى الكيت 5 بارات من عند مؤمن فى بور زون
26, abdallah ibn al taher, El Nasr City, Egypt
01006138828
و ممكن تدخل على صفحتهم على الفيس بوك
تعمل سيرش بالاسم و هتلاقيهم ان شاء الله و تسال و تتفرج على اللى انت عوزه
power zone
الكلام دة مبالغ فية لان شغلة البارات مختلفة تماما عن شغلة الرول كيدج
انا كواحد جوة عربية بتتقلب على سرعة 160 مش هيفرق معايا مدى صلابة الشاسية و مقاومتة للانفتال و الانحناء او درجة ميل جسم العربية فى الملفات... اهم حاجة ان جسم العربية متفعصش بيا و يحولنى لكفتة... دة دور الرول كيدج اللى بيعتبر دعامة لكل قايم من قوائم العربية و بالتالى بيحافظ على الحيز اللى فية السواق و الركاب من ان حجمة يصغر و السواق يتفعص جوة العربية...
قوانين الرالى بتحتم ان الرول كيدج يقدر يتحمل مرة و نص وزن العربية لضمان توفر عنصر امان للمتسابقين بالرغم من اننا بنتكلم فى سيارات سباق يعنى شاسيهتها اصلا قوية و راكب فيها دعامات الا ان كل دة لا يغنى عن وجود الرول كيدج لان تقوية الاجزاء اللى بتتحمل وزن العربية ملهاش علاقة بالحفاظ على كابينة السائق و الركاب
MMamdouh
السلام عليكم
منور يا استاذ محمد
كلامك سليم طبعا .
و انا منفتهوش .
و لكنى بقول ان الموقع بتاع البارات هو اللى بيقول كده .و للمعلوميه هى فعلا ليها دور فى الحوادث فى الحفاظ على الركاب .لكن طبعا مش زى الرول كيدج .فى فرق السما من العما و لكن ليها دور .انها تقلل من الاصابات .
و عربية السبق مبتتقلبش على 160 .دى وش بتتقلب على اكتر من 250 و انت طالع .لانها لو اتقلبت على 160 متبقاش عربية سباق اصلا امال فين الثبات و الحجات اللى بيعدلوها و بيهبطوا العربيه على الارض .فطبعا لازم الرول كيدج ليهم .
انما عربيات الركاب ممكن تتقلب من 160 و انت نازل و ممكن لحد ال 90 مثلا .و الحادثه على السرعه دى مش زى حادثه على 250 او 300 مثلا زى عربيات السبق .و عربيات السبق الطريق بيبقى مرايه و مفهوش غلطه عشان يتقلب على سرعه بطيئه
لكن العكس فى الشارع العادى ممكن تتقلب على سرعه بطئه بسبب مشكله او حفره كبيره او مطب هرمى فى الطريق .
الخلاصه:
انا متفق معاك فى كلامك و لكن
البارات لا تساوى الرول كيدج طبعا .
و لكن ممكن تقول حاجه من ريحتها .
و عموما فى تعديل بيتعمل فى الكابينه زى الرول كيدج بس بطريقه جديده زى اللى بيتعمل فى البى ام
لو حضرتك مثلا شفت بى ام حديثه نصين .عوزك تبص على القايم المقصوص هتلاقيه مليان فوم مخصوص لتقوية الشاسيه و القوايم .
بمعنى لو حضرتك جبت ازازه ميه و قفلتها كويه و حاولت تفعصها .هل هى هتتفعص بايدك عادى زى ما انت ممكن تفعصها و هى مفتوحه .؟؟؟؟
اكيد لا .
فانت ممكن تفك فرش العربيه و تحقن الشاسيه و القوايم فوم مخصوص زى بتاع البى ام كده و شوف النتيجه
1- تقوية للشاسيه و تدعيم . و( اكيد مفيده فى حالة الحوادث)
2- هيعزل الصوت و الحراره اكتر
3- الثبات هيزيد لانك نشفت الشاسيه و القوايم و منعت الحركه فيهم بنسبه كبيره .
عموما مش هنختلف و انت بتفهم اكتر منى و اقدم منى فى العربيات .و اتعلمكت من مواضيعك الكتير بصراحه .و مقدرش انكر فضلك .
و انا سعيد بالمناقشه معاك جدا .و اتعلمت منها كتير .
و يا ريت متكنش زعلان او حاسس انى ببالغ لانى قرات الكلام اللى فى موقع الترا ريس و قولته و لكن مكنش قصدى المبالغه .
و السلام ختام
و الله اعلم .
السلام عليكم
البارات مش هتحل مشكلة الاصوات اللى داخل الكبينه طبعا و ملهاش علاقه بيها
و اسبابها كالاتى .
1- من فتحة الشقف هتتفك و تتظبط على الخلوص و المقاس المظبوط و تتربط و خلاص .
2- من الابواب هتعملها زى ما قلتلك ب 3m فوم ميكس .
3- من الشماسه بتتثبت لو متثبته كويس باى حاجه .
4- من الدرج اللى قصاد الكرسى اللى جنب السواق . ممكن تكون فى اى حاجه سايبه جواه .
5- من كوتشات الابواب و الزجاج (تمشى عليهم بحته مبلوله ميه سخنه هيلينوا ) لانهم ممكن يكونا نشفوا و بيزيقوا .
يا ريت تذكر اه نوع الصوت و بيجى من اى ناحيه فى الكابينه .عشان نحدد .عشان فى اصوات تانيه و ليها حلول تانيه .
و الله اعلم
يا ريت تكتب سعرهم وعنوان المحل الي بيبعهم
وشكرا
يا جماعه من خلال تجربتى لفتره مش صغيره البارات دى احب اقول نصيحه .
بالنسبه للسيراتو .
متشتريش غير 3 او اربع بارات بالكتير .لان فى 2 بيحكوا فى المطبات و انت محمل .
اشترى اى بارات غير اللى بيركبوا قدام تحت .مع انهم بيظبطوا الاداء كويس جدا جدا و لكن طلعوا عينى مع المطبات .
و الله اعلم
جبت 5 بارات ب 2350 و السادس ب 420 يعنى =2770 =6 بارات فقط .
لو عاوزين نصيحتى ركبوا عفشه اسبور احسن بكتير و انعم و اثبت و افضل نوع للسيراتو و الله اعلم هى ال hsd الارتفاع بتاعها و تتحكم فى النعومه و النشوفيه بتاعتها .
و فى سوست ايباخ سبور او ARK سوست و لكنها بتهبط العربيه جامد من 3 سم الى 4 سم و ده ممكن يخلى العربيه تحك منك فى المطبات .
احسن حاجه عفشه اسبور او تسيبها كده ستوك
و الله اعلم
اسم المحل بور زون power zone اسم صاحب المحل مؤمن .و هو راجل محترم جدا و فاهم و صبور و اخلاقه عاليه .عنوانه خلف صيدليه افريقيا فى مكرم عبيد تقريبا .
و انصح بالتعامل معاهم عموما لانهم اسعارهم كويسه جدا و محترمين و صبورين و مش بيتنكوا على حد خالص زى بعض المحلات التانيه .
السعر كام ياباشا
تقرير زي الفل