السلام عليكم جميعاً .

انا كتبت مشاركتي امبارح بالليل ومردتش الا دلوقتي عشان كل الناس المشاركة في الموضوع تاخد وقتها واكبر عدد يقراها وكل واحد يرد براحته .

اولا انا متابع جميع المشاركات الخاصة بالقشقاي من ساعة م بدأت ولا اشكك في كلام احد سواء بتجربة العربية او رأيه فيها بل بالعكس استفدت من كل الأراء واستاذ Sehsss لما جرب العربية شوفت الموضوع وقريته زي كل المواضيع وانا كنت برد على جزئية انه اول واحد جربها في مصر هل كده انا بشكك في كلامه انا قولت اني جربتها وسوقتها قبل موضوع التيست ده بكتير جدا يبقى مش هو اول واحد جربها ولا حاجة و يمكن مش انا كمان وذلك لعدم الألتباس .

ثانيا موضوع الشراء الأضطراري وهذا لا يرضي احد كل واحد مسئول عن اختياراته وقراراته ومحدش بيضرب حد على ايده

ثالثا انا اقبل ماتكلم عن الأوبشنز اللي هي (تويز) اتكلمت عن موتور القشقاي الصغير يدوبك على قدها ثم فتيس مانيوال ادى الى عدم بيع العربية بالشكل المتوقع نظرا لأحتياجات السوق المصري المتزايدة لسيارات اوتوماتك ثم ذكرت العفشة السيئة بالنسبة لي يعني اتكلمت عن اساسيات ثم اوبشنز من وجهة نظري

رابعا انا علقت على الأوبشنز عشان الناس بتسأل هل الكماليات تساوي ال 35 الف عشان كده سردتها وده بالنسبة للسبورتاج من اول فئة الى الهاي لاين وعشان كده لما بنقارن القشقاي الأوتوماتك ( 175 الف ) هانقارنها بالسبورتاج الفئة الأولى واللي تعتبر ارخص بألفين جنيه (173 الف) و القشقاي المانيوال ب 160 الف وفرق ال 15 الف دول يعتبر منطقي لأن اي عربية مانيوال الفئة الأولى الأوتوماتك منها بتزيد عن المانيوال 10 الاف على طول ان ماكانش اكثر قارنهم كده ببعض وهتلاقي ان القشقاي افضل ككماليات اللي هي ( تويز ) لكن السبورتاج افضل كأساسيات ( موتور ولو ببنزين 95 وفتيس كمان ) مع العلم ان فتيس القشقاي لم يختبر بعد مع هذا الموتور العادي في مصر وكذلك الوسع الداخلي والشنطة لصالح السبورتاج وكذلك الشكل من وجهة نظري لصالح السبورتاج

خامسا العربيات اللي بالحجم والتصميم ده لو بموتور عادي مابتقلش عادة عن 2000 سي سي ان ماكانش اكتر عشان كده لأزم نحط شواحن جبرية اللي هي التربو على ما اعتقد زي الباسات والجيتا اللي ماشية بمواتير 1400 ( تي اس اي ) وبرضو بنزين 95 واخر اعلان لفولكس في جرنال الجمعة اللي فاتت كاتبين مع امكانية استخدام بنزين 92 ويفضل 95 ونفس الكلام مع موتور ضخ مباشر زي السبورتاج عشان تطلع القدرة والعزم الكافيين لهذة السيارات بدلا من موتور 2000 سي سي حجمو اكبر واثقل وثمن السيارة هيعدي 300 الف جم , هتلاقي القشقاي لم تستخدم ولا تربو ولا موتور جي دي اي او اي تكنولوجيا جديدة خاصة بها وحطت موتور 1600 118 حصان ليه مش عارف يبقى مين افضل كموتور وعزم على فكرة السبورتاج ال 2000 سي سي فور باي فور وفيه منها بتربو كمان ولم تستخد الموتور ال 1600 في الفور باي فور .

سادسا جميع من شاهد التقرير الخاص بعربيتي اشاد بحياديتي واسلوب ردي مع جميع المشاركين ورديت على جميع الأستفسارات والأسئلة بمنتهى الأمانة والصدق ولم اتهكم على احد او احجر على راي اي حد وعرضت عربيتي للتجربة اكثر من مرة عشان محدش يقول متحيز لعربيته وينقل تجربته للناس عشان اللي عاوز يسمع راي حد ساقها ولا يكون من ملاكها او عايز يجربها قبل من يشتريها فمش من المنطقي اني اجي بين يوم وليله واتحيز ليها ضد القشقاي رغم سابق اعجابي الشديد بالقشقاي و انا رديت بقوة شوية عشان لقيت انتقاد وهجوم غير مبرر واراء وهمية عن السبورتاج في قسم نيسان المحترم زي بطه وكلام يزعل وخلافه بدون ما يجربها اوبختبرها ما بالكم بقى انا معايا السبورتاج وسوقت كمان القشقاي كتير جدا وبالمناسبة في الموضوع اللي احنا فيه ده واحد بيقول عليها ( جمل حامل ) وكمانال 2000 سي سي ماشي برضوا رايه ويحترم والجمل ده برضوا سفينة الصحراء .

سابعا كيا لم تعلن عن تست درايف ورجعت في كلامها ولما تذكر في موقعها عن معدل الأسنهلاك الفعلي للبنزين ده شيئ كويس ومحترم ومققلش من نسبة المبيعات ولا حاجة وانا ذكرت فرق المبيعات بين القشقاي والسبورتاج لحد دلوقتي ولسة الأيام هتثبتلكوا مبيعات الأتنين هتبقى ازاي وابقوا فكروني بالكلام ده لوغلطان ان عشنا وكان لينا عمر .

ثامنا عفشة ايه اللي رديئة في كل موديلات كيا انا ماسمعتش او قريت في كل المنتديات او عند الميكانيكية عن حد اشتكى من عفشة سيئة غير السيراتو جنط 17 وبعدين السبورتاج والقشقاي كاتيجوري ومستوى تاني خالص مع التحفظ على العفشة الخلفية للقشقاي بالنسبالي ( الحمد لله الذي رزقنى هذا ).

تاسعا موضوع ضفيرة الصني والعزل وخلافه وعيوب التجميع المحلي دي كلها مذكورة في قسم نيسان من ملاكها وبالصور وكلام مهندسي توكيل نيسان مش بالف يعني .

عاشرا بالنسبة لعربيتي عيوبها ذكرتها في تقريري واكتر حاجه مضيقاني فعلا صوت الكاوتش على الأسفلت الخشن وصوت الهواء مع السرعات العالية لكبر حجم المرأة وعزلها الصوتي وليس الحراري مش ممتاز ياخد جيد مرتفع وموضوع العزل ده ليه حل بسيط جدا هعملوا مستقبلا واستهلاك البنزين بعد 10000 كم استخدام يتراوح مابين 9.5 الى 11.5 لتر حسب الأستخدام ويزيد شوية بسيطة لو معدي سرعة 120 كم / ساعة

اسف جدا على الأطالة ........ وياريت لو حد ليه استفسار عن السبورتاج وليس القشقاي يكتبلي في موضوعي او قسم كيا

وتقعدوا بالعافية على رأي نجم قسم نيسان العضو المحترم SonaSteel والسلام عليكم ورحمة الله وبركاته