رابطة مالكي الElantra من 2007 الى 2011

**mahmoud_afifi** · 12-09-2013 05:48 PM

المشاركة الأصلية كتبت بواسطة mhdeeb

اشكركم جميعا لتعاونكم معنا خلال الفترة الماضية بحب وتعاون جميل

واخبركم بان الالنترا اللى كان فيها مشكلة في التكيييييييييف بالكشف عليها في التوكيل افادوا بأن فية مشكلة في الموتور ويحتاج شغل كتييييييير وضعيف شوية مع ان مش باين عليه بصراحة في السرعة زى الفل المهم رجعت العربية لصاحبها والحمد لله على كل حال وانا دلوقتى بدور على عربية الالنترا او ميتسوبيشى والا رايكم اية ياريت تفيدونى احسن انا محتار حيرة السنين ولو حد عنده عربية كويسة ياريت يقولى عليها ورقمى 01226601434

احنا تحت أمرك يا باشا وكل الرابطه و الحمدلله انك قدرت ترجعها وتاخد فلوسك.
الاختيار ما بين لانسر او النترا صعب بصراحه. الاتنين محترمين خاصة لو كانت اللانسر 1600.
لو صادفت و لقينا حاجه كويسه هنقولك ان شاء الله

**roland_yamaha** · 12-09-2013 09:42 PM

محدش يعرف الكاوتشة دي اسمها ايه؟ اللي راكبة علي اللوك بتاع الباب
وألاقيها بتتباع فين؟

وهل كل الالنترا مفيهاش ولا هي واقعة عندي

**mahmoud_afifi** · 13-09-2013 12:57 AM

المشاركة الأصلية كتبت بواسطة mhDeeb

ربنا يخليك يا استاذ محمود ودعواتك

ربنا يكرمك ان شاء الله

المشاركة الأصلية كتبت بواسطة roland_yamaha

محدش يعرف الكاوتشة دي اسمها ايه؟ اللي راكبة علي اللوك بتاع الباب
وألاقيها بتتباع فين؟

وهل كل الالنترا مفيهاش ولا هي واقعة عندي

لأ كلهم مافهمش. انا كنت شوفتها في موقع ebay انما مش موجوده في مصر

**mahmoud_afifi** · 13-09-2013 02:14 AM

المشاركة الأصلية كتبت بواسطة bahy55

السلام عليكم
اولا انا اخوكم م/ بهــاء اتمنى تقبلونى عضو ف الرابطة الجميله دى بما انى من ملاك الوحش النترا

ثانيا انا عندى مشكله
انا معايا النترا 2008 خليجى وفى صوت تكه ف الدركسيون بسمعه وانا واقف او وانا ماشى سرعه خفيفه لما بجيب الدركسيون يمين وشمال بسمعه والدركسيون ناحية اليمين تكه خفيفه كده مش عارف اوصل دى من ايه . ارجو الافاده لانى بدات اقلق ومش عارف ده ف الدركسيون ولا الكبالن لو فيها حاجه ممكن اسمع الصوت ده .
وشكرا

عليكم السلام ورحمة الله
منور الرابطه يا باشمهندس بهاء :)

بالنسبه للصوت ياريت تراجع الموضوع ده http://www.nilemotors.net/Nile/367757-2008.html

هو عامة مش حاجه مقلقه ان شاء الله

**mahmoud_afifi** · 13-09-2013 02:41 AM

المشاركة الأصلية كتبت بواسطة adel1982

عربيتى النترا 2008 ولسه جايبها وعايز اجبلها دى فى دى تاتش فيه gps بخرائط مصر .. ممكن حد يفدنى بسعره الان فى سوق التوفيقيه وياريت لو لنك بتاعه على الانترنت وهل فيه كذا نوع ؟؟

الف مبروك يا باشا ربنا يباركلك فيها. بالنسبه للشاشه في انواع واشكال. انا جبت نوع بالفريم بتاعه بس من غير GPS كان ب2100 والي بالGPS بتاعه ب2700. الكلام ده من سنتين. دلوقتي الانواع الاحسن منه الي كانت ب3100 واكتر بقت ب2700 على الاقل.

ودي مشاركة بتاعتي كتقييم عن الجهاز http://www.nilemotors.net/Nile/3874096043-post10.html

بس عاوز اعدل عليه نقطه واحده ان نقاء الصوت بتاع الDVD اقل بكتير من الكاسيت العادي. بس مش عارف يمكن يكون عشان النوع الي جايبه مش قد كده.
على العموم هتلاقي الانواع الكويسه عند السجان او الشركه اليابانيه الي في ميدان الحجاز. وفي نوع اسمه Motevo الناس بتشكر فيه.