مجلس الشعب :اقرار تعديلات قانون المرور: 20 عاما اقصى عمر لسيارات الاجرة وصندوق اسود ل

**AhmedGen2** · 03-06-2008 01:59 AM

ولعها ولعها ...

**Ahmed Anwer** · 03-06-2008 02:11 AM

المشاركة الأصلية كتبت بواسطة goldenfish7

7:عاقب كل من اقام مطبا صناعيا دون ترخيص او اغلق مكانا او اقتطع أو احتجز أو منع استخدام جزء من نهر الطريق بشكل يؤدى الى تضييقه أو اعاقة المرور بالحبس مدة لاتقل عن سنة وبغرامة لاتقل عن الف جنيه ولاتزيد عن ثلاثة الاف أو باحدى هاتين العقوبتين وتضاعف العقوبة عند العود لارتكاب الفعل خلال سنة من تاريخ الحكم النهائى بالادانة.

أحسن بند في القانوا الجديد ،،

يا سلام لو يتنفذ ،،

ده احنا بلد غريبة مالهاش صاحب ،،

اللي عايز يعمل مطب من تصميمه و اخراجة قدام بيته يعمل ،،

و اللي عجباه حته ظله تحت شجرة ،، يستولي عليها من غير عقد تمليك و لا ايجار

و يعتبرها ملكية خاصة لركنة عربيته

**crazylambada** · 03-06-2008 02:36 AM

الشارع و الطريق المصري محتاج لايد من حديد
علشان يتظبط تاني

**AhmedGen2** · 03-06-2008 02:47 AM

أكيد ، لاهو انت فاكر لو عملوا طريق الأحلام حد هيلتزم ، هتلاقى برضه النص نقل بيترقص من الشمال لليمين للنص وواخد الطريق كله غرز ، والميكروباصات من هنا ومن هناك ولا فى دماغك ..

المسألة تتلخص فى الإلتزام بالقوانين وتطبيقها بصرامة واحترام الآخر ، مفيش حد بيحترم حد ، دة اشارة المرور العربيات بتبقى واقفة على ممر المشاة يعنى مش سايبين فرصة الناس تعدى ومتحفزين كدة ولا كأنهم داخلين سبق أول ما الاشارة تفتح هوب تلاقى كله جرى..