نظفت الكربراتير وطلع دخان اسود

**matrix012** · 19-02-2012 02:28 PM

امبارح نظفت الكربراتير بتاع عربيتى الابيزا 94 موتور 1400 واستخدمت الاسبراى Gunk carb medic لونه اصفر ( اول مره استخدمه ) وده طبعا علشان انا بمون 80 بقالى كام مره علشان الظروف وبلاش احراج
المهم الصبح جيت ادور العربيه حلفت براس ابوها مش هتدور وكانها مخنوقه قوى قوى قوى وفى خلال ربع ساعه من محاولات التدوير للعربيه الحمد لله دارت وطلعت دخان اسود كانى راكب حبار خايف من سمكة قرش كبيره
هل ده طبيعى ولا الاسبراى هوا الى مش كويس ولا المفرود انى ارش الاسبراى ده والعربيه دايره ولا طريقة استعماله ايه
وشكرا
وربنا يستر طريقى وطريقكم

**SYD** · 19-02-2012 03:47 PM

طبعا هو الطبيعي انها كانت تطلع الدخان الأسودج وانت بتنظف مش تاني يوم
والمفروض انك كنت تنظف وتدور عشان تطلع الدخنة دي في ساعتها
او تنظف وهي العريبية دايرة اساسا

جانك الأصفر دة كويس
بس بيستخدموه اكثر في تنظيف الحساسات

والله المستعان
،
،

**ehab_mansour** · 20-02-2012 10:55 AM

احمد ربنا انها دارت اساسا
يا اخي الفاضل تنظيف الكاربيراتير او بوابة الانجيكشن بيتم بطريقتين الاولي و العربية دايرة و تزود جامد وانت بترش عشان متبطلش
و الثانيه تفك الكاربيراتير او البوابة بره خالص و تنظفها كويس و بعدين تركبها