ميجان والبطارية

**helmy1** · 26-02-2012 12:14 AM

لو سمحتوا انا المفروض اغير البطارية لأنها خلاص ودعت ..بس عايز اعرف تفاصيل بطارية الميجان 2005 وكام امبير ..يعنى تحديدا اجيبلها ايه بالظبط ..الموضوع للأهميه ..وشكرا لكل اخواتنا الوحوش

**iaibrahim** · 26-02-2012 12:27 AM

طيب اولا عرفت ازاى انها ودعت ؟ والمطلوب اظن70-72 امبير حسب الكتالوج وطبعا الفيرنا الالمانى الجافه طبعا هى الافضل بس يمكن غاليه شويه ومن فتره زميل محترم فى الموقع سأل فى التوكيل وجد الفرنساوى الاصلى قريبه فى السعر لكن تكلفه تركيبها هو اللى مبالغ فيه معرفش ليه مع التوفيق

**helmy1** · 26-02-2012 12:44 AM

اشكرك على الرد استاذ ابراهيم ..هى بقالها فتره بتقطع لما باجى ادور ..وبعدين نامت كذا مره خلال فترات متقطعة ..وجت بقى فى اخر اسبوع ده ..مافيييش ..بتدور بالتوصيلة بس ..يعنى اسيبها كام ساعة تنام ..عموما انا عايز اغتأكد من موضوع الاأمبير لانى رحت لحد بتاع بطاريات قاللى اتأكد الاول عشان لو اخدتها مش هينفع ترجعا ..وقاللى ان اللى عنده كورى ب 370 جنية لان بصراحة الفيرتا او الفرنساوى غالى شوية ودلوقتى هيكون صعب معايا

**iaibrahim** · 27-02-2012 12:08 AM

ربنا معاك وعلى فكره انا جبت لاولادى فى النوبيرا واللانوس بطاريات كورى جافه وكانت كويسه بس مش فاكر الماركه وخلى بالك من الامبير بتاعها وبعدين الميجان الاوتوماتك اعتقد انها محتاجه بطاريه كويسه

**Ahmed Selim** · 27-02-2012 01:52 PM

الأمبير المفروض يكون 72.............لو لقيت 72 توكل على الله

لو ملقتش 72 جيب 75 مش 70

**helmy1** · 28-02-2012 02:45 AM

استاذ احمد اشكرك جدا ..انا كنت محتاج المعلومة دى فعلا ..واشكر لك مجهودك الدائم مع الاعضاء

بس انا لقيت وانا بفك البطارية النهارده ..انها مش متثبته فى حاجة عشان تمسكها ..هل ده طبيعى ولا فى حاجة بتخليها ثابته فى مكانها كليبسات مثلا او حاجة زى كده ..والشكر لكل الوحوش