ساعدوني .. اخيرا صني 2012

**tito212121** · 21-02-2012 09:49 AM

المشاركة الأصلية كتبت بواسطة zangry

اولا مبروك على العربية

حضرتك الفرش ممكن تجيب الاستيكر عشان بيعمل خصم وتروح جينز كار تركب الفرش اللى انت عايزة

السينسور ووحدة الرفع هتلاقيهم فى التوكيل هتلاقيهم الاتنين مع بعض ب 500 تقريبا

الجنوط لو عايز الاصلية فى التوكيل عليها عرض ب 5800

الاسبويلر والكاميرا معرفش بصراحة

شكرا اخي الكريم

**tito212121** · 21-02-2012 09:53 AM

المشاركة الأصلية كتبت بواسطة ahmed.tv

الفرش امره سهل من عند الحاج احمد مشعل .. وتجارب الاعضاء ماليانة القسم
وكلمنى وانا اظبطلك الدنيا عنده باذن الله

الحاجة التانية موضوع السنسور ووحدة الرفع موجود فىا لتوكيل فى مودرن ب500 جنيه .. وبيرشولك العدسات عشان تكون لون العربية

بخصوص الاسبويلر تجيبه من الحرفين

والكاميرا الركن فيه مرايا صالون فيها سنسور ركن وبلوتوث ومكان فلاشة ووديفيدى وكاميرا ركن كمان .. بتكون فى حدود 800 جنيه من اى محل اكسسورز سيارات .. والافضل لو كانت موجودة فى التوكيل .. عشان تضم الضمان بتعها وعشان محدش يلعب فى الكهرباء

والجنوط الاصلى عليها عرض حاليا فى مودرن ب5800 .. ولو مستغليهم .. يبقا تجيب جنوط من بره 15 تايلاندى حتدخل فى حدود بالكتير 1700 او 1800 .. وال16 بتكون فى حدود 2500 او 2700

ممكن كمان تجيب زينون .. والزينون بره التوكيل الصينى 350 جنيه .. وفى التوكيل الصينى درجة اولى ب600 جنيه على ما اتذكر .. ولما بتركبه فى التوكيل بتاخد عليه ضمان فعلى سنة وكمان ضمان على الضفيرة عشان لو حصلها حاجة بسبب وصلات الزينون .. وفى كمان زينون اغلى فيلبس من عند وكيله او الموزع بتاعه بتجيبه على ما اتذكر فى حدود 1800 جنيه .. وفى زينون تانى اوسروم تقريبا فى حدود 1400 جنيه والفيلبس المانى
والاوسروم المانى تقفيل الصين

وممكن طالما حتركب جنوط و تكمل الشكل .. يبقا اعمل كساحات وعتب .. لو عملتهم فى الحرفين من غير رشهم حيكون تكلفتهم فى حدود 1300 جنيه تقريبا .. ورشهم زود عليهم من 500 جنيه الى 1000 جنيه .. سعر الرش بيختلف حسب نوع البوية اللى انت عايز ترشح بيها

ولو عايز تعملها خطوة خطوة .. اعمل الفرش الاول .. بعد كدا الجنوط
وبعد كدا الزينون .. وبعد كدا وحدة الرفع .. والسنسور تجيبه فى مرايا فيها سنسور وكاميرا مع بعض

تحياتى ليك وربنا يعطيك خيرها ويكفيك شرها

واسف على الاطالة

الف شكر احمد باشا ياريت لو تبعت لي رقم تليفونك علشان اكلمك ونظبط عند الحاج احمد مشعل

**Bishoy.Girgis** · 24-02-2012 12:22 AM

احمد مصطفي بصراحة انت قمت بالواجب و زيادة .. اقول انا ايه بقي ههههههههههههههههههههههههه هههههه

الف مبروك العربية الجديدة و ربنا يديك خيرها علي طول ..
هتلاقي موضوع الفهرس في المواضيع المثبتة مليانه مواضيع عن الاكسسوارات .. شوف و هتلاقي كل الاجابات علي اسئلتك

**Dr/ P.K.Sh** · 24-02-2012 01:58 AM

مبروك العربية و رجالة نيسان عملوا معاك الواجب و حتة زيادة

**Manchestrawy** · 25-02-2012 12:17 AM

ألف مبروك العربيه وااحمد تي في مسبش حاجه تاني تتقال .. بس متنسآش بردو تجيب شبكه سبور ..
الي بين الفوانيس الاماميه دي شكلها شيك اوي وبتغير شكل العربيه نهآئي :d << نفسي فيها
ومتنساش تجيب الفوجات لو معندكش ..

وقبل ده كلو هات الاستيكر عشان تآخد الخصومات كلها .. وتابع القسم هتلاقي فيه حاجات كيتر تفيدك
وهتكسب خبرات وهيا العربيه لسا جديده كدا عشان تآخدها واحده واحده وتحافظ عليها بأذن الله
والله يباركلك فيها ويكفيك شرها ..

**Manchestrawy** · 25-02-2012 12:23 AM

عفوا نسيت ان الصني الجديده شكلها مختلف معرفش حوار الشبكه الامامايه غيري يفيدك ..

**m_newyork** · 25-03-2012 08:20 PM

مع احترامي للجميع بس اولا طالما انت عاوز تعمل العربيه ريسنج يبقي اولا شئ تغير سوست وتجيب جنط مقاس 17 استعمال خارج هيعمل ف حدود1200 او 1700جنيه وثانيا تغير الفلاتر بفلاتر رياضيه وتغير علبه الشكمان بعلبه رياضيه وده هيدي اداء عالي جدا وهنيجي بقي لتغير الكراسي الاماميه بكراسي رياضيه وثم بعد ذللك نيجي لعمل الكسحات والعتب الي يليق ويساعد علي الاداء المتميز ومن بعد نيجي لتغير ف الفوانيس الخلفيه والاماميه وبعد ذلك ونغير السي دي والسماعات باخري وزينون ووسنسور بارك وتقبلوا مروري