المشاركة الأصلية كتبت بواسطة ringoo
قولت اعرض تجربتى بسيطة وسهلة يمكن حد يستفاد منها
انا بقى لما بحس ان وزنى زاد او عايز اخس بعمل الاتى
باكل سلطة كتير وفاكهة وبقلل الاكل وباكل بحد اقصى نص رغيف بلدى موزع على اليوم وباقى الاكل حاف كدة
بس باكل عادى يعنى رز ومكرونة وبطاطس مش فارقة معايا حاجة موضوع الاكل
وبشرب مياه كتير ممكن نقول 2 لتر + شاى اخضر كل يوم
....................................
الحاجة المهمة اللى بعملها انى بعمل تمارين الايروبكس زى ما كنت بعملها فى الجيش فى طابور الصباح
15 دقيقة جرى فى مكانك بسرعة متدرجة واخر 5 دقايق سرعة عالية قدر الامكان (لو فيه مشاية يكون احسن)
وبعد كدة ابدأ تمارين الاطالة لمدة 10 دقايق
وبعد كدة 5 دقايق تمرين بطن بالاضافة لمجموعة من تمرين الضغط
......................................
مجموع الوقت 30 دقيقة يوميا بدون رجيم قاسى ولا اى حاجة كل الفكرة فى حرق السعرات الزائدة عن الجسم عن طريق نص ساعة رياضة
من غير ما اضغط على نفسى او استخدام حركات عنيفة الا لو حالتى البدنية تسمح ... ومش لازم تبدأ ب 30 دقيقة ممكن تبدأ ب 10 دقايق فى اليوم وتبدأ تزود كل يوم دقيقة
ماتنتظرش نتيجة لحظية يعنى اول اسبوع اعتبرها مرحلة انتقالية لجسمك
حتلاحظ ان الهدوم كلها وسعت عليك فى خلال شهر او شهر ونص دة غير النشاط الملحوظ وقدرتك على بذل مجهود اكبر
من غير تعب دة غير انك مش بتسقع فى البرد بسهولة ...
يا رب تكون تجربة مفيدة وسهلة